Popular Bible Verses from Rom 6

Share

Aupasek wadan me mateŋlakoi, ge Anut inan zaiŋ me dedeŋaneknen bas, Jesus Kristus idinad Ujanzenlon.

Aupasek nami ujanzen so inauwoi, tea, aŋ kibiaiŋ paenlon so amadoame, tea, kanim paenlon.

Mewoi id i mai flanek sinan mateŋlon loflon noadlak, meginge Kristus Mam inan kubel tiwonlon biseg imaislak egin, id mai megin mon bas faunlon tatozoi.

Nami tinimi boiboi mai aupasekoi kagin salan naukoi so ibinip apani mon. Tea, sebami Anut tamol mateŋlonge dimaislak bas demadodime egin tinimi inan boiboi taoz inan dazuk egin Anut apani.

Id me taloŋ idinad tamol getnen me i mai jakebazeklak zailak, tinidlon aupasek inan tiwon tazewoilakoi, id faun aupasek bian so tepaluwoi.

Egin mon aŋ mai sebami aupasekoi amat pasi e abol, ge Anutoi Jesus Kristuslon bas amadoame aboloi.

Id mewoi dodin taboloi? Id kanim subuloaniwoi gaid aupaseklon tatozoi? Tea mok! Dodin id me aupasekoi tamat pasilak aupasek sedagep tatozoi.

Aŋ so aloŋ aŋ sebami abolge i me begabeg egin bian apaluame, ŋan i inan begabeg aŋ anauame, aupasek mateŋnen tat, tea, dagom taoznen tat.

Ge Anut pez tepanipe, aŋ wagam aupasek inan begabeg anaulak, ge gazo Anut azu aŋ kabe peteŋanaŋlak bubumidaŋan dagom apaniame. Aŋ aupaseklon pisiaŋge aŋ taoz inan begabeg anaulak.