2 तिमुथी 3
3
आखरी दिन बेरा
1आम बढियाँः केन पाड़ी जुनोः मे ची आखरी दिन बेरा मुरुक खिलपाईत हीःग कोआ। 2मनवा अपन एकला के दु-दुलार वाला, धन रअः लोभ-लालच, डींगमार, घमन्ड, परमेसर के नि-निन्दा वाला, एंगा-आपा आला हुकूम ट-टलाव वाला, धन्यवाद का एमोअ वाला, अपबितर, 3निठुर आउर बेगर छछमा वाला। दोस ललगाव वाला, मन के काबु कोवान दोदोहो वाला, कठोर, बेस काम रेनअः बैरी, 4धोखा एमोअ वाला, बेलुरा बेवहार, बड़वारी, आउर परमेसर के कोवान बकिर रिझ-रंग के गी चहाअ वाला हुयाव कोआकु। 5हुंकू भकती रेनअः भेस दो देखाव केआकु, बकिर होना भकती रअः सवांग के इरकु मनाआ। नोकान कु तरअः लंका ताहिनपे।
6हिंकु मेसे हुंकू होड़ एदान कुआ जे उकु-उकु ओड़ाअ रे बोलोयोआ कु आउर हुंकू आतमिक कमजोर लाईंकु के अपन जाल रे फंसाव कुआकु, जे पाप तरअः दबाव उनकु आउर जामा बरन रेनअः गादुस इकछा रे चलाआकु। 7नुकू लाईं जामा बेरा सिखाव दो सिखाव एका योआकु, बकिर सचाई रअः पुरा गेयान के कहियो इरकु पाड़ी दड़ीआ। 8#उइठ 7:11जे लकान यन्नेस आउर यम्ब्रेस मुसा आला विरोध थिलाआकिन, हिना लकान नुकू होड़ सचाई रेनअः बिरोधी हेके। नुकू आला बुधी भटकल एदनाआ आउर हुंकू आला बिसवास बेकामाअ ना। 9बकिर हुंकू आउर जादे मड़ांग सेनोः इरकु दड़ीआ, एता लःअय ची जे लकान ची मुसा के बि-बिरोध किन आला मुरखाई दिसतार नेना, हिना लकान हुंकू आला मुरखाई होः जामेकु मड़ांग रे दिसतार कोआ।
खास हुकूम
10जे भी हुयाअः, आम ईङ आला उपदेस, चाईल-चकर, जिनगी रेनअः माने मतलोब, ईङ आला बिसवास, ईङ आला स-सहाव, ईङ आला पेरेम आउर ईङ आला धीरज ईङ आला सताव आउर पीड़ा के पाड़ीआम। 11#प्रे.कामी 13:14–52; प्रे.कामी 14:1–7; प्रे.कामी 14:8–20आउर आम दो पाड़ी आम ची अन्ताकिया इकुनियुम आउर लुस्तोरा रे ईङ के इकिन जादे सतावन आउर दुख एम थिलाअकु, जेके ईङ सहाव थिलिईङ। बकिर परभु होना जामा तरअः बंचाव लिङाय। 12सही माने रे जे ख्रीस्त ईसु रे परमेसर के खु-खुस ची वाला जिनगी जिविडोः नामाकु, हुंकू जामा के सतावन हुयाव कोआ। 13बकिर खपतान आउर हे-हेड़े कु एटाअकु के आउर खुदे अपन के, हेड़े यअते खपतान तरअः खपतान पाड़ी सेन कोआकु।
14बकिर आम जे बात के सिखाव तनाम आउर बिसवास तदाम होना रे चलाव एकान मे। आम पाड़ीआम ची ओके तरअः नो:आँ सिकछा आम के भेटाव ताना। 15आम पाड़ीआम ची छोटे तरअः गी आम धरम पुथी के बढ़िंयाः केन पाड़ी आम। आम के होना बुधी एमा सकाव केमेआय, जे ईसु ख्रीस्त रे बिसवासे रे भेटाअः वाला उधार पखी इईदी आय। 16पुरा धरम पुथी परमेसर रअः आगवाई तरअः एम लअः हेके। नो:आँ होड़कु के सचाई रेनअः सिकछा एमोअ लःअय, हुंकू आला गलती के ससमझाव लःअय आउर सुसुधराव लःअय, आउर धरमी जिनगी जिविडोः रेनअः सिकछा लःअय फयदा एदनाआ। 17जेकर से परमेसर आली होड़ पका बनाए, आउर जामा बेस काम लःअय तेयार जुनोय।
Currently Selected:
2 तिमुथी 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
