Israel Kan 82
82
Asaf inan kanam ta.
1Anut i didnen kaunsil ilonnen inan abenlon matalime;
tibud leŋadinlon i abaŋ betenaeime:
2Saen pitep aŋ betenaep abedaniwoi,
salanbibiangaz mai auami taimonoi? Sela
3Bodokgaz temadin tealak mai nadin azu tali tiduk;
alangaz anaŋ ab mai tealak iwoi kagin tiduk seŋani.
4Bodoklak waizgaz mai getadin pasi;
Salanbibiadin nimadinlon tataz uŋal.
5I diloŋnen ladin kaginkagin mai tea,
i mafuzlon ditoz;
tan inan fod daŋan telelaulak.
6Ŋa ŋabol, Aŋ tibud,
Sutan Mok inan ai, aŋ daŋan;
7ge aŋ daŋan tamol egin amatoi,
kiŋ nanun egin abal aduwoi.
8O Anut umaispa, tan betenae;
panupanu daŋan oinalakoi!
Currently Selected:
Israel Kan 82: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
