Israel Kan 90
90
TEZEPALEK 4
Moses, Anut inan tamol, inan gadiŋ ta.
1Ujazen, o daz uzekdaŋan nama madoknen
aben madoumelak.
2Get mon tannen did tealak eginlak,
tan fatu mai o get so unaulak,
o Anut wagamnenge dedeŋanip madoume.
3O tamol tinin bulip faun tenatan inauime,
o ubol mug, Faun amulpa asop, tamol nunudin.
4Me umaz 1000 o naonen nal noz binilak,
megin mok mon, tidom taimon temazaztame
inan melaen egin mon.
5O unaug tamolpain dosogoagig dile, i jenmin egin mon,
i kebasik egin mon bomon isaime:
6Bomon mon isag zizigun inauime;
juzamap miliaupa makaz.
7Oina buzu sinanlon am melama teabame;
oina jenailonlakoi am u ibol egin ibiniame.
8Tinima inan ja o naonen unaug dienlak,
nama aupasek miŋianig ienlak me oina nao inan sullon beŋten unaulak.
9Amnama nal daŋan oina buzulon biniime,
nama umaz Ha diboldime egin pasak itautime.
10Amnama umaz 70 mon, teab,
zagun gauaitap 80 mon;
ge inan saen me uzat muzuan buben alan mai mon;
me pasak binip am azoupa alaame.
11It oina buzu inan tiwon iloŋime,
It oina jenaioi izutime?
12Ujazen, amatnenoi lama gazek penamape,
meginpe am lama kaginkagindaŋanoi.
13Saŋeptap, Ujazen, umulpa uduwoi?
oina begabeg teŋaealannen pinidinpe!
14Bomon mon oina ilopanek segatekdaŋan dadon isap
penamape, meginpe am nama saen daŋanlon juma
isap lama gauaioi.
15Nal pite o noama alanlak me naon noamap lama zigewoi,
am abaŋ alan anasilak umaz megin mon zigiamawoi.
16Oina nauknauk oina begabeg meladinlon boboloanip iduwoi,
oina tiwo kubel inadin nunudingaz denasiwoi.
17Unaupa Ujanzen amnama Anut inan lo am fomalak ienoi,
nimama inan uzat am leŋamalon zatamoi,
au, nimama inan uzat unaup zatam.
Currently Selected:
Israel Kan 90: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
