Israel Kan 53
53
Kanamkamaŋ inan: Mahalat sinan. Dawid inan Maskil.
1Tamol gedagad bubenlon ibol,
Anut bas ta so madoime.
I dimaulak, nadin nauk salan mok denaudime;
tata gauai so itozime.
2Anut didlakge soakge
tamolai ilime,
tata ladin kaginkagindaŋan, Anut
debezanidime me iloŋoi.
3I daŋan miz depanig;
i daŋan nug dikolge sladin;
tata gauai so ditozdime,
taimon ta mai tea.
4Nadin nauknauk salanlak me ladin tea,
me ŋainag tamolpain sepalaŋ egin dijiniadindime,
Anut so dewagidime?
5Mug dizutnen ujan deŋale,
es dizutnen i get so denasilak me!
Anut i siben so dikollak me nadin dog siziniawoi;
i mamai deŋalep ditozoi, Anut i meselanalakoi.
6Sionlonpa Israeloi patunpaseknen isopes!
Anut inan tamolpain nadin madoknen kibinemap
Jakob i zigep Israel jaun isawoi.
Currently Selected:
Israel Kan 53: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
