Israel Kan 79
79
Asaf inan kanam ta.
1O Anut, gobgaz oina fuza ilonnen didule;
i oina tempel gun foa depanilak;
i Jerusalem dipitiŋinilak.
2Oina begabeg nadin tinidin
ma did paenlon dianiwoi pinidin,
oina gungaz nadin mudadin tan inan dazuk diani.
3Nadin daz naz egin dewali,
Jerusalem baŋenlon,
tata loflon denaunen so made.
4Id inad muduban nadin di,
izidnen me idoi baŋai azu dibol, dizad dewai mai.
5Saen pitep, O Ujazen, o dedeŋanip buzu isawoi?
O jenai usuip kekazu ja egin naniwoi?
6O buzu panupanu fodinlak wali,
i me o so diloŋ,
kiŋdom fodinlak
me oina nea so dewagidime me mai!
7I me Jakob detetame,
inan panu dipitiŋinilakoi.
8Sesgaz nadin aupasekoi tinima so sae mon;
teŋaealannen pasak unaup penamape,
am sagaflon amatalame.
9O putumapaseknen Anut, anema udu,
oina nea inan kubeloi;
tetazama ŋiliamape, nama aupasek ilo padal,
oina neaoi.
10Dodinlakoi panupanu diboloi,
Inadin Anut ŋan?
Oina begabeg nadin daz fuzelak me
melamalon naon pinidinpa panupanu diloŋoi!
11Sebanekgaz nadin sagaik me naonen itasap uloŋoi;
oina tiwo ujan sinan i me dimatoi sagen denaulak me toanape!
12Inad muduban nadin azu salan owoi sekauk denaulak
me naon sewenpa tinidinlon dizi, O Ujazen.
13Meginpe am oina tamolpainbadim, pifoldaŋan oina badinlon,
am dedeŋanip pez apanowoi;
daz uzekuzeklon am owoi kalel azu sai aniwoi.
Currently Selected:
Israel Kan 79: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
