Israel Kan 139
139
Kanamkamaŋ inan: Dawid inan kanam ta.
1O Ujazen, o ŋa liŋiagume, o inag ilog uloŋume!
2Ŋematal tat, ŋamais tat o uloŋume;
o makaiunenge ŋainag kankan me uloŋ.
3Ŋatoztap ŋaentap o sekeleanagume,
inag dal daŋan uloŋ pasi.
4Au, azu ta baleglak so itasemap,
nasi, O Ujazen, o mug daŋan uloŋ pasi.
5O naognen muzignen mai giliŋinagume,
oina nima foglak unauume.
6Abaŋ me kubelzen, ilog kankan lotea;
maŋau me latnen, ilog so iduse.
7Domten mon ŋalawoi oina Uz so nasagoi?
Oina malawoi domten mon tat ŋukukumoi?
8Didlak ŋadusemap o mai madoume!
Hadeslon ŋainag badim ŋenaumap mai madoume!
9Ad mai ŋamaispa ŋazoup ŋalemap
mas geglon betabetlon ŋemademap,
10men mai oina nima duzagoi,
oina nima waŋ biagoi.
11Ŋa ŋabolmap, Mafuz mon toanagoi,
inag lelaman bulip tidom inauwoi,
12mafuz me mai o izinnen mafuz tea,
tidom ad egin lelaman gauai;
o izinen mafuz me lelaman.
13O tinig ilonlon boi ibeniben unaulak,
o nen tininlon ŋa sidigiaglak.
14Ŋa kalel ŋepano, owoi azutnen iduseg maŋaudaŋan mai,
oina nauknauk me kubel mok!
O ŋa uloŋ pasi;
15ŋainag metelaeg malalon toanig so ien,
o ŋa miŋianeklon noagmeg
nen tinin ilonnen tinig gizaud unaulak.
16Nen so noagmeg o nasag;
oina buklon nal o ŋa panaglak,
inag saen so idumeg,
daŋan get gazelak.
17O Anut, oina ilo gazek me gamun funag, ŋabolnen tea!
I me kuzum mok!
18Ŋa ŋusutiwoige i abuz patun nenazag kuzum.
Ŋa bas ŋamaismap mai o mai temadotame.
19O salanbibian ufupeges, O Anut,
daz fuzekwain dibinagpes,
20tamol me bubudin funig depaodime,
me abaŋ salanoi dimaisge didiŋiodime.
21O Ujazen, i me o dumugunodime me so tat ŋumugunaŋame?
me owoi dimaisge didiŋiodime iwoi sizig so isa tat?
22Ŋa mugunek gegaunlon ŋumugunaŋame;
i ŋainag agez e ŋabol.
23Liŋiagpe, O Anut bubeg uloŋpe!
Kibianagpe ilog gazek uloŋ!
24Nasipe, ŋa iloglon kagin salasala ien tat,
dedeŋaneknen dallon duzagpe.
Currently Selected:
Israel Kan 139: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
