Israel Kan 108
108
Dawid inan kanam ta.
1Bubeg kibineg ien, O Anut,
bubeg kibinelak!
Ŋa dug ŋabiwoi, ŋa kalel inan dug ŋabiwoi!
Ŋainag nitug, seflalep
2O harp laiar mai seflalep amais!
Ŋa tedemadom ŋufuŋuniwoi!
3O Ujazen, ŋa fatufatuwain ilonnen pez ŋepanowoi,
ŋa panupanu ilonnen kalel ŋabip ŋepanowoi.
4Oina ilopanek segatekdaŋan me did nenazig ujan,
oina bube maliknen me timtaen muzumuziime.
5O Anut, sibe bisiop did nenazip utasa!
Unaup oina kubel tan daŋan toaniwoi!
6Meginpe i iwoi o umatlak me tetazi ŋalewoi,
oina nima waŋlon dinagpe auag wabipe!
7Anut inan ab gunlon azu ta blani penamalak:
Muguzuŋ ŋenaumap ŋa Sikem ŋetezepalewoi,
tan zoanek Sukot ŋewaewoi.
8Gilead me ŋainag, Manasse me ŋainag;
Efraim me ŋainag kemkitikat,
Juda me ŋainag kabu gaten taladdaŋan.
9Moab me ŋainag flaneknen tabiz,
Edom tininlak niegaten ŋetaniŋame,
Filista fatuoi ŋa seŋanagpa muguzuŋ ŋenauwoi.
10It panu sepdaŋanlon duzagpa ŋalawoi?
It duzagpa Edomnen ŋaduwoi?
11O Anut, o am so tat meselanamalak?
O Anut, o amnama daup mai so tatasatame.
12O daŋekgazoi dinimape,
tamol inan dininen me se monlakoi!
13Anut maip id seŋanadpa temadowoi;
i inad daŋekgaz puzotoanawoi.
Currently Selected:
Israel Kan 108: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
