Israel Kan 68
68
Kanamkamaŋ inan. Dawid inan kanam. Dug ta.
1Anut imaisŋan, i inaup inan agez depetetalewoi;
me i dumugunidime i naonnen diauwoi!
2Jakas petetale iauime egin o i kuduap diau;
gubuzuz inan taen jalon iauime egin,
megin salanbibiangaz Anut naonnen depadaloi!
3Ge taozgaz i judindaŋanoi;
i Anut naonnen muguzuŋ denauwoi;
i nadin judinlon zigiawoi.
4Anutoi dug abi, neanoi kalel abi;
i me timtaenlak itozime iwoi kanam abi apani;
inan nean Ujanzen, naonnen muguzuŋ anau!
5Temadin tealak nadin temadin, painbob nadin tizinek
me Anut inan panu gunlon.
6Me i panu tealak Anut madoknen aben paniime;
sebaneklon demadodime me idauzig abaŋ iduseg demadodime;
ge liwojabekgaz i tan kazaklon demadodime.
7O Anut, o oina tamolpain noadinnen upaz utozlak,
o fatu udau bufateg upazmeg. Sela
8Anut naonnen tan inini,
did ui walig idu;
ŋan Sinai Anut, Israel nadin Anut,
naonnen inini.
9O Anut, ui gauz sezaneg ile;
ina fuza nazoi imatge o faun kibinelak;
10oina belelek malandaŋan i badin deŋale;
oina lolon o i anaŋ tealak janeknen pinidin.
11Ujanzen kibiai inauime;
daup i totol deŋaleg ditozdime me ujan:
12Judaup nadin kiŋ, me diau, diau!
Panulon pain ju naon dewaedime,
13belelek nadin azlon demademeg —
bun inan banin silwerlon toanilak egin,
sazon damon gold bas egin.
14Ujanzen melak kiŋ pititiliameg,
sno Salmon didlak idu.
15O did ujan, did Bazan;
O did gomun kuzumdaŋan, did Bazan!
16Dodinge o did gomun kuzumdaŋan, did me Anut
inan madoknenoi ŋalelak mewoi jenai isuig laleume,
es, Anut sansanpe iwoi madowoi?
17Anut inan bobo me 20,000, tea,
tausend kuzum,
Ujanzen Sinainenge tazas gunlon idu.
18O did ujan uduseg,
tamolai julon uŋallak me udauzimeg,
tamol ilonnen lo abaŋ mai depano,
es, liwojabekgaz leŋadinlon mai, Ujanzen Anut
i zidinnen madowoilakoi.
19Ujanzen patun isap,
nal daŋan satuk panadime;
Anut i inad patudisanen. Sela
20Inad Anut i patunisanen Anut;
mateŋ tuzugusinen me Anut, Ujanzen, inan wou.
21Ge Anut inan agez getadin pitiŋiniwoi,
i me inan dal salanlon itozime inan gatenzaun pidewoi.
22Ujanzen ibol,
Ŋa Bazannenge ŋedauzip dimuloi,
ŋa betabetlonge ŋedauzip dimuloi,
23meginpe o nie dazlon samewoi,
oina gaun beladin mai agez tinidinlon naon deŋalewoi.
24O Anut, am oina wozou gun desaep dipazmap ailame
ŋainag Anut inan wozou, inag kiŋ inan, tazas gun moklon —
25dug jabekgaz malanlak, sazi saekgaz alounen,
liluŋlon aipain do kamo desae:
26Medaeŋ ujanlon Anutoi kibineknen azu abol,
nami Ujanzen me aŋ Israel inan naz gatenlon amadelak!
27Benjamin ŋan ua, mizimu mok i malanlak
leŋadinlon Juda inan tamolujangaz,
Sebulon inan tamolujan, Naftali inan mai.
28O Anut, tiwo fuŋunip;
O Anut, oina zagu, beŋten unaupe o get am‐oi uzat unaulak.
29Oina tempel Jerusalemnenlakoi
kiŋgaz nadin abaŋ lo deŋaleg izinen diladime.
30Dazuk gezazad ilonnen demadodime me bebanape,
tamolai ilonnen bulmakau dauai bulmakau nanun mai.
I me ju naonoi meladin isiime me nie paenlon upazpa didu;
tamolai juoi dimatdime pititilia.
31Unaup brons Egiptanenpa debezauwoi;
Etiopia Anutoi nimadin diwotoi.
32O tan inan kiŋdom, Anut inan dug abi;
Ujanzenoi kalel abi, Sela
33ŋan i me didlak, did getnenlak ipazge itozime;
nasi, i auan, inan auan ujan beŋten inaug ilaime.
34Anut tiwondaŋan e ubol,
inan sutan niŋon me Israel ilonnen ien,
inan tiwon me didlak.
35Anut inan tazas gun moklon bezeteŋanek ien,
Israel nadin Anut,
i tiwon zagun mai inan tamolai pinidinime.
Anut kibinep mado!
Currently Selected:
Israel Kan 68: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
