Israel Kan 30
30
Tempel bezezeŋanek inan dug. Dawid inan kanam.
1O Ujazen, ŋa o biŋa ŋibisawoi, o ŋa biagselakoi,
o inag agez geg pinidinge i ŋawoi so zigia.
2O Ujazen ŋainag Anut, o aneg uduwoi ŋiwigiolak,
o ŋa kibiniaglak.
3O Ujazen, o Hadeslonge nitug duzilak,
aenta i mug Loflon didulelak me leŋadinlonge bas noaglak.
4Aŋ inan gungaz, kalel abip Ujanzen apani,
inan nean gun pez apani.
5Inan buzun me gazo e monnen
inan lo me saen tanlak madoknen iduse.
Tidom tiŋia tat iduwoi,
ge bomon mon zigiek itasawoi.
6Ŋa gauai ŋemademeg ŋa ŋabol,
Ŋa so ŋesazizoi.
7Oina lolon, Ujazen,
o did gegaun egin noaglak;
ge o oina nao miŋianig ŋa ŋazut.
8Ŋa o ŋidiŋiog ŋawoglak;
Ujanzen mai ŋogodoanilak:
9Ŋa Loflon ŋadulemap
ŋa mateŋ naon abaŋte ŋeŋalewoi?
Tinig bulip tenatan inaumap biŋa bisawoi?
Me o bube maliklak mewoi iboloi?
10O Ujazen, uloŋŋan, kanim ŋalep panagpe!
Ujazen, o ŋainag dineknen unaupe!
11O ŋainag tiŋia bitig dug ta panaglak;
ŋainag jamel memasen pasig
jaugjaug inan jamel panaglak.
12Meginge nitug owoi kalel jabip, so to iboloi,
O Ujazen ŋainag Anut, ŋa dedeŋanip pez ŋepanowoi.
Currently Selected:
Israel Kan 30: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
