Markus Buk Markusé ni wlólo né
Buk Markusé ni wlólo né
Habar ta Fié: Kitab Markusé nje, técegé né Habar ta Fié (B. Ind: Injil pari Kabar Baik), ni ngale Jou Lahatala nané Yesus Kristusé nwóm yama po ité rir fapéluné né ndadi Kristus (B Ibrani: Mesias), Kolano ta Jou Lahatala nejaji tatubé lima lesu bo nfasalamaté kyaté. I ta npe ni diri ndadi korban, bo kyat pai le ta ndélé I né, nase Jou Lahatala nfayangésé keé nó sélsólé né, bóngo kyaté njé bisa nfayal Jou Lahatala re nduk ta fié sogado fajé néli le.
Kyat ta nlefo kitabé nje: Kyat ta runé fié Jou ni Méiténé né, félé be récegé Markus ta nlefo kitabé nje. Markusé nje, Petrusé ni dél faljilé. Markusé nlongé Petrusé néfétén farimé ta Yesusé npe né. Markusé njé, kyaté ma récegé Yohanesé (Kis. 12:12). Markusé nje ma ndéréré Paulusé i re Barnabas ta si rfané réfétén Habar ta Fié né po bótén ta lówé (Kis. 12:25). Po kitab ta nésé nóté, Paulusé ma nécegé Markusé nje kyat ta n'gali si ta rfafan Jou ni Méiténé (2Tim. 4:11).
Markusé nlefo kitabé njé po pai ni: Markusé nlefo kitabé nje po kyaté-kyat ta kyat Yahudi si pa. Kyaté nesté ma rtolén po bótén nésé, po Israelé né pa. Se kyat ta rduk kitabé njé, félé be re rémnaw Yesus pa re si ma runé pa ta féléo ta Yesus re npe né. Se Markusé nlefo né bo rfayal Yesusé sogado rdélé re rdéréré I né.
Dodoto-dodoto ta po kitab Markusé: Markusé néféténé Yesusé ni kawasa né, ta dolo faje: I nfafié kyat ta rlélété (Mrk. 1:29-34, 2:1-12), nfapangéné keé kyat ta re rmóté né (Mrk. 5:35-43), nfayangésé keé kyat ta róri sélsól félé né (Mrk. 2:1-12), re reni félé nóté ta nfaftulo Yesusé ni kawasa. Ta i néféténé né, bo kyat ta rémnaw Yesus pafule ma runé re rdélé I ta fatuwé. Si runé ta Yesusé njé, I ro Kolano ta Jou Lahatala néjaji né bo nwómé nfasalamaté kyaté njé (Mrk. 1:11, 1:24, 3:11, 8:29, 9:7, 14:61-62, 15:39). Markusé nlefo kitabé nje bo kyat ta rdéréré Yesusé tadélé rtébno pa, mayta rdéréré I le (Mrk. 8:34-38, 10:29-31).
Kitab Markus ta isémé né, Markusé néfétén ta agama Yahudi né riri kyat tuté nesté réyówé yéféné bo rpuné keé Yesusé. I néféténé ndimé ta rfanpuné I, rfakangelang I, tabóngo rpaku I po salibé lo sogado nmóté (Mrk. 15). Mayta, ngané telé le, I npangéné nmulé. Rewóré ta néi, Yesusé nfaftulo ni diri po kyaté-kyat ta rdéréré I né. I nané ni motemote nesté rfan po bótén wóm ntit ta wómé, bo rfawómo Habar ta Fié lima Jou Lahatala ni po farimé kyaté (Mrk. 16).
Currently Selected:
Markus Buk Markusé ni wlólo né: PBS
Highlight
Copy
Compare
Share
Want to have your highlights saved across all your devices? Sign up or sign in
2026 Indonesia Bible Society