Rom 9
9
ILONLON MALIKNEN MON ANUT INAN TAOZ ŊALEKNEN DAL, MEWOI ISRAEL GOB MAI DODIN? 9–11
Gobgaz i ilonlon maliknenlon taoz deŋale, Israel ilonlon maliknen tealon kanim debedani
1Ŋa Kristuslon malik ŋabol, sekauk so ŋenauŋame, ŋainag kakad mai Auanuzgunlon sigianagime, 2ŋa sansan bubeg muzuan ita mai. 3Ŋa ilog ibol sibeg ŋainag taiggaz i mai daz taimonlak naon ŋa Kristuslon pizibitagpa ŋemadopeges.#Ekso 32:32 4I Israelgaz, i nanun mok egin iŋallak, i kubeldaŋan, temaneknendaŋan mai, i kibiaiŋ pinidinlak, i ubou nasekdaŋan, blani panekdaŋan mai.#Ekso 4:22; Deut 7:6; 14:1 5Fun temadingaz me inadin, tamol tinin uzig Kristus i‐lon itase. Anut i daŋan nadin getadin dedeŋanipnen madoime patun isap mado, Malik!#Mat 1:1–16; Luk 3:23–34; Joh 1:1
Israel aenta i Israel mok tea
6Ge id so taboloi Anut azu inan niŋon ta so itase, Israel daŋan me Israelwain mok tea.#Num 23:19; Rom 2:28 7I Abraham inan dazlakoi mewoi mai i daŋan nanungaz tea, tea, Isaklon oina daz wagiwoi ibol.#Gen 21:12 8Fun megin, me i tininlon mon nanun denaulak i Anut nanun tea, tea, blanipanek nanun i daz mok.#Gal 4:23 9Blanipanek inan azu me megin ibollak, Saen e eginlon ŋa ŋasop Sara i ai duzip madowoi.#Gen 18:10, 14 10Ge megin mon tea, tea, Rebeka i taimonlon idinad Mam Isaklon aidaŋange,#Gen 25:21 11i get ai so duzilag, abaŋ gauai ta salan ta mai so denaulag, Anut i get i‐lon ibollak i pilianek uziwoi, nauknaukoi tea, tea, inan wagiŋoi. 12I megin ipailak, Matu me mizimu bian paluwoi.#Gen 25:23 13Gazelak egin, Ŋa Jakob ilog ŋepanilak, ge Esau ŋumugunilak.#Maleak 1:2, 3
Anut inan kagin taoz tea e so taboloi
14Id mewoi dodin taboloi, Anut i taoz tea? Tea mok!#Deut 32:4; Mat 20:13 15I Moses ipailak, Ŋa kanim ŋeŋalep ŋepaniwoi ŋabolpa me ŋepaniwoi.#Ekso 33:19 16Teŋaeg alanoi ŋaboltap iwoi teŋaeg alanoi. Mewoi tamol i siben ilon ibol, siben palumap mon so ŋalewoi tea, Anut kanimlon mon iŋalewoi.#Ef 2:8 17Azu gazek Farao ipailak ŋan mewoi o ŋibisiolak, o‐lonpa ŋainag tiwog beŋten itasawoi, meginpe ŋainag neag panupanulon diboloi.#Ekso 9:16 18Mewoi i tata kanim ŋalep paniwoi ibolmap ŋan ipaniime, i tata inan buben gegaun inauwoi ibolmap ŋan inauime.#Ekso 4:21
19Ge o megin tat paiagoi, Aitoige tata peneŋaniime? I inauwoi ibollak, it pizianinen iloŋ? 20Ge tamol, o it, o Anut upaiume? Bod me inan waikkamaŋ ipaiime tat, O dodinlakoi megin tinig uwailak?#Jes 29:16; 45:9 21Waikkamaŋ i ganal gaten tea, i ganal boi talon anaŋ inan bod, boi talon uzat ta inan iwainen so iloŋ tat?#Tim II 2:20
Panupanuwain leŋadinlon tata Anut azu ladinlon malikmap i kanim deŋalep so depadaloi
22Me dodin, Anut inan buzun tiwon mai tat boboloaniwoige i kin gauz nasinasimeg inan bod pedaleŋnen dienlak me so pitiŋina,#Rom 2:4 23tea, inan kubel zenlon kanim inan bod me get kubeloi kibinialak me beŋten tat inauwoi?#Ef 1:3–12; Rom 8:29 24Id mai, me i get wigiadlak, Juda ilonlon mon tea, gob ilonlon mai. 25I Hosea auanlon ibolime egin, Me ŋainag tamolpainbadim tealak me ŋainag tamolpain ŋeblanawoi, ŋan i ilog so ŋepanilak i inag bubeg e ŋaboloi.#Hosea 2:25 26Aben melon i pidinlak, Aŋ ŋainag tamolpainbadim tea, melak Anut bas inan nanungaz deblanawoi.#Hosea 2:1 27Jesaia mai Israeloi ibobge ibolime, Israel nanungaz me mas inan abuz patun egin kuzumlak, ge aenta mon getadin pasiwoi.#Jes 10:22, 23; Rom 11:5 28Ujanzen i inaup tanlak inan betenaek idusawoi, zubuti ŋalep inauwoi. 29Jesaia get ibollak egin, Ujanzen Sebaot daz ta sagen so inau panadpe id Sodom egin tenauwoi, Gomora maip takoloi.#Jes 1:9
30Mewoi id dodin taboloi? Gob me kagin tiduk duzig so ditozlak i taoz deŋale, ŋan ilonlon maliknenlon deŋale.#Rom 10:20 31Ge Israel me kibiaiŋlon mon taoz duzig ditozlag i kibiaiŋ inan niŋon so denaug itase.#Rom 10:2, 3 32Aitoige? I ilonlon maliknenlon so duzilak, tea, kibiaiŋ inan nauknauklon. I pututeknen patlon niedin dupututi, 33gazelak egin, Anasi, ŋa Sionlon pat pututeknen melon i dibal diduwoi ŋenauŋame. Tata i ilonlon malikmap i mamai so ŋalewoi.#Jes 8:14; 28:16; Mat 21:42, 44
Currently Selected:
Rom 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Rom 9
9
ILONLON MALIKNEN MON ANUT INAN TAOZ ŊALEKNEN DAL, MEWOI ISRAEL GOB MAI DODIN? 9–11
Gobgaz i ilonlon maliknenlon taoz deŋale, Israel ilonlon maliknen tealon kanim debedani
1Ŋa Kristuslon malik ŋabol, sekauk so ŋenauŋame, ŋainag kakad mai Auanuzgunlon sigianagime, 2ŋa sansan bubeg muzuan ita mai. 3Ŋa ilog ibol sibeg ŋainag taiggaz i mai daz taimonlak naon ŋa Kristuslon pizibitagpa ŋemadopeges.#Ekso 32:32 4I Israelgaz, i nanun mok egin iŋallak, i kubeldaŋan, temaneknendaŋan mai, i kibiaiŋ pinidinlak, i ubou nasekdaŋan, blani panekdaŋan mai.#Ekso 4:22; Deut 7:6; 14:1 5Fun temadingaz me inadin, tamol tinin uzig Kristus i‐lon itase. Anut i daŋan nadin getadin dedeŋanipnen madoime patun isap mado, Malik!#Mat 1:1–16; Luk 3:23–34; Joh 1:1
Israel aenta i Israel mok tea
6Ge id so taboloi Anut azu inan niŋon ta so itase, Israel daŋan me Israelwain mok tea.#Num 23:19; Rom 2:28 7I Abraham inan dazlakoi mewoi mai i daŋan nanungaz tea, tea, Isaklon oina daz wagiwoi ibol.#Gen 21:12 8Fun megin, me i tininlon mon nanun denaulak i Anut nanun tea, tea, blanipanek nanun i daz mok.#Gal 4:23 9Blanipanek inan azu me megin ibollak, Saen e eginlon ŋa ŋasop Sara i ai duzip madowoi.#Gen 18:10, 14 10Ge megin mon tea, tea, Rebeka i taimonlon idinad Mam Isaklon aidaŋange,#Gen 25:21 11i get ai so duzilag, abaŋ gauai ta salan ta mai so denaulag, Anut i get i‐lon ibollak i pilianek uziwoi, nauknaukoi tea, tea, inan wagiŋoi. 12I megin ipailak, Matu me mizimu bian paluwoi.#Gen 25:23 13Gazelak egin, Ŋa Jakob ilog ŋepanilak, ge Esau ŋumugunilak.#Maleak 1:2, 3
Anut inan kagin taoz tea e so taboloi
14Id mewoi dodin taboloi, Anut i taoz tea? Tea mok!#Deut 32:4; Mat 20:13 15I Moses ipailak, Ŋa kanim ŋeŋalep ŋepaniwoi ŋabolpa me ŋepaniwoi.#Ekso 33:19 16Teŋaeg alanoi ŋaboltap iwoi teŋaeg alanoi. Mewoi tamol i siben ilon ibol, siben palumap mon so ŋalewoi tea, Anut kanimlon mon iŋalewoi.#Ef 2:8 17Azu gazek Farao ipailak ŋan mewoi o ŋibisiolak, o‐lonpa ŋainag tiwog beŋten itasawoi, meginpe ŋainag neag panupanulon diboloi.#Ekso 9:16 18Mewoi i tata kanim ŋalep paniwoi ibolmap ŋan ipaniime, i tata inan buben gegaun inauwoi ibolmap ŋan inauime.#Ekso 4:21
19Ge o megin tat paiagoi, Aitoige tata peneŋaniime? I inauwoi ibollak, it pizianinen iloŋ? 20Ge tamol, o it, o Anut upaiume? Bod me inan waikkamaŋ ipaiime tat, O dodinlakoi megin tinig uwailak?#Jes 29:16; 45:9 21Waikkamaŋ i ganal gaten tea, i ganal boi talon anaŋ inan bod, boi talon uzat ta inan iwainen so iloŋ tat?#Tim II 2:20
Panupanuwain leŋadinlon tata Anut azu ladinlon malikmap i kanim deŋalep so depadaloi
22Me dodin, Anut inan buzun tiwon mai tat boboloaniwoige i kin gauz nasinasimeg inan bod pedaleŋnen dienlak me so pitiŋina,#Rom 2:4 23tea, inan kubel zenlon kanim inan bod me get kubeloi kibinialak me beŋten tat inauwoi?#Ef 1:3–12; Rom 8:29 24Id mai, me i get wigiadlak, Juda ilonlon mon tea, gob ilonlon mai. 25I Hosea auanlon ibolime egin, Me ŋainag tamolpainbadim tealak me ŋainag tamolpain ŋeblanawoi, ŋan i ilog so ŋepanilak i inag bubeg e ŋaboloi.#Hosea 2:25 26Aben melon i pidinlak, Aŋ ŋainag tamolpainbadim tea, melak Anut bas inan nanungaz deblanawoi.#Hosea 2:1 27Jesaia mai Israeloi ibobge ibolime, Israel nanungaz me mas inan abuz patun egin kuzumlak, ge aenta mon getadin pasiwoi.#Jes 10:22, 23; Rom 11:5 28Ujanzen i inaup tanlak inan betenaek idusawoi, zubuti ŋalep inauwoi. 29Jesaia get ibollak egin, Ujanzen Sebaot daz ta sagen so inau panadpe id Sodom egin tenauwoi, Gomora maip takoloi.#Jes 1:9
30Mewoi id dodin taboloi? Gob me kagin tiduk duzig so ditozlak i taoz deŋale, ŋan ilonlon maliknenlon deŋale.#Rom 10:20 31Ge Israel me kibiaiŋlon mon taoz duzig ditozlag i kibiaiŋ inan niŋon so denaug itase.#Rom 10:2, 3 32Aitoige? I ilonlon maliknenlon so duzilak, tea, kibiaiŋ inan nauknauklon. I pututeknen patlon niedin dupututi, 33gazelak egin, Anasi, ŋa Sionlon pat pututeknen melon i dibal diduwoi ŋenauŋame. Tata i ilonlon malikmap i mamai so ŋalewoi.#Jes 8:14; 28:16; Mat 21:42, 44
New Testament published by the British and Foreign Bible Society in 1960. Genesis published by the Australian Bible Society in 1971.