Ilinguumamti 6
6
Asarama da waasamiyaan
1Been udamaaniib Wꞌankwana aamaniin uudehay guudiyaan. Een bareesooh gali Iyahuud Iyoonaani baliin Iyahuud Yꞌibriiyee ashkiimiyaan. Tꞌibraatfaatki Tiyoonaani, bꞌeebka iyiwneet timꞌariitii wꞌadhdhoohna miraat kiikeenayt, baraah ashkiimiyaan. 2Ilinguumiya itamna malu oodehay yꞌaamaniin kasseeh hiddaab waliikiyaana, “Ukwaasanaay ibhaliyi sooti mꞌariiti jillaay ishti nidꞌeet tuuna daayiit kitti. 3Yaa isanaayaan, asarama da hamooysamaab, fagaraab, Ukwaasanaay Shuuk atab waasaana. Teen teena bareeh nisꞌibik niyad. 4Ukwaasanaay ibhaliyi agriistiiwwa toosileeltiibwa idamaneen hassini.” idiin.
5Een ibhali kassaah areeyaan. Malyaab Istifaanuus waasiyaan. Baruuh winneet akra iimaan iibri. Aree Eeshuuk Imugaddasaayee ataabi. Malya aree Fiilibuswa, Birookhooruswa, Niikaanoorwa, Tiimoonwa, Barmiinaaswa, Niikoolaas Antaakiyaay whaashii iiktiib Yahuudiib ikeebwa, waasiyaan. 6Malya baraah een eenda ilinguumiya beeti haay eeyaan. Ilinguumiya siileeliyaaniit yꞌayeehna bareeyooh kehii daasiyaan.
7Aflaay Ukwaasanaay ibhali ibrarna. Alguduseeb iifiin yꞌaamanana willa gwuudiyaaniit winneet gwida fagiiriya Wꞌankwana aamaniyaan.
Istifaanuusiit tꞌabuuki
8Ukwaasana Istifaanuus nꞌimaatwa akrirwa yhii. Baruuh oodehayi bitik akraat ajaayib ikwaas. 9Malya Ikishiya Ifadagnaayi Iyahuudi Diini Gawii gwadi bareeh imgwashaashna. Geerawaaneewwa Iskandariyaaywa iiktiin Yahuudi gwadi han ikishiya ifadag ishamna. Kiiliikiyaaywa, Aasiyaaywa iiktiin wari han bareeh ishamna. Aan aanda Istifaanuus imgwasaarna. 10Laakiin gaal han bareesooh barooh nadiirsami kiihaay. Baruuh Aashuuk Imugaddasa hiiyyaab iiktiineet fagarandiitee hadiidi.
11Malya baraah daab galib balsaat yhiiniit hadiidisiyaan. Baraah “Istifaanuus kifuuri bhali Muusaabwa Ukwaasanaay kehiiwwa hadiidee nimaasiw!” idiin. 12Aflaay baraah oodehaywa, yꞌeegrimaawwa, whaggi koojaawwa Istifaanuusiib isbibna. Malya Istifaanuus yꞌabikniit umajlisi suurii haay eeyaan. 13Baraah gwisreet badeha ibidehaniit, “Uun baruuh oomhiin umugaddaswa Utooraati kehiiwwa toomaagti bhaliitii door han gadaab kiiki. 14Masi aree ‘Yasuuꞌa Naasiraay yꞌeetiit oon whaash kwidhsi indi aree Muusa hiiyyaayoon ikatiyeet tꞌaada gayyari indi.’ diyee nimaasiw.” idiin.
15Kassaah uudehay been umajlisiib iifiin winneet Istifaanuus iishbibna. Bariiyaah aafiir umalaki fiir tꞌiiteeb akay rhiyaan.
Currently Selected:
Ilinguumamti 6: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
