Rom 7
7
Kristus kibiaiŋ inan muzuanlon pisiadlak
1Aŋ so aloŋ, taiggaz, — kibiaiŋ diloŋdime me azu ŋipidinŋame — saen tamol bas mademap mon kibiaiŋ i inan gaten inauime. 2Pain tamoldaŋan me tamol bas mademap mon kibiaiŋlon i maig betemanalak, ge iwon imatmap kibiaiŋ i liluŋlon ienlak me tefalok.#Kor I 7:39 3Meginge iwon bas mademaplon i tamol ta mai ditozmap i jaitpain e diboloi. Ge inan iwon imat pasimap kibiaiŋ me iwoi tefalok, i tamol ta ŋalemap i jaitpain tea.
4Megin mon, taiggaz, Jesus Kristus tininlon sinan aŋ mai kibiaiŋoi amat pasilak. Meginge aŋ ta inanlak, ŋan i me mateŋlonge biseg imaislak, id Anutoi niŋon ta tenaup itasawoi, mewoi.#Kol 2:14 5Id tinidlon mon temademeg idinad bubed imais alannen me kibiaiŋ fuŋunig itasaime me idinad tinid inan boiboilon mateŋ inan niŋonoi uzat inau.#Rom 6:21; 7:7–25 6Ge gazo id kibiaiŋlonge pisiadlak, me i get sebanadlak menen tamat pasilak. Meginge id kibiaiŋ getnen tininlon mon so tatoztame, tea, Uz inan tazeŋ faunlon.#Rom 8:1, 2; 6:2, 4
Kibiaiŋ me abaŋ gauai
7Id mewoi dodin taboloi? Kibiaiŋ me aupasek? Tea mok! Ŋa kibiaiŋ teape ŋa aupasek so ŋaloŋpe. Kibiaiŋ so ibolpe, O mala so isi mon! ŋa malaiseknen so ŋaloŋpe.#Ekso 20:17; Rom 3:20 8Ge aupasek kibiaiŋlon fun inaug iloglon malag isinen kuzum fuŋunalak. Kibiaiŋ teameg aupasek metamatge ien.#Rom 5:13; 7:11 9Saen ta kibiaiŋ teameg ŋa bas ŋemadie ŋabol, ge kibiaiŋ iselag aupasek i bas imaisge me ŋa ŋamat pasi. 10Kibiaiŋ me bas madoknenoi inaulak me mug ŋamatnen egin ŋenasi.#Jak 1:15; Lew 18:5 11Aupasek kibiaiŋlon basge se wiziag, i‐lon sinan ifunag ŋamat pasi.#Heb 3:13 12Mewoi kibiaiŋ me gun, kibiai mai gun, taoz gauai mai.#Tim I 1:8
13Meginge abaŋ gauai ŋawoi mateŋ inaug itaselak? Tea mok! Ge aupasek me aupasek egin itasawoi, abaŋ gauailon ŋamat noadime, kibiaiŋlon aupasek me aupasek metalun inaup ienoi, mewoi.#Rom 5:20
Bubedlon tamol azugen demadodime
14Id taloŋ kibiaiŋ me Uzgun inan, ŋa bo tiniglon ŋatozŋame, aupasek ŋa idadge ŋemadoŋame.#Kan 51:7; Joh 3:6; Rom 7:18 15Ŋa ŋenauŋamelak me fun so ŋaloŋ gauai. Ŋenauwoi ŋabol me so ŋenauŋame, ge ta me ŋezezeŋaniŋame me ŋenauŋame. 16Mewoi abaŋ ŋamoilak me ŋenaumap ŋa sibeg ŋabol kibiaiŋ me gauai.#Rom 7:12 17Meginge ŋa sibeg mug so ŋenauŋame, tea, aupasek bubeglon ienime ŋan me.#Gen 6:5; 8:21; Fil 2:13 18Ŋa ŋaloŋ ŋa iloglon, me ŋa tiniglon, abaŋ gauai ta so ien, ŋenauwoi ilog bo ibolime, ge abaŋ gauai ŋenaunen so ŋaloŋ. 19Abaŋ gauai ŋenauwoi ŋabol me so ŋenauŋame, ge abaŋ salan ŋamoilak me ŋenauŋame, mewoi. 20Ge ŋa abaŋ ŋamoilak me ŋenaumap ŋa sibeg mug so ŋenauŋame, tea, aupasek iloglon ienime me inauime.
21Ŋa mug kagin ta ŋenasi, me ŋa abaŋ gauai ŋenauwoipa kagin salan mai izignen ienime. 22Ŋainag bubeg ilonnen bo Anut inan kibiaiŋoi ilog gamunime. 23Ge kibiaiŋ ta mai tinig inan boiboilon dab ŋepaniŋame, me bubeg inan kibiaik maig dizoidime, i aupasek inan kibiai me tinig inan boiboilon ienime melon sebanagime.#Gal 5:17; Pet I 2:11 24O tamol gadog, it mateŋnen tinig elon pisiagoi?#Rom 8:10; Kor I 15:57 25Jesus Kristus idinad Ujanzenlon Anut pez panipe! Ŋa ilog inan kibiaiklon Anut inan kibiaiŋ dagom ŋepaniŋame, ge tiniglon aupasek inan kibiaiŋ bian ŋepaluŋame.
Currently Selected:
Rom 7: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 7
7
Kristus kibiaiŋ inan muzuanlon pisiadlak
1Aŋ so aloŋ, taiggaz, — kibiaiŋ diloŋdime me azu ŋipidinŋame — saen tamol bas mademap mon kibiaiŋ i inan gaten inauime. 2Pain tamoldaŋan me tamol bas mademap mon kibiaiŋlon i maig betemanalak, ge iwon imatmap kibiaiŋ i liluŋlon ienlak me tefalok.#Kor I 7:39 3Meginge iwon bas mademaplon i tamol ta mai ditozmap i jaitpain e diboloi. Ge inan iwon imat pasimap kibiaiŋ me iwoi tefalok, i tamol ta ŋalemap i jaitpain tea.
4Megin mon, taiggaz, Jesus Kristus tininlon sinan aŋ mai kibiaiŋoi amat pasilak. Meginge aŋ ta inanlak, ŋan i me mateŋlonge biseg imaislak, id Anutoi niŋon ta tenaup itasawoi, mewoi.#Kol 2:14 5Id tinidlon mon temademeg idinad bubed imais alannen me kibiaiŋ fuŋunig itasaime me idinad tinid inan boiboilon mateŋ inan niŋonoi uzat inau.#Rom 6:21; 7:7–25 6Ge gazo id kibiaiŋlonge pisiadlak, me i get sebanadlak menen tamat pasilak. Meginge id kibiaiŋ getnen tininlon mon so tatoztame, tea, Uz inan tazeŋ faunlon.#Rom 8:1, 2; 6:2, 4
Kibiaiŋ me abaŋ gauai
7Id mewoi dodin taboloi? Kibiaiŋ me aupasek? Tea mok! Ŋa kibiaiŋ teape ŋa aupasek so ŋaloŋpe. Kibiaiŋ so ibolpe, O mala so isi mon! ŋa malaiseknen so ŋaloŋpe.#Ekso 20:17; Rom 3:20 8Ge aupasek kibiaiŋlon fun inaug iloglon malag isinen kuzum fuŋunalak. Kibiaiŋ teameg aupasek metamatge ien.#Rom 5:13; 7:11 9Saen ta kibiaiŋ teameg ŋa bas ŋemadie ŋabol, ge kibiaiŋ iselag aupasek i bas imaisge me ŋa ŋamat pasi. 10Kibiaiŋ me bas madoknenoi inaulak me mug ŋamatnen egin ŋenasi.#Jak 1:15; Lew 18:5 11Aupasek kibiaiŋlon basge se wiziag, i‐lon sinan ifunag ŋamat pasi.#Heb 3:13 12Mewoi kibiaiŋ me gun, kibiai mai gun, taoz gauai mai.#Tim I 1:8
13Meginge abaŋ gauai ŋawoi mateŋ inaug itaselak? Tea mok! Ge aupasek me aupasek egin itasawoi, abaŋ gauailon ŋamat noadime, kibiaiŋlon aupasek me aupasek metalun inaup ienoi, mewoi.#Rom 5:20
Bubedlon tamol azugen demadodime
14Id taloŋ kibiaiŋ me Uzgun inan, ŋa bo tiniglon ŋatozŋame, aupasek ŋa idadge ŋemadoŋame.#Kan 51:7; Joh 3:6; Rom 7:18 15Ŋa ŋenauŋamelak me fun so ŋaloŋ gauai. Ŋenauwoi ŋabol me so ŋenauŋame, ge ta me ŋezezeŋaniŋame me ŋenauŋame. 16Mewoi abaŋ ŋamoilak me ŋenaumap ŋa sibeg ŋabol kibiaiŋ me gauai.#Rom 7:12 17Meginge ŋa sibeg mug so ŋenauŋame, tea, aupasek bubeglon ienime ŋan me.#Gen 6:5; 8:21; Fil 2:13 18Ŋa ŋaloŋ ŋa iloglon, me ŋa tiniglon, abaŋ gauai ta so ien, ŋenauwoi ilog bo ibolime, ge abaŋ gauai ŋenaunen so ŋaloŋ. 19Abaŋ gauai ŋenauwoi ŋabol me so ŋenauŋame, ge abaŋ salan ŋamoilak me ŋenauŋame, mewoi. 20Ge ŋa abaŋ ŋamoilak me ŋenaumap ŋa sibeg mug so ŋenauŋame, tea, aupasek iloglon ienime me inauime.
21Ŋa mug kagin ta ŋenasi, me ŋa abaŋ gauai ŋenauwoipa kagin salan mai izignen ienime. 22Ŋainag bubeg ilonnen bo Anut inan kibiaiŋoi ilog gamunime. 23Ge kibiaiŋ ta mai tinig inan boiboilon dab ŋepaniŋame, me bubeg inan kibiaik maig dizoidime, i aupasek inan kibiai me tinig inan boiboilon ienime melon sebanagime.#Gal 5:17; Pet I 2:11 24O tamol gadog, it mateŋnen tinig elon pisiagoi?#Rom 8:10; Kor I 15:57 25Jesus Kristus idinad Ujanzenlon Anut pez panipe! Ŋa ilog inan kibiaiklon Anut inan kibiaiŋ dagom ŋepaniŋame, ge tiniglon aupasek inan kibiaiŋ bian ŋepaluŋame.
New Testament published by the British and Foreign Bible Society in 1960. Genesis published by the Australian Bible Society in 1971.