Israel Kan 85
85
Kanamkamaŋ inan. Kora inan ai nadin kanam.
1Ujazen, o oina tanoi lo mok;
o Jakob inan abaŋ faun kibinialak.
2O oina tamolpain nadin salannauk ilo padallak;
nadin aupasek daŋan toani idulak. Sela.
3Oina buzu daŋan uzaeg imullak;
buzu kekazu o miz panilak.
4Faun kibiniamape, O nama putumapasinen Anut,
am‐oi bube wonananlak me binipe!
5O gaid am‐oi buzu isawoi?
daz uzek daŋanoi buzu isawoi?
6O faun so noamap basoi,
meginpe oina tamolai olon zigiawoi?
7O Ujazen, oina ilopanek segatekdaŋan peteŋanamape,
oina putumaisanen penamape.
8Unaup azu Anut Ujanzen iboloi me ŋaloŋoi,
inan tamolpain i mazoz azu pidinoi,
inan gungaz, ŋan i me bubudindaŋan i dedaŋedime me.
9Malik, me iwoi dizutdime iwoi Anut inan patunisanen kibineg
ien, meginpe inad fatulon Anut inan kubel ienoi.
10Ilopanek segatekdaŋan buben maliknen mai nug naon tazetaze;
taoz mazoz mai nug musuk panipaniwoi.
11Buben maliknen me tanlonpa isawoi,
taoz me malan takokpa didlakpa abaŋ nasiwoi.
12Au, Ujazen, abaŋ gauailak me ipanadoi,
inad tan mai inan abaŋ inaup iduwoi.
13Taoz me i imugpa ilawoi,
inan nien inan dal kibine paniwoi.
Currently Selected:
Israel Kan 85: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
