Israel Kan 138
138
Dawid inan kanam ta.
1O Ujazen, ŋa bubegdaŋanlon pez ŋepanoŋame;
tibud noadinnen ŋa o kalel ŋepanoŋame;
2ŋa oina tempel gun baŋenlon ŋetakokŋame,
ŋa oina ilopanek segatekdaŋan bube malik mai menen nea pez ŋepaniŋame;
o abaŋ daŋan nenazag nea, oina azu mai
latnen biselak.
3Nal melon ŋa ŋawoglak o auag wabilak,
nitug zagun subuŋan mai panilak.
4O Ujazen, tan inan kiŋ daŋan kalel diabip depanowoi
i oina aua inan azu diloŋlakoi.
5Ujanzen inan daloi dug diabiwoi,
Ujanzen inan kubel me ujan moklakoi.
6Ujanzen i sutanlak, ge i mitingaz dab pinidinime;
meladin latnenlak me bo makaiu demademap iloŋ.
7Ŋa alannauk ilonnen ŋatoztap
o tizinagume;
o nima woteg inag agez buzudin bitiume
nima waŋ tetazag ŋiliagime.
8Ujanzen ŋawoi ibollak me niŋon inaup itasawoi;
oina ilopanek segatekdaŋan, O Ujazen, me dedeŋanipnen.
O oina nima inan uzat so bini mon.
Currently Selected:
Israel Kan 138: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
