Israel Kan 39
39
Kanamkamaŋ‐Jedutun‐Dawid inan kanam.
1Ŋa ŋabol, Ŋa inag dal dab ŋepaniwoi,
me ŋa baleglon au so ŋapasoi;
salanbibiangaz izignen ditozdime saen melon
ŋa auag ŋetezemeŋaniwoi.
2Ŋa to ŋabolge auag so ŋesepanilak,
azu so ŋabolmeg lo tea;
inag alan ujange ile,
3bubeg nanig ilonnen wonanan.
Ŋa komkommeg ja inani;
meginge ŋa baleglon azu ŋabol:
4Ujazen, inag abaŋ e inan wadan peteŋanagpe,
inag nal me pite;
inag saen dodin pasak iauime me ubolpa ŋaloŋ.
5Nasi, o unaug ŋainag nal me niman aten bebaŋan taitai egin mon,
inag saen tanlak me o naonen tituk mon.
Malik, tamol dadodado jaeŋ ŋalek taimon egin mon madoime! Sela
6Tamol i malik jauŋ ikolge itozime!
Malik i se mok mon jaeŋ sufutaneklon demadodime;
tamol abaŋ malan temaniime, ge it niŋon ŋalewoi me so iloŋ.
7Gazo, Ujazen, abaŋte malan ŋenauŋame?
Inag suzuazouknen olon ien.
8Inag doloanek daŋanlonpa patug pasipe.
O noagpa tamol gedagad dizag so iwai mon!
9Ŋa to ŋabolŋame, ŋa auag so ŋesepaniŋame;
o abaŋ e unaulakoi.
10Oina pututek tiniglon pasi;
oina nima inan funeklon ŋa tiwog kazo ibol.
11O bebaneklon tamol inan aupasekoi
naon panimap,
o abaŋ mewoi i imatlak kelelamut egin funiume;
malik, tamol dadodado inan madoknen me jaeŋ ŋalek
taimon egin mon! Sela
12O Ujazen, ŋainag gadiŋ dab pani,
tiliŋa inag wagiŋ daŋepe;
melaugoi aua to so ibol mon!
Ŋa oina lotamol igegge ilaime egin mon,
ŋa lowain mon, inag mamgaz daŋan egin.
13Nao diŋiaglak kin feanip ŋa jaug kin ŋenasiwoi,
ŋa so ŋamat malag tealak eginmap.
Currently Selected:
Israel Kan 39: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
