Rom 8
8
Kristus aupasek mateŋ mailonge pisiadlak
1Mewoilakoi gazo me i Jesus Kristuslon demadodime i meselanek tea.#Rom 8:4, 31, 39 2Basnen Uz inan kibiaiŋ me Jesus Kristuslon aupasek mateŋ mai nadin kibiaiŋlon pisiadlakoi.#Rom 3:27; Rom 7:23, 24 3Kibiaiŋ me tamol tinin sinan bodoklakoi inaunen so iloŋlak me Anut inau, siben inan Ai mok inauge tinin aupasekdaŋan ikolge i aupasekoi inaulakge iseg aupasek siben tininlon meselani.#Apos 13:38; 15:10; Heb 2:17 4Meginge kibiaiŋ taozoi japalime me idlon dadon isawoi, me id tinidlon so tatoz, tea, Uzlon.#Mat 5:17; Gal 5:16, 25 5Malik me i tininlon mon ditozdime i tinin inan abaŋoi tinidin denaug demadodime, ge me i Uzlon ditozdime i Uz inan abaŋoi tinidin denaug demadodime. 6Ge tininoi mon ladin denaunen me mateŋ, ge Uzlon ladin naunen me bas madoknen mazoz mai.#Rom 6:21; Gal 6:8 7Tinin inan kankan me Anut muguniimelakoi, i Anut inan kibiaiŋ dagom so paniime, malik inaunen so diloŋ.#Mat 12:34; Jak 4:4 8Me i tinidinlon demadodime i Anut gamun funinen so diloŋ.
9Ge Anut inan Uz aŋ lamilon madetap aŋ tinimilon so amadoame, tea, Uzlon. Ta i Kristus inan Uzdaŋan so mademap i Anut inan tea.#Kor I 3:16; Gal 5:24 10Ge Kristus aŋlon mademap tinimi me aupasekoi imat pasilap nami uz me taoz sinanlon basoi.#Gal 2:20; Pet I 4:6 11Ge me Anut i Jesus mateŋlonge biseg imaislak me inan Uz aŋ lamilon madetap, i me Kristus mateŋlonge biseg imaislak me inan Uz aŋ lamilon madetap, i me Kristus mateŋlonge biseg imaislak i inan Uzlon me aŋ lamilon madoime, nami tinimi dimatnen me mai bas niŋon paniwoi.#Kor II 4:14
Auanuzgunlon id Anut inan nanun
12Mewoi taiggaz, id tinin inan jawadanoi tinidlon so tatozoi.#Rom 6:7, 18 13Aŋ tinimi dagom apanitap aŋ apadaloi, mewoi, ge Uzlon tinimi inan nauknauk funip imatmap aŋ bas gauai amadowoi.#Gal 6:8; Ef 4:22–24 14Daŋan me Anut inan Uz idauziimelak i Anut inan ai. 15Aŋ aibegabeg inan kankan azeznen me so aŋalelak, tea, nanunai inan kankan aŋale, melon id tabol, Abba Mam!#Tim II 1:7; Gal 4:5, 6 16Uzgun siben inad uz mai disigianidime id Anut inan nanungaz.#Kor II 1:22 17Id nanunmap id fuzan ŋalekwain mai, Anut inan fuzan ŋalekwain, Kristus inan fuzan ŋalekbi, id i maip alan tenaumap id megin mon i maip kubel panadoi.#Gal 4:7; Bo 21:7
Alan naup madonen me kubeldaŋan madonen dal
18Ŋa ŋabol saen e inan alannauk me kubel loantap boboloanip tenasiwoi me mai so iduse.#Kor II 4:17 19Tan abaŋ daŋan Anut inan aigaz beŋten ditasawoi getadin disoug malan denaug demadodimelak.#Kol 3:4 20Abaŋ daŋan me bitig se madok paenlon inaulak, sebadin dibolge so inaulak, tea, inan auanoi me i suzuazouklon paenlon demadowoi ibollak me.#Gen 3:17–19; 5:29 21Tan abaŋ mai pedaleŋ inan sebaneklon patun paseknen deŋalep Anut nanungaz mai pasek kubelkubel deŋalewoi, mewoi.#Pet II 3:13; Joh I 3:2 22Id taloŋ abaŋ daŋan wagam temanig tinidin izozmeg egin desagaige gazo e. 23Tan abaŋ mon tea, id sibed mai me Uzgun inan suzuzum matudaŋanlak ilod tesagai, Anut inan ai ŋiliadoi malan tenau, tinid inan patunpaseknen ŋan me.#Kor II 5:2; Gal 5:5 24Suzuazouk elon id tetazadge kibiniadlak, ge suzuazouknen inan niŋon id tenasitame me suzuazouknen tea, it tat abaŋ i nasiime mewoi suzuazouime?#Kor II 5:7 25Ge abaŋ id so tenasitame id mewoi tusuzuazoumap id segateklon malan tenautame.
26Megin mon Uzgun siben inad bodok stemaniime, nasi, id so taloŋ dodin idusap togodoaniwoi, ge Uzgun siben igosigosnenlon, me fun tabolnen tea, gadiŋ inauime.#Rom 8:16 27Ŋan i me bubudin kibianiime i Uzgun inan ilon gazek mai iloŋ, i Anut ibolime egin godoanek inauimelak.#Kan 139:1; Kor I 4:5
Anut i patudpaseknen uzat fun inaug wadan mai funatiwoi
28Id taloŋ me i Anut ladin depanidime iwoi i abaŋ daŋan temanig ŋan gauainen mon inauime, nean inaulak menen i neadin blanig wigidinlak me.#Ef 1:11; 3:11 29Me i wagam iloŋlak me pilianag i inan Ai walis egin maip dikoloi, meginpe i taingaz kuzum ilonlon tidin matu egin madowoi.#Kol 1:18; Heb 1:6 30Ta mai me get neadin inaulak me i wigidin mailak; me i wigidinlak me taoz inaulak; me i taoz inaulak me kubelbunun mai pinidinlak.
Anut inan lo zen mok
31Mewoi id abaŋ ewoi dodin taboloi? Anut id maimap it diŋiadoi?#Kan 118:6; Mat 1:23 32I me siben inan Ai so pizianilak, tea, id daŋanoi binig inaulak, dodin i‐lon abaŋ daŋan se lo so panadoi?#Joh 3:16 33It Anut inan pilianekgaz tinidin isaewoi? Anut i taoz inauime.#Jes 50:8 34It meselanawoi? Kristus i imat pasilak, au mateŋlonge faun fuŋunig imaislak me Anut niman waŋlon matalime, idoi godoani maiime.#Kan 110:1; Rom 8:1; Joh I 2:1 35It Kristus inan ilonpaneklon pizibitadoi, alannauk tat, tea, modoanek, ŋalekuzek tat, pitol, niŋod mon madonen, pedaleŋ siziz panek, sebuzi tat? 36Gazelak egin, Olon nal daŋan funumag amatame, am belelek disiadinoi funatalak egin.#Kan 44:23; Kor II 4:11; Mat 10:16 37Tea, abaŋ e daŋanlon id seŋanad mok seŋanad, i‐lon i id ilon panadlak.#Joh 16:23 38I‐lon ŋa ilog malik, mateŋ basnen mai, eŋel, kibiaipanekgaz mai abaŋ gazomnen loantapnen mai, duzek fungaz mai,#Ef 1:21; 3:10; Kol 1:16; 2:15 39abaŋ latnen tiglon mai, abaŋ aenta tan elon inaulak me daŋan mai Anut inan ilopanek melon idinad Ujanzen Kristus Jesuslon ienime melon pizibitadnen so iloŋoi.#Pet I 3:22
Currently Selected:
Rom 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 8
8
Kristus aupasek mateŋ mailonge pisiadlak
1Mewoilakoi gazo me i Jesus Kristuslon demadodime i meselanek tea.#Rom 8:4, 31, 39 2Basnen Uz inan kibiaiŋ me Jesus Kristuslon aupasek mateŋ mai nadin kibiaiŋlon pisiadlakoi.#Rom 3:27; Rom 7:23, 24 3Kibiaiŋ me tamol tinin sinan bodoklakoi inaunen so iloŋlak me Anut inau, siben inan Ai mok inauge tinin aupasekdaŋan ikolge i aupasekoi inaulakge iseg aupasek siben tininlon meselani.#Apos 13:38; 15:10; Heb 2:17 4Meginge kibiaiŋ taozoi japalime me idlon dadon isawoi, me id tinidlon so tatoz, tea, Uzlon.#Mat 5:17; Gal 5:16, 25 5Malik me i tininlon mon ditozdime i tinin inan abaŋoi tinidin denaug demadodime, ge me i Uzlon ditozdime i Uz inan abaŋoi tinidin denaug demadodime. 6Ge tininoi mon ladin denaunen me mateŋ, ge Uzlon ladin naunen me bas madoknen mazoz mai.#Rom 6:21; Gal 6:8 7Tinin inan kankan me Anut muguniimelakoi, i Anut inan kibiaiŋ dagom so paniime, malik inaunen so diloŋ.#Mat 12:34; Jak 4:4 8Me i tinidinlon demadodime i Anut gamun funinen so diloŋ.
9Ge Anut inan Uz aŋ lamilon madetap aŋ tinimilon so amadoame, tea, Uzlon. Ta i Kristus inan Uzdaŋan so mademap i Anut inan tea.#Kor I 3:16; Gal 5:24 10Ge Kristus aŋlon mademap tinimi me aupasekoi imat pasilap nami uz me taoz sinanlon basoi.#Gal 2:20; Pet I 4:6 11Ge me Anut i Jesus mateŋlonge biseg imaislak me inan Uz aŋ lamilon madetap, i me Kristus mateŋlonge biseg imaislak me inan Uz aŋ lamilon madetap, i me Kristus mateŋlonge biseg imaislak i inan Uzlon me aŋ lamilon madoime, nami tinimi dimatnen me mai bas niŋon paniwoi.#Kor II 4:14
Auanuzgunlon id Anut inan nanun
12Mewoi taiggaz, id tinin inan jawadanoi tinidlon so tatozoi.#Rom 6:7, 18 13Aŋ tinimi dagom apanitap aŋ apadaloi, mewoi, ge Uzlon tinimi inan nauknauk funip imatmap aŋ bas gauai amadowoi.#Gal 6:8; Ef 4:22–24 14Daŋan me Anut inan Uz idauziimelak i Anut inan ai. 15Aŋ aibegabeg inan kankan azeznen me so aŋalelak, tea, nanunai inan kankan aŋale, melon id tabol, Abba Mam!#Tim II 1:7; Gal 4:5, 6 16Uzgun siben inad uz mai disigianidime id Anut inan nanungaz.#Kor II 1:22 17Id nanunmap id fuzan ŋalekwain mai, Anut inan fuzan ŋalekwain, Kristus inan fuzan ŋalekbi, id i maip alan tenaumap id megin mon i maip kubel panadoi.#Gal 4:7; Bo 21:7
Alan naup madonen me kubeldaŋan madonen dal
18Ŋa ŋabol saen e inan alannauk me kubel loantap boboloanip tenasiwoi me mai so iduse.#Kor II 4:17 19Tan abaŋ daŋan Anut inan aigaz beŋten ditasawoi getadin disoug malan denaug demadodimelak.#Kol 3:4 20Abaŋ daŋan me bitig se madok paenlon inaulak, sebadin dibolge so inaulak, tea, inan auanoi me i suzuazouklon paenlon demadowoi ibollak me.#Gen 3:17–19; 5:29 21Tan abaŋ mai pedaleŋ inan sebaneklon patun paseknen deŋalep Anut nanungaz mai pasek kubelkubel deŋalewoi, mewoi.#Pet II 3:13; Joh I 3:2 22Id taloŋ abaŋ daŋan wagam temanig tinidin izozmeg egin desagaige gazo e. 23Tan abaŋ mon tea, id sibed mai me Uzgun inan suzuzum matudaŋanlak ilod tesagai, Anut inan ai ŋiliadoi malan tenau, tinid inan patunpaseknen ŋan me.#Kor II 5:2; Gal 5:5 24Suzuazouk elon id tetazadge kibiniadlak, ge suzuazouknen inan niŋon id tenasitame me suzuazouknen tea, it tat abaŋ i nasiime mewoi suzuazouime?#Kor II 5:7 25Ge abaŋ id so tenasitame id mewoi tusuzuazoumap id segateklon malan tenautame.
26Megin mon Uzgun siben inad bodok stemaniime, nasi, id so taloŋ dodin idusap togodoaniwoi, ge Uzgun siben igosigosnenlon, me fun tabolnen tea, gadiŋ inauime.#Rom 8:16 27Ŋan i me bubudin kibianiime i Uzgun inan ilon gazek mai iloŋ, i Anut ibolime egin godoanek inauimelak.#Kan 139:1; Kor I 4:5
Anut i patudpaseknen uzat fun inaug wadan mai funatiwoi
28Id taloŋ me i Anut ladin depanidime iwoi i abaŋ daŋan temanig ŋan gauainen mon inauime, nean inaulak menen i neadin blanig wigidinlak me.#Ef 1:11; 3:11 29Me i wagam iloŋlak me pilianag i inan Ai walis egin maip dikoloi, meginpe i taingaz kuzum ilonlon tidin matu egin madowoi.#Kol 1:18; Heb 1:6 30Ta mai me get neadin inaulak me i wigidin mailak; me i wigidinlak me taoz inaulak; me i taoz inaulak me kubelbunun mai pinidinlak.
Anut inan lo zen mok
31Mewoi id abaŋ ewoi dodin taboloi? Anut id maimap it diŋiadoi?#Kan 118:6; Mat 1:23 32I me siben inan Ai so pizianilak, tea, id daŋanoi binig inaulak, dodin i‐lon abaŋ daŋan se lo so panadoi?#Joh 3:16 33It Anut inan pilianekgaz tinidin isaewoi? Anut i taoz inauime.#Jes 50:8 34It meselanawoi? Kristus i imat pasilak, au mateŋlonge faun fuŋunig imaislak me Anut niman waŋlon matalime, idoi godoani maiime.#Kan 110:1; Rom 8:1; Joh I 2:1 35It Kristus inan ilonpaneklon pizibitadoi, alannauk tat, tea, modoanek, ŋalekuzek tat, pitol, niŋod mon madonen, pedaleŋ siziz panek, sebuzi tat? 36Gazelak egin, Olon nal daŋan funumag amatame, am belelek disiadinoi funatalak egin.#Kan 44:23; Kor II 4:11; Mat 10:16 37Tea, abaŋ e daŋanlon id seŋanad mok seŋanad, i‐lon i id ilon panadlak.#Joh 16:23 38I‐lon ŋa ilog malik, mateŋ basnen mai, eŋel, kibiaipanekgaz mai abaŋ gazomnen loantapnen mai, duzek fungaz mai,#Ef 1:21; 3:10; Kol 1:16; 2:15 39abaŋ latnen tiglon mai, abaŋ aenta tan elon inaulak me daŋan mai Anut inan ilopanek melon idinad Ujanzen Kristus Jesuslon ienime melon pizibitadnen so iloŋoi.#Pet I 3:22
New Testament published by the British and Foreign Bible Society in 1960. Genesis published by the Australian Bible Society in 1971.