इब्रानी जान-चिनहार
जान-चिनहार
इब्रानी रअः पत्री मियांड डिढ़ एमोअ वाला चिठी हेके, जे देखायाय ची एता लकान ईसु ढेर मारी कनहुन रेनअः आगमजानी के पुराव लःअय। नोःआँ चिठी मियांड उपदेस रेनअः तौर रे लिखा लअः हेके। इब्रानी रअः चिठी रे 60 तरअः जादे मारी कनहुन रेनअः संदर्भ एदनाआ, जे सफा उदूगेआय ची एता लकान ईसु आगमजानी लअः के तेकर जाहुदी महापुरोहित आला जिम्मेदारी के पुरा लःअय। निआँ चलते नोःआँ पुस्तक जाहुदी ख्रीस्तीयकु के ढिड़ एमोअ लःअय लिखा लेना। इब्रानी रअः पुथी उदूगेआय ची एता लकान ईसु कनहुन के पुरा लःअय, जेकर से पुरोहितकु के आउर जहान बलिदान आलु रा-रकाःब पड़ाव कोअ। ईसु गी जामा पाप लःअय मिखेप जामा बेरा लःअय बलिदान चिठी रे ख्रीस्त आला अनुसरन ए-एका लःअय सिख नाम सकायाकु, जे आबु के परमेसर रे भरसा दो-दोहो रे संभव बनायाय, तेकर ईसु रे होः (12:2 )। जाहें होः पका काकु पाड़ीआ ची इब्रानी रअः चिठी के लि-लिखाई ओके हेके, बकिर बिद्दवानकु अंदाजा लगाव लआकु ची नोःआँ के लि-लिखाई प्रेरित पौलुस, लुकास चाहे बरनाबस हुयाव सकाआकु। नोःआँ के लि-लिखा रअः तारिक होः पता कनोआँ, बकिर ढेर मनाआकु ची नोःआँ के ख्रीस्त आला जनम रअः 70 साल रअः थोड़ेक पहिल लिखा तदाकु। जिरोसलेम के 70 ईस्वी रे नास थिलाआकु, बकिर नोःआँ चिठी के लि-लिखाई जिरोसलेम रेनअः बखान नोःआँ लकानेआय, जे लकान ची नोःआँ के काकु नास तादा। इब्रानी रअः चिठी रोम सहर रे लिखा लअः हेके (13:24 )। तेकर हुयाव सकाआ नोःआँ के ढेर कलीसिया रे सोदोर लआकु।
रुपरेखा
1. चिठी के लि-लिखाई उदूगेआय ची एता लकान ईसु परमेसर आलकु आगमजानीकु आउर सिरमादूतकु तरअः बाईढ़ केते एदानिया (1:1—4:13)
2. फिन हुनी मड़ांग उदूगेआय ची ईसु एता लकान जिरोसलेम रे बसाव उना परमेसर आला मंदिर रे सेवा-सुसार कु पुरोहितकु तरअः महान एदानिया। (4:14—7:28)
3. नोःआँ होः ची ईसु आला सेवकाई मारी वाचा रे परमेसर अपन होड़कु तरअः मुसा दोवारा जे कनहुन एम थिलाआय, होना तरअः होः बड़ेआ। (8:1—10:31)
4. जामा लकान रे ईसु आला महानता रेनअः बखान के तयोम लि-लिखाई थोड़ेक व्यवहारिक निर्देस के एमेआय (10:32—13:17)
5. आखरी रे लि-लिखाई थोड़ेक ढिड़ एमोअ वाला बात तेकर अभिवदन लोः चिठी के आखरीयाय। (13:18–25)
Currently Selected:
इब्रानी जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0