2 तिमुथी 1

तिमुथियुस आला नुमू रे

1-2 # प्रे.कामी 16:1 नोःआँ चिठी ईङ आली दुलार होपोन तिमुथियुस लःअय ईङ पौलुस लिखाअ दाईंग, ईङ परमेसर आला मरजी रे ईसु ख्रीस्त आली प्रेरित हेके आउर जेके ईसु ख्रीस्त रे जिनगी न-नाम रेनअः वादा रअः प-परचार लःअय कुलगोःड लिदींग हेके।

बाबा परमेसर आउर आबु आली परभु ख्रीस्त ईसु पखी तरअः आम के, दया आउर सानती भेटाअः।

धन्यवाद आउर डिढ़ एमोअ

3ईङ अपन पुरखाकु लकान बेकासुर भितरी मन तरअः परमेसर आला सेवायींग, जामा बेरा निदा-सिङ आम के अपन बिनती रे उईहार यअते ईङ हुनी परमेसर के धन्यवाद एमायींग। 4जब ईङ के आम आला मेःड दाअः रेनअः उईहार हिजोआ दो, आम लोः ओका हिला भेंट कोईङ लःअय तरसाअ तनिङ जेकर से ची ईङ आला खुसी पुरायोअ। 5#प्रे.कामी 16:1ईङ के आम आला होना निमन बिसवास याईद एदनाआ। होना बिसवास पहिल आम आली आजी लोईस तेकर आम आली आयातम युनीके रे ताही नेना, आउर ईङ के बिसवास एदनाआ ची नहाअः आम रे होः एदनाआ। 6हिना लःअय ईङ आम के उईहार चीअ दिमीईंग ची परमेसर आला बराकाईत रेनअः होना बरदान के जुल एकाअ चामे, जे ईङ आला तीः दो-दोहो रे भेटाव थिना। 7एता लःअय ची परमेसर आबु के बोर रेनअः कोवान बकिर समरथ, पेरेम तेकर अपन के काबु रे दो-दोहो रेनअः आतमा एम तदाय।

8आम ना दो आबु आली परभु आला गोवाही एमोअ रे लजोअ मे आउर ना ईङ तरअः, जे हुनी लःअय जेहेल एदानिया, बकिर परमेसर आला समरथ रे भरसा दोहो केते आम ईङ लोः बेस खभाईर लःअय बिपाईत सहायमे।

9हिनी आबु के उधार लिबुआय आउर पबितर जिनगी जिवीडोः लःअय राअः तदबुआय। हुनी आबु आला काम रेनअः मोताबिक कोवान, बकिर हुनी अपन उदेस्य आउर दया मोताबिक नोकान लःअय, जे परमेसर तरअः ख्रीस्त ईसु रे आबु के जुग सुरुयोः तरअः पहिल रेगी सोंपाव लआ एदनाआ। 10बकिर नोःआँ दया नहाअः आबु आली उ-उधार अवला ईसु ख्रीस्त आला हिजोअ तरअः दिसतार ताना। ख्रीस्त ईसु मराईन रेनअः नास लःअय आउर अपन बेस खभाईर तरअः का गोजोअः वाला जिनगी के दिसतार लःअय।

11 # 1 तिमु 2:7 ईङ होना बेस खभाईर रिनी प-परचारी, प्रेरित आउर गुरू ठहराव लिदी हेके। 12आउर निआँ चलते ईङ नोआँड़े बिपाईत सहाव दाईङ, बकिर नोःआँ रे ईङ काईङ लाजोअ ताना, एता लःअय ची ईङ पाड़ीईंङ ची ईङ ओके रे भरसा दोहो तदिङ। आउर ईङ मनाईंग ची हुनी जे ईङ के जिमाओ तादिङाय#1:12 ईङ के जिमाओ तादिङाय युनानी मोताबिक “जे लकान ईङ जिमाओ तदकुईंग” नोकान होः लिखा सकायाबु।, होना के ज-जतनाव दोहो होना हिला जगुत दाड़ी सकाव केईङ। 13जे सचा बात के आम ईङ तरअः ईसु ख्रीस्त रे भेटाअः वाला बिसवास आउर पेरेम लोः आयुम तदाम, होना के अपन नमुना बनाव केते दोहोय मे। 14जे किमती जिनीस आम के सोंपाव लआ एदनाआ, होना के आबु रे बसाअ वाला पबितर आतमा रेनअः मदाईत तरअः पकबन्द दोहोय मे।

15आम पाड़ीआम हुंकू जामे जे एसिया रे ताहिनोआकु, बाई किदङाकु। फुगिलुस आउर हिरमुगिनेस हिंकु मेसे एदान किना। 16परभु आला दया उनेसिफुरुस आला ओड़ाअ-दुवार रे बनाल ताहिन, एता लःअय ची उनेसिफुरुस जामा बेरा ईङ के ढाढ़स एम तदाय। तेकर ईङ सिक्‍काड़ रे तोल लिदी एदानिङा लःअय हुनी काय लाज नेना। 17जब हुनी रोम सहर रे हीःग थिनाय, दो दांड़ा-दांड़ा नाम-नामते बड़ा मसकिल रे ईङ लोः भेंट नेनाय। 18परभु हुनी के नोःआँ बरदान एमाई ची हुनी होना हिला परभु आला दया नामे! हुनी इफिसुस रे ईङ लःअय जे सेवा कामी लःअय, होना के आम बढिंयाँअ केन पाड़ीआम।

Currently Selected:

2 तिमुथी 1: ASR

Highlight

Copy

Compare