दिस.वचन 21

नावाँ सिरमा आउर नावाँ धरती

1 # जसा 65:17; 66:22; 2 पत 3:13 फिन ईङ नावाँ सिरमा आउर नावाँ धरती के नेल लाईङ, एता लःअय ची मारी सिरमा आउर मारी धरती बनार ओचोअ थिना, आउर समुदर होः का ताही नेना। 2#जसा 52:1; दि.वचन 3:12; जसा 61:10फिन ईङ पबितर सहर, नावाँ जिरोसलेम के सिरमा तरअः परमेसर दुबाःड़े तरअः अड़गुन नेल लाईङ। होना हुनी कनया लकान थिनाय, जे अपन बरबाबु लःअय सिंगराव ताही नोआय।

3 # जहेज 37:27; लेवी 26:11,12 आउर ईङ राईज गदी तरअः जाहें के नोःआँ जोर से कंहड़ी यअते आयुम लियीङ, ची “नेलेपे, परमेसर आला डेरा मनवाकु आला ताला रे एदनाआ। हुनी हुंकू लोः डेरा केआय, आउर हुंकू हुनी आलकु होड़ कोआकु, आउर परमेसर खुदे हुंकू लोः ताही कोआय आउर हुंकू आली परमेसर कोआय। 4#जसा 25:8; जसा 35:10; 65:19हुनी हुंकू आला मेःड तरअः जामा मेःड दाअः के जोःड केआय, आउर नोःआँ तयोम मराईन एरे ताहिनोआ, आउर ना सोक, ना विलाप, ना पीड़ा ताही कोआ; एता लःअय ची मारी बात बिताव ना।”

5आउर जे राईज गदी रे दुड़ूः थिनाय, हुनी कंहड़ी लःअय ची “नेलेमे, ईङ जामा के नावाँअ दाईङ,” फिन हुनी कंहड़ी लःअय, “लिखा केमे, एता लःअय ची नोःआँ जामा वचन बि-बिसवास लकान आउर सचा एदनाआ।”

6 # जसा 55:1 फिन हुनी ईङ के बेता लिङाय, “नोःआँ जामा बात पुरा हुयाव ना। ईङ अलफा आउर ओमेगा, सुरू आउर आखरी हेके। ईङ तेतांग उनकु के जिनगी रअः दाअः रेनअः सोंत तरअः बकसिस पियाव कुईङ। 7#2 समु 7:14; सिरिंग 89:26,27जे जीताआय हिनी होना जामा जिनीस रेनअः हकदार पाड़ी कोआय, आउर ईङ हुनी आली परमेसर कोईङ आउर हुनी ईङ आली होपोन कोआय। 8बकिर ईङ फधयाकु, अबिसवासीकु, घींड़ कामीकु, आउर होड़ गोएःग कु आउर बेलाज कामीकु, आउर जादु टोनहाकु, आउर मुरती पुजाकु, आउर जामा झुठाकु आला हिसा होना सेंगेल रेनअः झील रे भेटाव कोआ, जे सेंगेल आउर गंधक तरअः जुल एका कोआ, नोःआँ दुसरा मराईन हेके।”

9फिन जे सातो सिरमादूत दुबाःड़े सात आखरी बिपाईत तरअः पेरेःग उना सात कटोरा थिना, हुंकू मेसे मियांड ईङ दुबाःड़े हीःग नेनाय, आउर ईङ लोः बात केते बेता लिङाय, “नोनते एला, ईङ आम के कनया माने कि पठरु आली गोमकाईन तेके उदूउमेईङ।” 10#जहेज 40:2ईङ आतमा रे हीःग निंग, हुनी मियांड बड़े आउर उसूल बुरु टुंडू तेंग रे इदी लिङाय, आउर पबितर सहर जिरोसलेम के सिरमा तरअः परमेसर दुबाःड़े तरअः अड़गुन केना के उदूःऊ लिङाय।

11परमेसर आला महिमा होना रे ताहिना, आउर होना रेनअः मरसाल मुरुक किमती टुकू, माने कि बिलौर लकान काँच लकान नेल पारोंगोअ वाला जसब लकान सफा थिना। 12#जहेज 48:30–35होना रेनअः चाईरो पखी मियांड बड़े सहर रेनअः हाता मुरुक उसूल थिना, जेकर रे बारा गोड़ दुवार थिना, आउर जामा दुवार रेनअः मड़ांग मि-मियांड सिरमादूत तिंगु थिनाकु। आउर होना दुवार रे इसराइलकु आला बारा गोतोरकु आला नुमू लिखा लअः ताहिनेना। 13आउर पुरूब पखा पेया दुवार, उत्‍तर पखा पेया दुवार, दखिन पखा पेया दुवार, आउर पछिम पखा पेया दुवार ताहिना। 14आउर सहर रेनअः हाता रेनअः बारा गोड़ नेव थिना, आउर होना रे पठरु आलकु बारा प्रेरितकु आला बारा गोड़ नुमू लिखा लअः ताहिनेना।

15 # जहेज 40:3 जे ईङ लो: बाते केनाय, हुनी दुबाःड़े सहर, होना दुवार आउर होना सहर रेनअः हाता ननपाव लःअय मियांड सोना रेनअः ननपावनी गज ताहिनेना। 16होना सहर चाईर कुनिया बसाव थिना आउर होना रेनअः जिलीङ, चाकेड़ बराबईर थिना, आउर हुनी होना गज तरअः सहर के नपाव लःअय दो, साढ़े सात साव कोस उडुंग नेना, होना रअः जिलीङ, चाकेड़ आउर उसूल बराबईर ताहिनेना। 17आउर हुनी होना सहर रेनअः हाता तेके मनवा आला माने कि सिरमादूत आला हाँथ तरअः नपाव लःअय दो, मि साव चौवालीस हाँथ हुयाव नेना। 18#जसा 54:11,12होना सहर रेनअः हाता जसब रेनअः बनाव लअः थिना, आउर सहर नोकान निमन सोना रेनअः थिना जे सफा काँच लकान चमकाअ केना।

19होना सहर रेनअः हाता जामा किसीम रेनअः किमती टुकू तरअः सिंगराव लअः ताहिना, पहिला नेव यासब रेनअः ताहिनेना, दुसरा नेव नील रतन किमती टुकू रेनअः, तीसरा लाड़ली रेनअः, चौथा मरकत किमती टुकू रेनअः ताहिना। 20पाचवाँ गोमेद, छटवाँ मनिक्या रेनअः, सातवाँ पीतमनी, अठवाँ फिरोजे रेनअः, नावाँ पुखराज, दसवाँ लहसनिए रेनअः, गरहवाँ धुमाइल रतन, बरहवाँ याकुत किमती टुकू रेनअः ताहिनेना। 21बारहों दुवार बारा मोती रेनअः ताहिनेना। मि-मियांड दुवार मि-मियांड मोती रेनअः बनाव लअः ताहिनेना। सहर रेनअः मुख संड़क सफा काँच लकान निमन सोना रेनअः ताहिनेना।

22ईङ होना रे एतान पबितर ओड़ाअ होः काईङ नेल लअः, एता लःअय ची जामा तरअः सवांगिया परभु परमेसर, पठरु गी होना रिनी पबितर ओड़ाअ हेके। 23#जसा 60:19,20होना सहर रे सिंङ बोंगा आउर चानु आला मरसाल रेनअः दरकार कनोआँ, एता लःअय ची परमेसर आला महिमा तरअः मरसालोअ ताना, आउर पठरु होना रिनी ढिबरी हेके।

24 # जसा 60:3 आउर राईज-राईज रिनकु होड़ हुनी आला मरसाल रे दंड़ा-बड़ान कोआकु, आउर धरती रिनकु राजा अपन-अपन ठाठ-माठ रेनअः जिनीस नोःआँ सहर रे आगु केआकु। 25#जसा 60:11होना रेनअः दुवार दिने कहियो एरे सिंगुरोआ, एता लःअय ची होनाःड़े कहियो एरे निदा योआ। 26आउर होड़कु राईज-राईज रिनकु होना रे ठाठ-माठ रेनअः जिनीस आगु केआकु। 27#जसा 52:1; जहेज 44:9आउर होना रे जहान छुँत जिनीस, चाहे घींड़ कामी वाला चाहे झुठ क-कंहड़ी वाला ओका लकान रे होः इरकु बोल दड़ीआ, बकिर हुंकू एकला बोलो दाड़ी कोआकु जेकर नुमू पठरु आला जिनगी रेनअः पुथी रे लिखा लअः एदनाआ।

Currently Selected:

दिस.वचन 21: ASR

Highlight

Copy

Compare