Israel Kan 38
38
Dawid inan kanam, ilon isounen.
1Ujazen, oina buzulon so bebanag mon,
kekazulon so funag mon!
2Oina tu ŋa tizibibiag,
oina nima foglak idu.
3Oina buzu sinanlon
inag tinig me zagun niŋon tea;
inag aupasekoi
ŋainag doglon bas tea.
4Ŋainag aupasek kekazaglakoi;
i abaŋ muzuan, ŋejoazenen so ŋaloŋ
5Inag dai salange tezepaleime,
ŋa ŋedadubge ŋatozlakoi.
6Gudug idug petazeg isaeg mon ŋatozŋame;
nal melaen daŋan ŋa ŋagos mon ŋemadoŋame.
7Nieg me jananek ifuam,
tiniglon zagun niŋon so ienime.
8Tiwog binagge puzotoanag ŋemadoŋame;
bubeg inan liŋan kuzumoi ŋesagaiŋame.
9Ujazen, o inag jaeŋ sufutanek daŋan uloŋ,
ŋagosnen me o naonen miŋianig so ien.
10Inag niuguz fukfuk ibolime, tiwog mai binag;
malag inan lelaman me mai binagge ile.
11Tizag tazeŋbi mai inag maiai salanoi izignen so disodime,
inaggaz mai ibennen demadodime.
12Me i dufunagoi defenafundime i nadin dob denaudime,
me i donoag alanoi dedalel i pitiŋinekoi diboldime,
i nal melaen daŋan muzipasekoi kankandime.
13Ge ŋa tamol tiliŋan itaulak egin so ŋaloŋ,
tamol auan itaulak me auan so sepaniime egin.
14Au, ŋa tamol azu so iloŋime egin,
inan auan bebanek azu tea egin.
15Ge o, Ujazen, ŋa mala ŋenauŋame;
ŋan o, O Ujazen, ŋainag Anut, o auag wabiwoi.
16Ŋa ŋagod, nieg iaumap i me ŋawoi auadin fezafuz diŋiagpa
me ŋawoi so zigiawoi.
17Ŋa ŋabal ŋaduwoi ŋenauŋame,
inag izoznen gaid biagime.
18Ŋa ŋainag salannauk beŋten ŋenauŋame,
ŋainag aupasekoi ilog alan.
19I me tinignen teag agez denaumeg i tiwodindaŋan,
kuzum ŋa ja teag sekauk denaug dumugunag.
20Me i abaŋ gauaioi naon salan depanagdime,
i ŋa kagin gauai ŋuzig ŋatozlakoi ŋainag agez denaudime.
21O Ujazen, so binag mon!
O inag Anut, o ŋawoi makaiu so made mon!
22Pasak aneg udupe,
O Ujazen, ŋainag patugisanen.
Currently Selected:
Israel Kan 38: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
