Popular Bible Verses from याकुब 3

Share

बकिर तेङ तरअः हीःग उना गेयान पहिल दो पबितर हुयाआ आउर मेल-जोल, सलोर आउर सहनसील आउर दया रे पेरेःग ताना, आउर बेस जोअ तरअः झोकरोम आउर ओके लोः होः पछपात कोवान आउर कपट का-ताहिनोआ।

आपे रे गेयानवान आउर समझदार ओके हेके? हुनी के अपन बेस चाईल-चकर तरअः आउर नमर बेवहार तरअः नोःआँ दे-देखाव चाही। होना नमरता गेयान तरअः सिरजाआ।

मेल मिलाप ची होड़ सानती रअः बिहाईन हेरोः दोवासते धरमिकता रेनअः खिती जवारेआकु।

जे दुबाःड़े हिसंगा आउर स्‍वार्थ एदनाआ, होनाःड़े उटपटान आउर जामा बरान रअः बुराई हुयाआ।

आबु निआँ आलांग रे अपन परभु आउर बाबा आला धन्यवाद याबु आउर हिना तरअः होड़कु के जेके परमेसर आनेःग लकान बनाव तदबुआय भखाव कुआबु। मियांड आहा तरअः गी धन्यवाद होः उडुंगोआ आउर भखाव होः। ईङ आलकु बोयहाकु, नोःआँ लकान कोवान हुयाअः चाही।

आलांग मियांड सेंगेल लकान हेके, जे आबु आला अंग रअः ताला रे जामा लकान अधरम रअः जाईर हेके, होना आबु आला पुरा होड़ो के गंदा गोअः तआय आलांग जिनगी रेनअः चाईल के ना-नास वाला भाठा रे बदलाव सकायाय आउर नरग रअः सेंगेल तरअः जुल केते गरगराव एकाना।

बकिर जाहें होड़ होः आलांग के क-कबजा इरकु दड़ीआ। होना मियांड नोकान बुराई हेके, जे ओका हिला होः असथीर का ताहिनोआ आउर मराईन वाला बिस रे पेरेःग ताना।

बोयहाकु, आपे मेसे ढेर होड़ गुरू आलपे बनाअः, एता लःअय ची आपे पाड़ी आपे ची आबु गुरू कु तरअः ढेर कड़ाई से नेयाय इदी केआकु।