Israel Kan 52
52
Kanamkamaŋ inan. Maskil ta, Dawid inan. Doeg Edomwain iseg Saul ipai, Dawid Abimelek inan ablon ise.
1O bilakzen, o aitoi aua fezafuzume,
Anut inangazoi kagin alan unaulak menen?
Nal melaen daŋan o pitiŋinekoi fenafunume.
2Bale me resa egin malandaŋan,
o muzipasekwain.
3O kagin salanoi gauz umat, kagin gauaioi egin tea,
azu sekaukoi kin zen umat, azu malikoi tea. Sela
4Azu me tamol teŋaliime mewoi umat,
O bale sekauk.
5Ge Anut puzotoanop dedeŋanip udup madowoi;
i oina tazaslonpa wiziop tetazop uduwoi;
tamolai bas demadodime tan melon o gutowoi. Sela
6Taozgaz i denasip dizutoi,
i iwoi didiwamap diboloi,
7Tamol me inan seafuknen aben Anut izinnen ilanen
me imoilak nasipe,
tea, inan filian zen inau panilak,
inan jes ilonnen seafukoi dalellak me!
8Ge ŋa oliw bas egin
Anut inan ablon.
Ŋa Anut inan ilopanek segatekdaŋan ŋenau ŋepaniŋame, sansanpe.
9Ŋa dedeŋanip pez ŋepanowoi,
o unaulakoi.
Ŋa oina nea beŋten ŋenauwoi, me nean gauailakoi,
Anut inangaz noadinnen ŋaboloi.
Currently Selected:
Israel Kan 52: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
