2 पतरस जान-चिनहार
जान-चिनहार
पतरस रआ दुसरा चिठी तरअः पता चलाआ ची नोःआँ प्रेरित पतरस दोवारा लिखा लअः ताही नेना, बकिर नेदरम रिनकु ढेर बिद्दवान मनाआकु ची नोःआँ सच नलागे। ढेर संभव एदनाआ ची जाहें एटाअ पतरस पखा तरअः नोःआँ चिठी के लिखा तदाय। नोःआँ चिठी के लि-लिखाई खुद के ईसु आला जिनगी रेनअः तेकर खास केते भेस बदलाव रअः घटना अपन मेःड तरअः नेल लआ रअः गवाह रेनअः भेस रे पेसेआय (1:17–18)। जदि पतरस नोःआँ चिठी (3:1 ) के लि-लिखाई हेके दो ढेर संभव एदनाआ ची हुनी अपन गोजोअः तरअः पहिल रोम रे नोःआँ के मसी आला जनम 65-69 साल तयोम लिखा तदाय। पतरस नोःआँ के अपन दुसरा पत्री (3:1 ) होः उदूगेआय, तेकर अपन पहिला चिठी तयोम नोःआँ के लिखा उना देखायाय। हुनी नोःआँ चिठी जामे मसीही कु के सम्बोधित केते लिखा तदाय। पतरस नोःआँ चिठी बिसवासीकु के बेस जिनगी जिवीडोः लःअय डिढ़ एमोअ तेकर झुठा सिकछा एमोअः कु तरअः चौंचित ताहिनोअ लःअय चेतावन एमोअ रेनअः मतलोब रे लिखा लःअय (2)। हुनी हुंकू के डिढ़ एमा लिकुआय ची नोकान होड़कु आला बात रे आलकु धेयान के, जे नोःआँ कंहड़ी याकु ची ईसु दोबारा हिजोअ रे ढेर जादे बेरा लगाव दाय। बकिर हुनी सिखाव लिकुआय ची परमेसर काय देरीअ दा, बकिर हुनी चहाआय ची जामे उधार नामेकु (3:8–9)। नोःआँ मियांड कारन एदनाआ ची बेस जिनगी जिवीडोअ चाही (3:14 )।
रुपरेखा
1. पतरस अपन जान-चिनहार एमेआय, तेकर अपन पढ़ाअकु के सम्बोधित कुआय (1:1)
2. फिन हुनी हुंकू के बेस जिनगी जिवीडोअ लःअय उईहार चिकुआय, एता लःअय ची परमेसर नोःआँ लःअय समरथ तदियाय (1:3–21)
3. होना तयोम हुनी झुठा सिकछा एमोअ कु तरअः चौंचित ताहिनोअ लःअय चेतावन एमा कुआय आउर उदूः कुआय ची झुठा सि-सिखावकु आला आखरी रे एतान हुयाव कोआ (2:1–22)
4. आखरी रे पतरस बिसवासीकु के बेस जिनगी जिवीडोः रअः सलाह एम यआते तेकर ईसु आला दोबारा हिजोअ लःअय तेयार ताहिनोअ रअः आरजी यआते चिठी के चबायाय।
Currently Selected:
2 पतरस जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0