1 पतरस 5
5
परमेसर आलकु भेंड़ा
1आपे मेसे जे अध्यकछ एदान कुआ, हुंकू तरअः ईङ गोहराव तनिङ। ईङ होः अध्यकछ हेके, ख्रीस्त आला दुख उ-ऊठाव रिनी आला गोवाह आउर हिजोः बेरा रे दिसतारोः वाला महिमा रिनी भागी हेके। 2#सं.जोह 21:15–17आपे के परमेसर आला जे गोहड़ा सोंपाव लअः एदनाआ, होना रिनकु चरवाहा पाड़ीयोअः पे, परमेसर आला मरजी लकान हुंकू आला देखा-ताखायपे, लचार ते कोवान बकिर रिझते, घिंड़-घिंड़ा फयदा लःअय कोवान, बकिर सेवा भाव ते। 3आउर जे होड़ आपे के सोंपाव लिनकु एदान कुआ, हुंकू एड़े आलपे हक जमाव के, बकिर गोहड़ा लःअय नमुना बनाअः पे। 4आउर जे बेरा बड़े चरवाहा दिसतारोआय, दो आपे के कहियो का मुरझअः वाला महिमा रअः मुकूट भेटाव कोआ। 5#बेव 3:34निआँ लकान ए नवछटिया कोड़ाकु, आपे आलकु पुरखाकु आला लतार रे ताहिनपे। आपे जामेकु हुनी-नुई के से-सेवा लःअय नरम के सोलोंगेपे। एता लःअय ची “परमेसर घमंडी कु आला बिरोधेआय, बकिर नरम होड़कु तेंग रे दया याय।” 6#सं.मत्ती 23:12; सं.लुका 14:11; 18:14हिना लःअय परमेसर आला समरथी तीः तरअः लतार रे अपने के नेवराव तहिनपे। जेकर से ची ठीक बेरा सिरे आपे के उंचाव केपेआय। 7आपे अपन जामा सोंच-फिकिर के हिनी तेंग रे बाई गुल तापे, एता लःअय ची हुनी के आपे आला फिकिर एदनाआ।
8कनचित ताहिन पे आउर बिरिःड एकान पे! आपे आली बैरी सैतान मियांड गरजाः कूल लकान होनते-नोनते दंड़ा यःअते नोःआँ ताक रे ताही नोआय ची जाहें के चिरा जुमी। 9आपे बिसवास रे केटेःग केते होना लोः लड़ाअपे। आपे पाड़ी आपे ची गोटा दुनिया रे आपे आलकु बोकोकु होः नोःआँ लकान ससाईत ऊठाव दाकु। 10नहाअः परमेसर जे जामा दया रिनी एमोई हेके, जे आपे के ख्रीस्त रे अपन का-अन्तोः महिमा लःअय राअः तदपेआय, हुनी, आपे के थोड़ेक बेरा जगुत ससाईत ऊठाव तयोम आपे के परमेसर खुदे पकठा, असथीर, सवांगिया आउर केटेःग बनाव केपेआय। 11-12#प्रे.कामी 15:22,40हिनी आला राईज जुग-जुग बनाल ताहिनोअ! आमीन।
आखरी जोहार
ईङ आपे के नोःआँ संछेप चिठी सिलबानुस के लिखाः ची तदियिङ, जेके ईङ अपन बिसवास जुकूर बोको मनाईङ, ईङ आपे के समझाव देपेईङ आउर गवाही एमाअः देपिईङ ची निआँ गी परमेसर आला सचे दया हेके। नोःआँ रे केटेःग बनाल ताहीनपे। 13#प्रे.कामी 12:12,25; 13:13; 15:37–39; कोलो 4:10; फिल 1:24बेबीलोन रअः कलीसिया रिनकु होड़, जे आपे लकान गी परमेसर आलकु चुनाव लिनकु आपे के जोहार मेन गेआकु। आउर मसी रे ईङ आली होपोन मरकुस होः। 14ख्रीस्त दुलार ते हुनी-नुई के जोहार कुपे।
आपे जमाके जे ख्रीस्त रे एदान पेआ सानती हुयाअः।
Currently Selected:
1 पतरस 5: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
