Israel Kan 65
65
Kanamkamaŋ inan. Dawid inan kanam ta.
1Kalel jabek owoi iduse,
O Anut, Sionlon;
malik e depaolak me duzi depaniwoi,
O me gadiŋ dab paniume me!
2Tamolai daŋan izinen dilawoi,
aupasekoi.
3Amnama doloanek puzotoanamamap
o ilo padalime.
4Patun isap oina panulon madowoi
me o pilianip izinen duziume!
Oina ab inan looi, oina tempel gunoi, am Iduse e aboloi.
5Nauknauk gegaunlon o auama wabig tetezama ŋiliamaume,
O putumalisanen inan Anut.
O me tan wadanwadan nadin suzuazouk,
mas dal makaiu dileg diendime mai.
6O me zagulon did ugunge dien,
tiwo piziolakoi;
7O me mas nadin babeŋ manin pinidinume,
kizikoz dipisinig dibobdime,
fatufatu nadin tamolai nadin kininai zen mai.
8Meginge i me tan geglon demadodime
i oina bagozoi dizezdime.
O unaug ad juza mai nadin saen didup i muguzuŋ denaudime.
9O lo udup tan wizez paniume,
o unaug filian idug gedagad paniume.
Anut inan naz geg aenaen iduseg paluime;
o sagau pinidinume,
o megin kibinelakoi.
10Fabul inan lof o wizez iduseg paniume,
inan baŋen kibineume,
uilon unaug bodok,
fabul mai baz panip isaime.
11O umaz melaun saenlon lolon bezezeŋaniume;
oina nie abenlon numuzan iduime.
12Fatu udaulon dazuk badinlonge gazeŋ iduime,
did judindaŋan beŋten ditasadime.
13Kebasik fatu zoaneklak dazuklon bala ijabime,
did liluŋlon fatu anaŋlon bala diabidime,
i muguzuŋ denaug temanig judindaŋan dug diabidime.
Currently Selected:
Israel Kan 65: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
