इफिसि जान-चिनहार
जान-चिनहार
इफिसि रअः चिठी आउर कुलुसी रअः चिठी लगभग मि बेरा रेगी माने कि ख्रीस्त आला जनम नेकान 60 साल तयोम लिखा तदाकु। नोःआँ के लि-लिखाई अपन जान-चिनहार प्रेरित पौलुस मेन केते एमेआय (1:1 )। ढेर लि-लिखाकु मनाआकु ची इफिसि रअः चिठी के पौलुस लिखा तदाय, हलांकि नोःआँ रे कुलुसी रअः चिठी रे भेटाआ होना अपन भाईर आला अभिवदन रेनअः घटी एदनाआ। हुयाव सकाआ हिना लःअय ची नोःआँ के परदेस रे ताहिन कु एटाअ कलीसिया रे होः पढ़ाव सकाअ कु। पौलुस नोःआँ बात रेनअः होः अड़िःगेआय ची नोःआँ चिठी के लि-लिखा बेरा हुनी जेहेल रे ताही नेनाय (3:1; 4:1; 6:20)। पौलुस नोःआँ चिठी के तुखीकुस आला तीः रे कुलगोःड लःअय जब हुनी इफिसुस रेनअः कलीसिया लोः भेंटोः रअः मन-मानाव केते अपन होरा डिडोअ रे उड़ूंगोः वाला थिनाय। इफिसुस मियांड बड़ेः केन सहर थिना आउर एसिया माईनर परदेस अन्तर्गत रोमी राजधानी थिना। इफिसुस युनानी देवी आरतेमिस रअः प्रति समर्पित मंदिर लःअय नामी थिना (प्रे.कामी 19:23–31)। इफिसुस रअः कलीसिया मुरुक जादे मजगुत एहेःब लआकु, बकिर तयोम धीमाड़ पाड़ीअ ना (दि.वचन 2:1–7)। पौलुस नोःआँ चिठी रअः सुरू रे उदूगेआय ची एता लकान परमेसर अपन होड़कु के निबाड़ लिकुआय तेकर ईसु ख्रीस्त दोवारा हुंकू के हुंकू आला पाप तरअः छोड़ाव लिकुआय। हुनी कलीसिया रेनअः जोखा मियांड अंग तरअः याय, जेकर बोहोअ ख्रीस्त हेके, आउर मियांड ओड़ाअ तरअः याय, जेकर रे ख्रीस्त जामा तरअः असली नेंव रअः टुकू हेके। चिठी रेनअः उतारा रे पौलुस ख्रीस्त जिनगी तरअः बाबेत रे सुझाव एमेआय।
रुपरेखा
1. पौलुस अपन जान-चिनहार एम यआते इफिसुस रअः अभिवदनेआय (1:1–2)
2. फिन हुनी कलीसिया आउर ख्रीस्त आला ताला रेनअः संबध रअः विवेचना याय (1:3—3:21)
3. होना तयोम पौलुस उदूगेआय ची मियांड ख्रीस्तीय के एता लकान ताहिनोअ चाही (4:1—6:20)
4. आखरी रे पौलुस चिठी रेनअः सिरसिरावती आखरी बात के दोहो यआते याय (6:21–24)
Currently Selected:
इफिसि जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0