फिलिप्पी जान-चिनहार
जान-चिनहार
पौलुस फिलिप्पी रिनकु बिसवासीकु के नोःआँ चिठी ख्रीस्त आला जनम रेनअः लगभग 61 साल तयोम जेहेल रे ताहिनोअ तुली लिखा लःअय हुयाव सकाआ (1:13 )। रोम रे फिलिप्पी सहर रे ताहिन कु कलीसिया के नोःआँ चिठी सम्बोधित तदकुआय। प्रेरितकु आला कामी रअः पुथी तरअः आबु फिलिप्पी रअः बारे थोड़ेक जनकारी इदी दाड़ीआबु। मकिदुनिया परदेस रे ताहिन फिलिप्पी परदेस रअः राजधानी ताही नेना। नोआँड़े मकिदुनिया रे बसाअ वाला पहिला कलीसिया होः ताही नेना। पौलुस आउर सिलास बनाहोंड़ मिलाव केते नोआँड़े कलीसिया रेनअः असथापना लआकिन तेकर हुंकिन के नोड़े ताहिनोअ तुली मि-निदा लःअय जेहेल रे होः घलाव थिलकिनाकु (प्रे.कामी 16) नोःआँ चिठी के लि-लिखा रे पौलुस आला थोड़ेक उदेस्य ताही नेना। हुनी नोःआँ मोका के कलीसिया के होना भेंट लःअय धन्यवाद एमोअ लःअय काम रे आगु लःअय, जेकर से हुनी तब कुलगोःड लःअय जब हुनी आयुम लःअय ची हुनी जेहेल रे ताही नेनाय (4:10–19)। हुनी हुंकू के जेहेल रे अपन बेस-बेकार खभाईर एम यआते हुंकू दुबाःड़े तिमुथियुस तेकर इफ्रिदितुस के कलीसिया रिनी सलाह एमोई लःअय कु-कुलगोःड रअः सुनगुनी एमा लियाय, जेकर से हुंकू हुनी के स्वागाती कु तेकर हुनी आला अगवाई के मरजाईदे कु।
रुपरेखा
1. पौलुस चिठी रेनअः सुरू फिलिप्पी रअः कलीसिया के अभिवदन एमोअ तरअः याय (1:1–2)
2. होना तयोम हुनी अपन दसा रेनअः बाबेत रअः सुनगुनी हुंकू के एमा कुआय तेकर अपन भीतरी मन रेनअः बोझ हुंकू के उदूः कुआय (1:3—2:30)
3. फिन हुनी ख्रीस्तीय जिनगी रेनअः बाबेत थोड़ेक काम रअः सुझाव एमा कुआय (3:1—4:9)
4. पौलुस फिलिप्पी रअः कलीसिया के हुंकू आला भेंट लःअय धन्यवाद एम यआते तेकर अभिवदन सोंपाव यआते चिठी के चाबायाय।
Currently Selected:
फिलिप्पी जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0