Rom 6
6
Flanek gunlon kris i Kristus mai temanalak, mewoi i gun ditozoi
1Id mewoi dodin taboloi? Id kanim subuloaniwoi gaid aupaseklon tatozoi?#Rom 3:5–8 2Tea mok! Dodin id me aupasekoi tamat pasilak aupasek sedagep tatozoi. 3Aŋ so aloŋ id daŋan me Kristus Jesuslon flanadlak id inan mateŋ sinan flanadlak?#Gal 3:27 4Mewoi id i mai flanek sinan mateŋlon loflon noadlak, meginge Kristus Mam inan kubel tiwonlon biseg imaislak egin, id mai megin mon bas faunlon tatozoi.#Pet I 3:21; Kol 2:12; Kor II 5:17
5Id inan mateŋ walislon betemanadlak egin, megin mon tiziau walislon i maip betemanadoi.#Fil 3:10, 11 6Id me taloŋ idinad tamol getnen me i mai jakebazeklak zailak, tinidlon aupasek inan tiwon tazewoilakoi, id faun aupasek bian so tepaluwoi.#Gal 5:24 7Me i imat pasilak i aupasek tiwonlon so madoime mewoi.#Apos 13:28 8Ge id Kristus mai tamat pasilak, mewoi id ilodlon malik id i maip bas temadowoi.#Rom 6:4 9Id taloŋ, Kristus mateŋlonge biseg imaislakge faun so imatoi, mateŋ mug inan gaten tea. 10I imatmeg i aupasekoi imat pasi taimonlak, ge gazo madoime ŋan i Anutoi madoime.#Heb 9:26–28; Pet I 3:18 11Egin mon aŋ mai sebami aupasekoi amat pasi e abol, ge Anutoi Jesus Kristuslon bas amadoame aboloi.#Kor II 5:15; Pet I 2:24
12Mewoi aupasek nami tinimi me aloupa imatoi melon gaten so inaup inan malaisek paenlon so amadowoi.#Gen 4:7 13Nami tinimi boiboi mai aupasekoi kagin salan naukoi so ibinip apani mon. Tea, sebami Anut tamol mateŋlonge dimaislak bas demadodime egin tinimi inan boiboi taoz inan dazuk egin Anut apani.#Rom 12:1 14Aupasek nami ujanzen so inauwoi, tea, aŋ kibiaiŋ paenlon so amadoame, tea, kanim paenlon.#Joh I 3:6
15Ge dodin? Id me kibiaiŋ paenlon so temadotame, tea, kanimlon, mewoi id autapasoi? Tea mok!#Rom 5:17, 21 16Aŋ so aloŋ aŋ sebami abolge i me begabeg egin bian apaluame, ŋan i inan begabeg aŋ anauame, aupasek mateŋnen tat, tea, dagom taoznen tat.#Joh 8:34; Pet II 2:19 17Ge Anut pez tepanipe, aŋ wagam aupasek inan begabeg anaulak, ge gazo Anut azu aŋ kabe peteŋanaŋlak bubumidaŋan dagom apaniame. 18Aŋ aupaseklon pisiaŋge aŋ taoz inan begabeg anaulak.#Joh 8:32 19Ŋa tamol kagin ŋuzig ŋabolŋame, aŋ lami tealakoi. Aŋ tinimi inan boiboi nun inan begabeg anaulak, abaŋ taoz tealak me asedageg ilelak egin, megin gazomnen nami boiboi gun atoznen inan taoz apani.
20Aŋ aupasek inan begabeg atozmeg aŋ taozoi tinimi ibinig amade. 21Ge niŋon ait aŋalelak abaŋ mewoi aŋ gazo mamai funaŋime? Abaŋ me wadan me mateŋ.#Hesek 16:61, 63 22Ge gazo aŋ aupaseklon pisiaŋlakge aŋ Anut inan begabeg anaulak, me inan niŋon me gun noaŋnen, inan wadan bas dedeŋaneknen.#Pet I 1:9 23Aupasek wadan me mateŋlakoi, ge Anut inan zaiŋ me dedeŋaneknen bas, Jesus Kristus idinad Ujanzenlon.#Rom 5:12
Currently Selected:
Rom 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
