Iroomaani 16
16
Shoobtiib
1Kanakhiryaay tukaniisaatiit shagaamana tukwaatoon Fuuba daayiit takat tikatiyeet toona waseeyani hookna. 2Batooh Ukwaasanaay udehayiit, Wꞌankwanaay oosmii ashishna. Batuuh hookna harriiweet tushamaam shamna. Batuuh suur aneebwa waribwa han tisham hoon.
3Biriskillaawwa Akiilaawwa tooshbu salaamaana. Bataah anii geeb Yasuuꞌaab Umasiih shagaameen. 4Bataah anii jillaay umidhhanoohna bidhꞌishiyaan. Aneeb oobhaat kaaki laakiin kastaah Ijintiileet kaniisi bateeh winneet yhamidna.
5Bateeyooh ugawiib teefeet tukaniisi han tooshbu salaamaana.
Whamadhꞌaayu Abaynituus been Aasiyaay whaashiib Umasiihii awwal aamaniyaab tooshbu salaamaana.
6Beet winneet dehookna shagaamtaat Maryam tooshbu salaamaana.
7Andarooniikuswa Juunyaaswa aniib yꞌayayda usijniib geebu iifiin, tooshbu salaamaana. Baraah ilinguumanaayi geeb ingadiina, aree baraah anii hankaay Umasiihiib iifiin.
8Ambiliyaatuus ani Wꞌankwanaay oosmii areeyaneeb beeb tooshbu salaamaana.
9Uurbaanuus Umasiihi geeboon shagaamiiniib, tooshbu salaamaana. Whamadhꞌaayu Istaakhiis han tooshbu salaamaana.
10Abeellas Umasiihiib jarrabamiyaayt aamanamiyaab beeb tooshbu salaamaana.
Baliib Ariistoobloosi dhiwa ikatiin tooshbu salaamaana.
11Heeroodiyoon wꞌayaaytaku tooshbu salaamaana. Naarsiisoosi dhiwa ikatiin baliib Wꞌankwanaay eefeen tooshbu salaamaana.
12Tiriifeenaawwa Tiraayfoosaawwa tooshbu salaamaana. Baliit taamꞌa Wꞌankwana akraab shagaamiyaan.
Tꞌaraawtoon Barsiis tooshbu salaamaana. Tuun batuuh han Wꞌankwana akraab shagaamta, tooshbu salaamaana.
13Ruufuus Wꞌankwanaay ishagaay dehaay waasamaab, tooshbu salaamaana. Bariitooh toondi aneeb han deetu akay tiifiit beet tooshbu salaamaana.
14Asiinkiriitooswa, Fileegoonwa, Harmaaswa, Baatroobaaswa, Harmeeswa isana bareeyooh geeb eefeenwa, tooshbu salaamaana.
15Filoolgooswa, Juuliyaawwa, Neeruuswa tukwaatoohwa, Oolimbaaswa kasseeh Ukwaasanaay oodehay bareeyooh geeb eefeenwa, tooshbu salaamaana.
16Mugaddast salaam taktak salaamaana.
Umasiihiit kaniisi kastaah tooshbu salaameen hookna.
17Isanaayaan, baliib ibtikeekna adhidh shagaameen, usalaliyookna goofiyaat ikatiin gwꞌadna. Baraah utꞌaliim wꞌallamamaab tikatiineeb imnafi shaga daayeen. Een bareeh hooy sigiina andi hookna. 18Bak tꞌiiteeb uudehay Wꞌankwanaayoon Yasuuꞌaab Umasiihi kashagaamiyaan. Laakiin tꞌeeteehna teekna shagaameen. Nafit kalmaateewwa sꞌaaryootiiwwa oodehay eenhas eetilna. 19Baraakna Ukwaasana tisnaakiirneet toona kassaah uudehay imaasiwna. Aflaay ani winneet hookna afirhaabi. Laakiin tudaayiinaaytiib daayiib fagaramteeneet toona hookna aharriiw. Teena tꞌamag aree hooy tiseegneet toona hookna aharriiw.
20Umꞌasig iniiw Ukwaasana, oobliis iragadaayeekna whii willa katꞌi indi.
Wꞌankwanaayoon Yasuuꞌiit tinꞌima geebookna badaayiin.
21Tiimooti, geebu shagaamiiniib, tooshbu salaamiini hookna. Luukiyuuswa, Yaasoonwa, Soosibaatarwa aniib yꞌayayda han tooshbu salaameen hookna.
22Ani Tartiyoos oon ujawaab dehookna akantiib, Wꞌankwanaay oosmii tooshbu salaamani hookna.
23Gaayoos, aneebwa tukaniisi kastoohwa yhadar hoon. Baruuh tooshbu salaamiini hookna.
Tumadiinaati dehayi shagaay mudiir ikatiib Araastuuswa, usanuun Kuwaartuuswa tooshbu salaameen hookna. 24Wꞌankwanaayoon Yasuuꞌaab Umasiihiit tinꞌima kasseekna geebookna badaayiin. Aamiin.
25Aflaay Ukwaasana winuuyt, barooh nhamid. Ani bhaliiyaniyeeb Yasuuꞌaab Umasiihiib Usakana Udaayiinaayt hayꞌaatiib, baruuh wꞌiimaanookna isꞌakiir, aree suur shꞌiika kwabaast toona oontꞌa lawsiini. 26Laakiin oontꞌa Ukwaasana Udaayim sooyaneeb inabiyaayi kitab lawisiyaan. Aflaay kassaah idehaya aamaniit barooh isnaakiirna.
27Ukwaasana ufagar oongaalnaay dehaay, umatuun diimaab Yasuuꞌaab Umasiihi geebii baꞌiikti! Aamiin.
Currently Selected:
Iroomaani 16: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
