Popular Bible Verses from दिस.वचन 21

Share

हुनी हुंकू आला मेःड तरअः जामा मेःड दाअः के जोःड केआय, आउर नोःआँ तयोम मराईन एरे ताहिनोआ, आउर ना सोक, ना विलाप, ना पीड़ा ताही कोआ; एता लःअय ची मारी बात बिताव ना।”

आउर जे राईज गदी रे दुड़ूः थिनाय, हुनी कंहड़ी लःअय ची “नेलेमे, ईङ जामा के नावाँअ दाईङ,” फिन हुनी कंहड़ी लःअय, “लिखा केमे, एता लःअय ची नोःआँ जामा वचन बि-बिसवास लकान आउर सचा एदनाआ।”

आउर ईङ राईज गदी तरअः जाहें के नोःआँ जोर से कंहड़ी यअते आयुम लियीङ, ची “नेलेपे, परमेसर आला डेरा मनवाकु आला ताला रे एदनाआ। हुनी हुंकू लोः डेरा केआय, आउर हुंकू हुनी आलकु होड़ कोआकु, आउर परमेसर खुदे हुंकू लोः ताही कोआय आउर हुंकू आली परमेसर कोआय।

फिन हुनी ईङ के बेता लिङाय, “नोःआँ जामा बात पुरा हुयाव ना। ईङ अलफा आउर ओमेगा, सुरू आउर आखरी हेके। ईङ तेतांग उनकु के जिनगी रअः दाअः रेनअः सोंत तरअः बकसिस पियाव कुईङ।

जे जीताआय हिनी होना जामा जिनीस रेनअः हकदार पाड़ी कोआय, आउर ईङ हुनी आली परमेसर कोईङ आउर हुनी ईङ आली होपोन कोआय।

बकिर ईङ फधयाकु, अबिसवासीकु, घींड़ कामीकु, आउर होड़ गोएःग कु आउर बेलाज कामीकु, आउर जादु टोनहाकु, आउर मुरती पुजाकु, आउर जामा झुठाकु आला हिसा होना सेंगेल रेनअः झील रे भेटाव कोआ, जे सेंगेल आउर गंधक तरअः जुल एका कोआ, नोःआँ दुसरा मराईन हेके।”

फिन ईङ नावाँ सिरमा आउर नावाँ धरती के नेल लाईङ, एता लःअय ची मारी सिरमा आउर मारी धरती बनार ओचोअ थिना, आउर समुदर होः का ताही नेना।

फिन ईङ पबितर सहर, नावाँ जिरोसलेम के सिरमा तरअः परमेसर दुबाःड़े तरअः अड़गुन नेल लाईङ। होना हुनी कनया लकान थिनाय, जे अपन बरबाबु लःअय सिंगराव ताही नोआय।

होना सहर रे सिंङ बोंगा आउर चानु आला मरसाल रेनअः दरकार कनोआँ, एता लःअय ची परमेसर आला महिमा तरअः मरसालोअ ताना, आउर पठरु होना रिनी ढिबरी हेके। आउर राईज-राईज रिनकु होड़ हुनी आला मरसाल रे दंड़ा-बड़ान कोआकु, आउर धरती रिनकु राजा अपन-अपन ठाठ-माठ रेनअः जिनीस नोःआँ सहर रे आगु केआकु।