Israel Kan 112
112
1Ujanzenoi kalel abi.
Patun isap me Ujanzenoi izutime,
i me inan kibiaiŋoi ilon gauai mokime!
2Inan begazangaz inan fatulon tiwodindaŋanoi;
tidukgaz nadin daz uzek putudin isap demadowoi.
3Inan ablon filian jes mai diendime;
inan taoz dedeŋanip ienoi.
4Tidukgazoi sul mafuzlonge itasaime;
Ujanzen i lo, kanimdaŋan taoz mai.
5Tamol i lodaŋan itoz, ti panek mai so imoi,
i me inan abaŋ kagin tiduklon kibineime,
i gauai madowoi.
6Taozgaz i sanzen saziznen tea;
dedeŋanip i ladin isouwoi.
7I totol muzuanoi so izut;
inan buben zatam, Ujanzen inau paniime.
8Inan buben segatilak, i so izezoi,
inan agez fodinlak naon iduwoi ibollak eginmap.
9I lo zen iwalak, waizgaz idinalak;
inan taoz me dedeŋanipnen;
inan fai biŋanlon ujanime.
10Tamol salan inasig buzun isaime;
liwon girigira ibol malan teab;
abaŋ tamol salan jaeŋ funilak me niŋon teaboi.
Currently Selected:
Israel Kan 112: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
