Israel Kan 111
111
1Ujanzenoi kalel abi.
Bubeg daŋanlon ŋa Ujanzen pez ŋepaniwoi,
tidukgaz nadin temaneklon medaeŋlon mai.
2Ujanzen inan nauknauk me ujan,
daŋan i mewoi dimat i dedeleŋanag kankandime.
3Inan nauknauk me biŋandaŋan sutan kubeldaŋan mai,
inan taoz me dedeŋanipnen.
4I inaug inan nauknauk kubel ladin isouwoi;
Ujanzen i lo kanimdaŋan mai.
5Me iwoi dizutlak i anaŋ pinidinime,
inan temaneknen sansan ilon isouime.
6Panupanu fuzadin pinidinmeg melon
inan tamolpainbadim inan nauknauk tiwon peteŋana.
7Niman inan nauknauk buben malikge inau, i tiduk mai,
inan azu daŋan segauz nau paniwoi,
8i inaug i sansanpe zatampa ienoi,
buben maliklon kagin tiduklon niŋon inaup itasawoi.
9I inan tamolpainbadim idad iŋalnen pinidinlak;
inan temaneknen dedeŋanip ienoi ibollak.
Inan nean gun tazut tazeznen!
10Ujanzenoi tazutnen me ilon kaginkagin fun;
i me duzi depanidime i diloŋnen gauaidaŋan.
Inan kalel dedeŋanipnen!
Currently Selected:
Israel Kan 111: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
