Israel Kan 105
105
1O Ujanzen pez panipe, inan nean awagi,
inan nauknauk fatufatuwain ilonnen beŋten abolpe!
2Kanam abip apani, kalel abip apani,
inan nauknauk kubeloi sai anipe!
3Inan nean gunoi auami fezafuz;
me Ujanzen debezanidime bubudin zigeŋan!
4Ujanzen abezani, inan zagun mai,
inan naon gaid abezani!
5Nauknauk kubel i inaulak me lami isou,
inan kubelmaŋau, inan betenaek mai,
6O begabeg Abraham inan daz,
Jakob inan ai, i pilianilak me!
7I Ujanzen inad Anut;
inan betenaek tan fatu daŋanlon ien,
8I inan temaneknen sansan ilon isouime,
azu i daz uzek 1000‐lon ibollak me,
9temaneknen i me Abraham mai inaulak,
Isak malik ipailak ŋan me,
10me i Jakob kibiai egin, malik e ipailak,
Israel temaneknen dedeŋaneknen panilak me,
11i ibol, O Kanaan fatu ŋepanowoi,
me oina tan oina fuza.
12I taitai monmeg,
biŋadin teag, fatu melon tan teameg,
13fatu talonge talon dilemeg,
fatu talonge tamolai ta zidinnen,
14tata i modoanawoi geg inau;
iwoi i kiŋgaz bebanag,
15ibol, Ŋainag buzugusekwain so ab mon,
inag profet so anau alan mon!
16I pitol izaeg tan melon idug
anaŋ isanen mai dal funatilak,
17i get tamol ta inaug i noadinnen imugse,
Josef me begabeg egin didadlak.
18Inan nien ŋuzaŋuzlon izoz,
klagunlak i kem inan biu ta denau;
19abaŋ ibollak me idumeg eginmeg,
Ujanzen inan azu i kibiani.
20Kiŋ ibolge ipasi,
fatufatuwain nadin kibiaipaneknen ipasi;
21i inan ab inan tamolujan inau,
inan abaŋ daŋan nadin kibiaipaneknen,
22i ilon ibolime egin kiŋ inan ai kagin peteŋanawoi,
inan matugaz kaginkagin peteŋanawoi.
23Meginge Israel Egiptanen ise;
Jakob Ham inan fatulon made.
24Ujanzen inan tamolpainbadim inaug daz gauz tezepale,
i inaug nadin daŋekgaz nenazag gugudin.
25I inaug i inan tamolpain dumuguna,
inan begabeg noadin dikibiani.
26I inan begabeg Moses inaug itase,
Aron i pilianilak me mai.
27I inan bagoz i leŋadinlon denau,
kubelmaŋau Ham inan fatulon.
28I inauge mafuz idug tan mafuz toani;
inan azu me liwon diabi.
29Nadin naz i ibulge daz inau,
nadin ij inauge dimat.
30Nadin fatulon gazok kuzum didu,
kiŋ nadin ablon mai.
31I ibolge gab malanzen ditase,
mezaŋis fatu inan panu daŋanlon.
32Ui naon i ui madid pinidin,
lelei me idug fatu bufateg ile.
33Nadin greip guzab mai funi,
nadin fatu inan ja aenta pitiŋina.
34I ibolge sis ditase,
sis nanun kuzumge sutek tea;
35me fatu inan biab daŋan diani pasi,
nadin tan inan anaŋ daŋan detetame,
36nadin fatulon matu daŋan ifu,
zugudin inan ai matu.
37Uzig i Israel silwer gold maidaŋan idauzig ditase,
nadin wozou ilonnen tata so depeselau.
38I dilemeg Egiptagaz ladin gauai,
i mug iwoi dizut gauzlakoi.
39Toanekoi i timtaen ta bebaŋelak,
tidom inan suloi i ja inau.
40I dibolge i ma duzig dise,
didnen sepalaŋ idusanen pinidin.
41I pat bufateg naz idu;
me fatu udau naz egin bufateg ile.
42I inan blani panek gun ilon isou,
inan begabeg Abraham mai.
43Megin i buben gauaimeg inan tamolpain idauzi,
inan pilianekgaz dug diabimeglon.
44I panupanu nadin tan ipinidin,
i fatufatuwain nadin uzat naon deŋale,
45i inan kibiai dagom depaniwoi,
inan kibiaiŋ duzi depaniwoi.
Ujanzen kalel apani!
Currently Selected:
Israel Kan 105: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
