Israel Kan 29
29
Dawid inan kanam ta.
1O didwain, Ujanzen abol.
Ujanzen kubel tiwondaŋan e abol.
2Ujanzen inan neanoi kubeldaŋan e abol;
ubou inan jameldaŋan Ujanzen naonnen sibiniaŋpa adu.
3Ujanzen inan auan naz mas mai fodinlak ienime;
Anut kubeldaŋan wail inaug iduime,
Ujanzen naz mas kuzum fodinlak.
4Ujanzen inan auan me tiwondaŋan,
Ujanzen inan auan me sutan niŋon.
5Ujanzen inan auan wamei tizipiliaime,
Ujanzen Lebanon inan wamei tizipiliaime.
6I inaug Lebanon me bulmakau nanun egin sisuse sisulaime,
Sirion me bulmakau dauai faun duguze egin.
7Ujanzen auan ja balen taniime.
8Ujanzen auan fatu udau niniime,
Ujanzen fatu udau Kadez inaug silisala ibolime.
9Ujanzen auan ito inaug kililiime,
gazaŋ inan ja buzugusag zegazeg mon;
inan tempellon daŋan diwog, O kubel, e dibol!
10Ujanzen me lom fonlak matalime;
Ujanzen i dedeŋanig kiŋ inaug madoime.
11Ujanzen inan tamolpain tiwon pinidinŋan!
Ujanzen inan bazlon tamolpain mazoz pinidinpe.
Currently Selected:
Israel Kan 29: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
