Titus 1
1
Tabei panek
1Paulus Anut inan begabeg, Jesus Kristus inan totol inaup Anut inan pilianekgaz ladinlon maliknenlon, azu malik diloŋnenlon mai, Anut ibollak egin daiap ditozoi. 2I bas dedeŋanek inan suzuazouklon, me Anut i sekauk inaunen tea wagam blani pinidinlak, melon ditozoi. 3Ge saen iduseg inan azulon fun beŋten inaulak, azu flalek uzat me Anut Patudpaseknen ipanaglak melon.#Ef 1:9, 10; Tim I 1:1, 11 4Titus nanug malik ilodlon maliknen taimonlon: Anut Tamad Patudpaseknen Jesus Kristus mai inan kanim mazoz maip o toano.#Tim I 1:2
MEDAEŊ TIZINEK ZEGAIKWAINOI MAI AZU TA
Medaeŋ inan tizinek dodinoi
5Mewoi ŋa o Kretalon ŋibino, ŋainag uzat kibinep batewoi, panupanulon matu unaup pinidinpa, o ŋepaolak egin.#Apos 14:23 6Ta i biŋan gauai, pain taimondaŋanlak, inan nanungaz mai ladinlon malikdime i mon iduse, ta i bezasekwain dagom tealak mai i tea.#Tim I 3:2–4 7Tizinekgaten i Anut inan abgaten egin peneŋanek teap madowoi, siben naon tea, buzun kekazun so iboloi, aiu milekbibian tea, zoikoi buben so ienoi, bulases so itozoi.#Kor I 4:1; Tim II 2:24 8Tea, panutawain kibinewoi, kagin gauaioi imat, kagindaŋan itozoi, i taoz waliŋ, sibenoi pizianekdaŋan itozoi. 9I azu malik get peteŋanilak me jabi gegaunoi, meginpe i tamolai azu taoz peteŋanap liwon jabekgaz mai auadin bitiwoi.#Tim I 1:10; Tim II 4:3
Kubulekwain Kretanen
10Dagom tealakgaz, auadinlon azu lasen, se wozaikgaz mai kuzum demadodime, muluŋ nasekgaz i wozou me inan matu, 11i auadin butuna mokoi, i ab samungaz daŋan zegaiklon didauzi taimondimelakoi, naon ŋalekoi i azu sekauk me i pidinnen so iduselak me depeteŋanadime.#Tim II 3:6 12Nadin azu flalektamol ta siben ibollak, Kretawain i gaid azu sekauk denaudime, i dazuk sladin, loadin ifulak silendaŋan. 13Azu e malik. Mewoi o bebana gegaun, meginpe i ladinlon malik tidukoi.#Tim II 4:2 14I Judagaz nadin dedado, tamol me azu malik miz depanilak nadin kibiaiŋ mai me dab so depaniwoi.#Tim I 4:7; Mat 15:9; Kol 2:22 15Bubudin ikoklak iwoi abaŋ daŋan ikok, ge me i nundaŋanlak, ladin mai so maliklak, iwoi abaŋ daŋan ikok tea, inadin kankan kakad mai nundaŋan.#Mat 15:11; Rom 14:20 16Anut diloŋdime dibol, ge nadin nauknauklon iwoi dekakezdime; sladin mok, dagom tea, nauknauk gauai daŋanoi kibianag so diduse.#Tim II 3:5; Kan 14:1, 3
Currently Selected:
Titus 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
