Matiu Naa hua hamaatua i loto te peepaa nei
Naa hua hamaatua i loto te peepaa nei
Te Rono Taurekareka i naa hua Matiu e hua poro naa hua hamaatua te Tama Hamataku ni kavake ki naa tama ana i te raa raa, anei ku hamaauri i Jisas. Jisas ko te tama raa ka hakahao naa tama te maarama nei i naa takahara laatou. Te rono taurekareka nei mee teeai ki hua koi ki naa Jiu, te manava ni hhae mai ai Jisas. Te lono nei he lono hoki naa tama katoo i te maarama nei.
Matiu e taataa hakaraaoi naa hua nei ki nani taatou te varo no illoa. Te peepaa nei e kaamata i tevaa Jisas ni haanau ai, anaa ki oti ku hua i tevaa Jon ni paptais te ia ma tevaa Jisas ni hakaaria ai Satan.
Te Rono Taurekareka i naa hua Matiu e hua poro Jisas ko te Tisa hamaatua koai e iloa hakaraaoi i naa Loo te Tama Hamataku, ma e hakailoa te henua i naa tiputipu te Mataapaa te Tama Hamataku. Naa hua aana i te peepaa nei e vvae i naa kuana e rima: (1) Naa hua aana e hakailoa te henua i aruna te Mouna, anaa ko naa hua aana i naa tiputipu ma naa hekau naa tama i te Mataapaa te Vaelani. E hua hoki i heaa naa tama naa e nani te mee ma heaa raa ka hhae i laatou i muri (Matiu 5—7); (2) Naa hua Jisas ni hua ake ki naa disaipol aana i tevaa aia ni hakauna laatou ki oo no mee ana hekau (Matiu 10); (3) Naa parapol i te Mataapaa te Vaelani (Matiu 13); (4) Naa tiputipu te disaipol hamaauri (Matiu 18); ma (5) Naa hua i tevaa te maarama nei raa ka oti ai ma tevaa te Mataapaa te Vaelani e au ai (Matiu 24—25).
Naa mannatu hamaatua i loto te peepaa nei
Naa tama i te manava Jisas 1.1—2.23
Naa hekau Jon Paptis 3.1-12
Tevaa Jisas ni paptais ka hakaari ina 3.13—4.11
Jisas e hekau i loto Galili 4.12—18.35
Kaamata i Galili ka hano ki Jerusalem 19.1—20.34
Te laatapu hakaoti i naa kuana Jerusalem 21.1—27.66
Jisas ku mahike i te mate 28.1-20
Currently Selected:
Matiu Naa hua hamaatua i loto te peepaa nei: NUR
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.