Israel Kan 115
115
1Am tea, O Ujazen, am tea,
oina nea mon kubel pani,
oina ilopanek segatekdaŋan bube maliklak mai sinan!
2Dodinge panupanu diboloi,
Nadin Anut ŋan?
3Idinad Anut i didlon;
inauwoi ibolime me inauime.
4Nadin mazoz me silwer gold mai,
tamol nimadin inan uzat.
5I auadindaŋan, ge azu so diboldime;
meladindaŋan abaŋ so denasi.
6I tiliŋadindaŋan ge azu so diloŋ;
widin ge abaŋ zuŋan dab so depani.
7I nimadindaŋan, ge didabmeg abaŋ dab so depani;
niedindaŋange so dipaz;
klugudinlon mai kin so disiŋezdime.
8I me mazoz disiginidime i me dikol;
denau dipinidindime me daŋan megin.
9O Israel, Ujanzen anau apani!
I inadin dinek gubiz mai.
10O Aron samungaz, bubumidaŋan Ujanzen anau apani!
I nadin dinek gubiz mai.
11Aŋ me Ujanzenoi azutame, Ujanzen anau apani!
I nadin dinek gubiz mai.
12Ujanzen i idoi ilon isoulak; i kibiniadoi;
i Israel samungaz kibiniawoi;
i Aron samungaz kibiniawoi;
13i me Ujanzenoi dizutdime me ikibiniawoi,
mitin ujanzen mai.
14Ujanzen nami daz tezepalep kuzumoi,
aŋ nami nunumigaz nadin mai!
15Ujanzen me did tan mai inaulak,
i aŋ kibiniaŋpes!
16Did me Ujanzen inan did,
ge tan i tamolai pinidinlak.
17Dimatlak me Ujanzenoi kalel so diabidime,
i me matonlon didulemap mai tea.
18Ge id Ujanzenoi kibineknen azu taboloi,
gazo enenpa dedeŋanipnen.
Ujanzenoi kalel abi!
Currently Selected:
Israel Kan 115: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
