Israel Kan 86
86
Dawid inan gadiŋ ta.
1Tiliŋa unaup, Ujazen, auag wabipe,
ŋa alan waiz mailakoi.
2Tinig tizinipe, ŋa Anut mai ŋakoloi ŋatozlakoi;
oina begabeg me o inau panoime me patun pasipe.
3O ŋainag Anut, o kanim ŋale panagpe, O Ujazen,
ŋa nal melaen daŋan o ŋiwigioŋamelakoi.
4Oina begabeg inan nitun jaun panipe,
olon ŋa nitug ŋibisaŋamelakoi.
5Ŋan o, O Ujazen, gauai, aupasek ilo padalime mai,
daŋan me o diwigiodime o ilopanek segatekdaŋan idusa mokime.
6Tiliŋa inag gadiŋoi dab pani, O Ujazen;
ŋainag gadiŋ tawoi ŋagodŋame me dab pani.
7Ŋainag alan inan nallon ŋa o ŋiwigioŋame,
o auag wabiume, mewoi.
8Tibud ilonnen ta o egin tea, O Ujazen,
nauknauk ta me oina mai so diduse.
9Panupanu o unaulak, O Ujazen,
me disop o naonen detakokoi,
oina nea biŋan mai dibisawoi.
10O uja; abaŋ kubelkubel unauumelakoi,
o sibe Anutged.
11Oina dal peteŋanagpe, O Ujazen,
ŋa oina malik niŋonlon ŋatozoilakoi;
oina neaoi ŋazutnenoi ŋainag bubeg temanipe.
12O Ujazen, ŋainag Anut, ŋa bubegdaŋanlon pez ŋepanoŋame,
ŋa sansanpe oina nea inan biŋan ŋibisawoi.
13Oina ilopanek segatekdaŋan me ŋawoi ujan mok;
o nitug Hades tiglonge tetazi ŋalelak.
14O Anut, wagaitamol ŋawoi dimaislak;
tamol ladin lo teag malandaŋan dufunagoi dedaleldime,
i sebadin noadinnen o so dunuodime.
15Ge o, O Ujazen, o Anut kanim lodaŋan mai,
o buzu pasak so isa, ilopanek segatekdaŋan bube malik mai.
16Ŋa diŋiagpe, teŋaealannen panagŋan;
oina tiwo me oina begabeg panipe,
oina painbegabeg inan ai patun pasipe.
17Oina lo inan bagoz ta peteŋanagpe ŋenasi,
meginpe i me dumugunagdime mamai deŋalewoi,
o ŋa aneg udug ilog ŋale mailakoi.
Currently Selected:
Israel Kan 86: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
