Titus 2
2
MEDAEŊ INAN WOZOU NADIN AZU TA
Kris besabes dodin denauwoi?
1Ge o peteŋanek azu tiduk peteŋanawoi.#Tim I 6:3; Tim II 1:13 2Tamol besabes aiu gauz so dimoloi, gaid baŋai azu so diboloi, tea, i kagindaŋanoi, nadin ladinlon maliknen, ilopanek, nadin segatek niŋonlon mai demadowoi.#Tim I 5:1
3Pain besabes mai gun ditozoi, ufbibian teaboi, aiu tetamek wozen pasip so ditozoi, tea, i kagin gauai peteŋanawoi.#Tim I 3:11 4Pain faun megin didauziwoi, i nadin tamoloi dimatoi, ai kamooi mai. 5I kagindaŋan, ladin ikok, i ab kibinewoi, lodaŋan, iwodin auadin duzi depaniwoi, Anut inan azu biŋan so salanoi.#Ef 5:22
Tamol faun nadin azu
6Megin mon tamol faun tansaek pinidinpa i pizianeklon ditozoi. 7Abaŋ daŋanlon o nauknauk gauai inan naolalek pinidin, oina peteŋanek uzatlon peneŋanek teabnen, auadin gaid di baŋai teanen,#Tim I 4:12; Pet I 5:3 8azu tiduk me bitinen tea mai peteŋana, meginpe daŋektamol mamai funiwoi, i idoi azu salan dibolnen teaboi.#Pet I 2:15
Begabeg nadin azu
9Begabeg i nadin tamolujan peadinlon dibini didup demademap abaŋ daŋanlon iwoi ladin gamun ifuwoi, auadin so dibitiwoi.#Ef 6:5; Tim I 6:1; Pet I 2:18 10Nimadin dagen mai teaboi, tea, bubudin malikdaŋan ditozoi, meginpe i tinidinlon i Anut inad Patudpaseknen inan azu kagin mai biŋan dibisawoi.#Tit 1:3
Kris taoz ditozoi, Jesus malan denauwoi
11Anut inan kanim patunpaseknen tamolpain daŋanoi itaselak, me i peteŋanad, id kagin Anut inan tealak,#Tim II 1:10; Ef 1:4 12tealakgaz nadin malaisek mai me miz tepanip kankan gauailon, taoz, Anut kilian tan elon tatozoi. 13Suzuazouk gamun, Anut ujan, Patudpaseknen Jesus Kristus, inan kubel itasanen malan tenauwoi.#Kor I 1:7; Rom 5:2; Fil 3:20 14Me i inad aupasek daŋanlon id idadoi siben inaulak, i sibenoi inan tamolai ta kibiniamap i nauknauk gauailon jaeŋjaeŋ ditozoi.#Gal 1:4; Tim I 2:6; Ef 2:10; Kan 130:8 15Azu e ubolpa, tan saep pinidin, gik ubolpa bebana, tata o so meselano mon.#Tim I 4:12
Currently Selected:
Titus 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
