Israel Kan 6
6
Kanamkamaŋ: dazuk moldaŋan, Zeminitlon. David inan kanam ta.
1O Ujazen, buzulon so bebanag mon,
buzu kekazuklon so pututag mon.
2Ujazen, kanim ŋale panagpe, ŋa tinig miliaulakoi;
Ujazen, kibiniagpe, inag dog izezimelakoi.
3Inag nitug mai gauz izezime.
Ge o, Ujazen, saŋeptap.
4Diŋiagpe, Anut, patug pasipe;
oina ilopanek segatekdaŋan sinan tetazag ŋiliagpe.
5Mateŋlon tata o ilon so isouime;
it Hadeslon o pez panonen iloŋ?
6Ŋa ŋagosmeg tinig izoz;
tidomlon sansan melauglon inag badim sisez ŋepaniŋame;
ŋatameg ŋainag wonoŋ aben sipinime.
7Ilog alanlakoi malag salanime,
inag agez kuzumlakoi malag biŋiboŋime.
8Binagpa ala, aŋ salannaukgaz daŋan;
Ujanzen inag tiŋia inan liŋan iloŋlakoi.
9Ujanzen inag gadiŋ iloŋlak;
Ujanzen ŋainag godoanek dab paniime.
10Ŋainag agez daŋan mamai ifup gauz dizezoi;
i dubulip buntaimon dedeladaloi.
Currently Selected:
Israel Kan 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
