याकुब 3

आलांग के क-काबु जरूरी

1बोयहाकु, आपे मेसे ढेर होड़ गुरू आलपे बनाअः, एता लःअय ची आपे पाड़ी आपे ची आबु गुरू कु तरअः ढेर कड़ाई से नेयाय इदी केआकु। 2एता लःअय ची आबु जामा ढेर ठाँव रे बराबईर तोड़ाव एकायाबु। जे बात रे चुक काय नुरोआ हिनी पका होड़ हेके, आउर हुनी पुरा होड़ो रे होः लगाम लगाव सकायाय। 3जदि आबु घोंड़ा के अपन काबु रे दो-दोहो लःअय हुनी आला आहा तेरे लगाम लगायाबु, दो हुनी आला होड़ो तेके होनते-नोनते घुमाव दाड़ीआबु। 4जहाज रअः नमुना इदीपे, होना केतनो बड़े तहिनोः आउर जोड़ होय तरअः चलायाकु, बकिर मियांड जहाज चलाव वाला छोटेअः केन पतवार जहाज चलावी आला मरजी मोताबिक चलायाकु। 5निआँ लकान आलांग होः होड़ो रअः मियांड छोटेअः केन अंग हेके, बकिर होना बड़े-बड़े डिंग तामेआय। नेलेपे, मियांड छोटेअः केन चिलंगी रे इकिन बाड़ बड़े बुरू रे होः सेंगेल लगाव जुनोआ! 6आलांग मियांड सेंगेल लकान हेके, जे आबु आला अंग रअः ताला रे जामा लकान अधरम रअः जाईर हेके, होना आबु आला पुरा होड़ो के गंदा गोअः तआय आलांग जिनगी रेनअः चाईल के ना-नास वाला भाठा रे बदलाव सकायाय आउर नरग रअः सेंगेल तरअः जुल केते गरगराव एकाना।

7जामा बरान रिनकु जनवर आउर ओड़े, रेंगाअ खाता जीव-जन्तु आउर दाअः रिनकु जीव-जनतु, जामा के जामा मनवा जाईत आला कबजा रे कबजा दाड़ी कोआकु, आउर कबजा रे एदान कुआ होः। 8बकिर जाहें होड़ होः आलांग के क-कबजा इरकु दड़ीआ। होना मियांड नोकान बुराई हेके, जे ओका हिला होः असथीर का ताहिनोआ आउर मराईन वाला बिस रे पेरेःग ताना। 9#एहेः 1:26आबु निआँ आलांग रे अपन परभु आउर बाबा आला धन्यवाद याबु आउर हिना तरअः होड़कु के जेके परमेसर आनेःग लकान बनाव तदबुआय भखाव कुआबु। 10मियांड आहा तरअः गी धन्यवाद होः उडुंगोआ आउर भखाव होः। ईङ आलकु बोयहाकु, नोःआँ लकान कोवान हुयाअः चाही। 11एतान दाअः रअः मियांड ठुका सोंत तरअः लामुङ आउर खार दाअः उडुंगोआ? 12ए बोयहाकु, अंजीर सिंङ तरअः जैतुन चाहे अंगुर लरंग तरअः अंजीर जो सकाआ एतान? हिना लकान खार दाअः सोंत तरअः लामुङ दाअः एरे उडुंग सकाआ।

परमेसर तरअः भेटाअः वाला गेयान

13आपे रे गेयानवान आउर समझदार ओके हेके? हुनी के अपन बेस चाईल-चकर तरअः आउर नमर बेवहार तरअः नोःआँ दे-देखाव चाही। होना नमरता गेयान तरअः सिरजाआ। 14बकिर जदि आपे आला मन रे मुरुक जोर हिसंगा आउर बिरोध पेरेःग ताना, दो अपन गेयान रअः डिगरी आलपे ठोकाव के। आउर ना सचाई रे परदा लगाव केते झुठा कंहड़ीपे। 15नोःआँ गेयान होना नलागे, जे तेंग तरअः अड़गुना बकिर नोःआँ दुनियादारी, आउर होड़ो रेनअः मोताबिक आउर सैतान पखा तरअः हेके। 16जे दुबाःड़े हिसंगा आउर स्‍वार्थ एदनाआ, होनाःड़े उटपटान आउर जामा बरान रअः बुराई हुयाआ। 17बकिर तेङ तरअः हीःग उना गेयान पहिल दो पबितर हुयाआ आउर मेल-जोल, सलोर आउर सहनसील आउर दया रे पेरेःग ताना, आउर बेस जोअ तरअः झोकरोम आउर ओके लोः होः पछपात कोवान आउर कपट का-ताहिनोआ। 18मेल मिलाप ची होड़ सानती रअः बिहाईन हेरोः दोवासते धरमिकता रेनअः खिती जवारेआकु।

Currently Selected:

याकुब 3: ASR

Highlight

Copy

Compare