Markus 9
9
Jesus tinin buli
1Jesus ipidin, Malik ŋa aŋ ŋepaiaŋ, tata elak ditiuzdime i mateŋ so kukumzi denasiwoi, i Anut inan kiŋdom tiwondaŋan get isop denasimap eginmap.
2Nal siks binig Jesus Petrus Jakobus Johanes mai sebadin ibennen did ujan talak idauzig demade. Jesus i noadinnen tinin buli. 3Inan jamel nunutig kebazan mok, jamel inan kibinektamol ta tanlak megin bala kebazan paninen tea. 4I noadinnen Moses Elias mai ditaseg Jesus mai dikibiai.#Mar 12:27 5Petrus auan jabig Jesus ipai, Rabi, elak temadonen gauai. Tazas tol tenauwoi, ta oina, ta Moses inan, ta Elias inan. 6I so iloŋlakoi azu dodin iboloi, i gauz dizezdimelakoi. 7Timtaen ta iseg stoana. Timtaenlon auan ta ibol, E me ŋainag Ai wazan gadon, inan auan dab apani.#Mar 1:11; Pet II 1:17; Kan 2:7; Deut 18:15 8Buntaimon egin i meladin dedalellag i ta so denasi, Jesus siben mon i maig demade.#Apos 3:22
9I didlakge didumeg Jesus i kibiai pinidin, abaŋ i denasilak mewoi tata so depaiwoi, Tamolai get mateŋlonpa imaismap eginmap.#Mar 8:30 10Meginge i azu me ladinlon denaug sebadin mon mateŋlon tiziaunen inan funoi dikibiai. 11I desedazeg dibol, Aitoige gazekmaŋau dibol Elias i get isowoi? 12Jesus ipidin, Elias imugpa isop abaŋ daŋan sedagewoi. Ge Tamolaioi dodin gazelak, i abaŋ funfunlon alan inaup dizan dewaip demeselaniwoi?#Mar 3:23; Jes 53:3 13Ge ŋa aŋ ŋepaiaŋ, Elias mug iselak. Iwoi denauwoi ladin ibolge megin denaulak, iwoi gazelak egin.#Mat 11:14; Kiŋ I 19:2, 10
Jesus ai uzgatafdaŋan ikibine
14I meglaumgaz zidinnen diseg tamolai malanzen i dililitig dil, gazekmaŋau i maig dikibiaidime. 15Tamolai malanzen i Jesus denasig i buntaimon dizutge judindaŋan depalug diseg tabei depani. 16Jesus i sidizia, Abaŋtewoi i mai ikibiaiame? 17Malanzen menen ta auan jabig ibol, Peteŋanek, ŋa ŋainag ai o izinen ŋenaleg ŋase, i uz auan teadaŋan. 18Uz i jabimap i bubulese bubulelaime, kokou itasaime, liwon grigra ibolp tinin ti ibolime. Ŋa oina meglaum ŋipidin i dukuduiwoi, ge i me denau lo tea. 19I auadin jabig ibol, O daz wozou e ilolon maliknen tealak, ŋa aŋ maip saen pitep ŋemadowoi? Saen pitep aŋ muzuan apanagoi? Aŋalep izignen aso. 20I ai deŋaleg diseg Jesus izinnen denau. Uz Jesus nasimeg buntaimon bubulese bubuleleg i tanlak ibal idumeg kabulebule inaug kokou mai itase. 21Jesus i inan taman sedaze, saen pite i megin madelak? I ipai, I ai kitek madeg fun inau. 22Jalon nazlon mai i gauz itani, i funip imatoi mewoi. O abaŋ ta unaunen uloŋtap ilo penamap dinimape. 23Jesus i ipai, O unaunen uloŋ! Ta i ilonlon malikime i abaŋ daŋan inaunen iloŋ.#Mar 11:23 24Buntaimon ai inan taman auan ujanlon ibol, Ŋa iloglon malikime, iloglon so maliklak me biti panagpe.#Luk 17:5 25Tamolai malanzen depalug disemeg ilge Jesus uzgataf bebanig ipai, O uz aua tiliŋa mai itaulak, ŋa o ŋepao, o i seflalep faun te i tininlon so udule mon. 26I ibobge gauz izaese izaelemeg i tapas idu. Ai i imatlak egin ien. Meginge kuzum dibol, I imatlak.#Mar 1:26 27Ge Jesus niman ibiseg i imais.#Mar 5:41 28Jesus inan ablon iduseg siben mademeg meglaum desedazeg dibol, Aitoige am i kuduinen so aloŋlak? 29I pidin, Buga e egin me godoaneklon mon beŋten iduime.
Jesus inan mateŋoi faun ibol mug
30Menge ditaseg i Galilea detezepaleg dile. Ge me ta iloŋoi me Jesus imoi.#Joh 7:1 31I inan meglaum azu ta peteŋanameg ipidin, Tamolai tamol nimadinlon denauwoi dufunip imatoi. I dufunip imat pasimap i nal tollon faun imaisoi.#Mar 8:31; 10:32–34 32Ge i azu e so diloŋ, desedazenen mai dizez.#Luk 18:34
It biŋandaŋan?
33I Kapernaumen ditase. Jesus ablak iduseg i sidizia, Aŋ dallak abaŋtewoi ikibiailak?#Mat 17:24 34Ge i to dibol, it aenta nenazag ujanzen mewoi dallak dikibiailakoi. 35Jesus imatalge ai twelf wigidinge pidin, Ta i imugsap madowoi iboltap i daŋan nadin alounen madowoi, i daŋan biadin paluwoi.#Mar 10:43, 44 36Jesus ai kamo ta iŋaleg i leŋadinlon inaug kadoi ipanig ipidin,#Mar 10:16 37Ta i ai kamo enen inag neagoi iŋaleime, i ŋa ŋiliagime. Ge me i ŋa ŋiliagime i ŋa mon so ŋiliagime, tea, i ŋa noagge naselak i ŋaleime.#Mat 10:40; Joh 13:20
Ŋagas so ditozoi
38Johanes ipai, Peteŋanek, am ta anasi i oina nealon buga salan ikudua. Am i ipiziani, i id so sunuzadimelakoi.#Num 11:27, 28 39Ge Jesus ibol, Aŋ i so ipiziani mon. Tata i neaglon abaŋ ujan ta inaumap i pasak ŋawoi azu salan ibolnen tea.#Kor I 12:3 40Ta i so diŋiadime i id maitame.#Mat 12:30 41Malik ŋa aŋ ŋepaiaŋ, ta i aŋ naz gabdaŋan mileknenoi panaŋime, aŋ Kristus inan neandaŋanlakoi, i malik mok naon so teaboi.#Mat 10:42
42Tata i mitingaz enen ta ŋa ilonlon malikime aten isaep auipastap, i pat ujan inan klagunlak sasep nazlon tanip me iwoi gauaipe. 43Oina nima nuop o auupastap gusuti, o laleg baslon udulanen me gauai, nima azuazudaŋan Hades inan ja sufuninen tealak melon ulanen nenazi.#Mat 5:30; Jes 2:1 44Melak kakad imatnen ja sufuninen mai tealak. 45Oina nie nuop auupastap gusuti, o ukoipa baslon adulanen me nie azuazudaŋan Hadeslon ulanen nenazi ja sufuninen tealak melon. 46Melak kakad imatnen ja sufuninen mai tealak.#Mat 5:29 47Oina mala nuop auupastap tuep tani ila, o mala taimondaŋan baslon ulemap me mala azuazudaŋan Hadeslon ulanen nenazi: 48melak kakad imatnen ja sufuninen mai tealakoi.#Jes 66:21 49Daŋan i jalon maslon egin kibiniawoi (janauk daŋan maslon kibiniawoi).#Lew 2:13 50Mas me gauai, ge mas bulip salantap o faun dodin zagun paniwoi? Aŋ masdaŋan amado, ta mai, aŋ nugoi mazozdaŋan amado.#Mat 5:13; Luk 14:34; Kol 4:6
Currently Selected:
Markus 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 9
9
Jesus tinin buli
1Jesus ipidin, Malik ŋa aŋ ŋepaiaŋ, tata elak ditiuzdime i mateŋ so kukumzi denasiwoi, i Anut inan kiŋdom tiwondaŋan get isop denasimap eginmap.
2Nal siks binig Jesus Petrus Jakobus Johanes mai sebadin ibennen did ujan talak idauzig demade. Jesus i noadinnen tinin buli. 3Inan jamel nunutig kebazan mok, jamel inan kibinektamol ta tanlak megin bala kebazan paninen tea. 4I noadinnen Moses Elias mai ditaseg Jesus mai dikibiai.#Mar 12:27 5Petrus auan jabig Jesus ipai, Rabi, elak temadonen gauai. Tazas tol tenauwoi, ta oina, ta Moses inan, ta Elias inan. 6I so iloŋlakoi azu dodin iboloi, i gauz dizezdimelakoi. 7Timtaen ta iseg stoana. Timtaenlon auan ta ibol, E me ŋainag Ai wazan gadon, inan auan dab apani.#Mar 1:11; Pet II 1:17; Kan 2:7; Deut 18:15 8Buntaimon egin i meladin dedalellag i ta so denasi, Jesus siben mon i maig demade.#Apos 3:22
9I didlakge didumeg Jesus i kibiai pinidin, abaŋ i denasilak mewoi tata so depaiwoi, Tamolai get mateŋlonpa imaismap eginmap.#Mar 8:30 10Meginge i azu me ladinlon denaug sebadin mon mateŋlon tiziaunen inan funoi dikibiai. 11I desedazeg dibol, Aitoige gazekmaŋau dibol Elias i get isowoi? 12Jesus ipidin, Elias imugpa isop abaŋ daŋan sedagewoi. Ge Tamolaioi dodin gazelak, i abaŋ funfunlon alan inaup dizan dewaip demeselaniwoi?#Mar 3:23; Jes 53:3 13Ge ŋa aŋ ŋepaiaŋ, Elias mug iselak. Iwoi denauwoi ladin ibolge megin denaulak, iwoi gazelak egin.#Mat 11:14; Kiŋ I 19:2, 10
Jesus ai uzgatafdaŋan ikibine
14I meglaumgaz zidinnen diseg tamolai malanzen i dililitig dil, gazekmaŋau i maig dikibiaidime. 15Tamolai malanzen i Jesus denasig i buntaimon dizutge judindaŋan depalug diseg tabei depani. 16Jesus i sidizia, Abaŋtewoi i mai ikibiaiame? 17Malanzen menen ta auan jabig ibol, Peteŋanek, ŋa ŋainag ai o izinen ŋenaleg ŋase, i uz auan teadaŋan. 18Uz i jabimap i bubulese bubulelaime, kokou itasaime, liwon grigra ibolp tinin ti ibolime. Ŋa oina meglaum ŋipidin i dukuduiwoi, ge i me denau lo tea. 19I auadin jabig ibol, O daz wozou e ilolon maliknen tealak, ŋa aŋ maip saen pitep ŋemadowoi? Saen pitep aŋ muzuan apanagoi? Aŋalep izignen aso. 20I ai deŋaleg diseg Jesus izinnen denau. Uz Jesus nasimeg buntaimon bubulese bubuleleg i tanlak ibal idumeg kabulebule inaug kokou mai itase. 21Jesus i inan taman sedaze, saen pite i megin madelak? I ipai, I ai kitek madeg fun inau. 22Jalon nazlon mai i gauz itani, i funip imatoi mewoi. O abaŋ ta unaunen uloŋtap ilo penamap dinimape. 23Jesus i ipai, O unaunen uloŋ! Ta i ilonlon malikime i abaŋ daŋan inaunen iloŋ.#Mar 11:23 24Buntaimon ai inan taman auan ujanlon ibol, Ŋa iloglon malikime, iloglon so maliklak me biti panagpe.#Luk 17:5 25Tamolai malanzen depalug disemeg ilge Jesus uzgataf bebanig ipai, O uz aua tiliŋa mai itaulak, ŋa o ŋepao, o i seflalep faun te i tininlon so udule mon. 26I ibobge gauz izaese izaelemeg i tapas idu. Ai i imatlak egin ien. Meginge kuzum dibol, I imatlak.#Mar 1:26 27Ge Jesus niman ibiseg i imais.#Mar 5:41 28Jesus inan ablon iduseg siben mademeg meglaum desedazeg dibol, Aitoige am i kuduinen so aloŋlak? 29I pidin, Buga e egin me godoaneklon mon beŋten iduime.
Jesus inan mateŋoi faun ibol mug
30Menge ditaseg i Galilea detezepaleg dile. Ge me ta iloŋoi me Jesus imoi.#Joh 7:1 31I inan meglaum azu ta peteŋanameg ipidin, Tamolai tamol nimadinlon denauwoi dufunip imatoi. I dufunip imat pasimap i nal tollon faun imaisoi.#Mar 8:31; 10:32–34 32Ge i azu e so diloŋ, desedazenen mai dizez.#Luk 18:34
It biŋandaŋan?
33I Kapernaumen ditase. Jesus ablak iduseg i sidizia, Aŋ dallak abaŋtewoi ikibiailak?#Mat 17:24 34Ge i to dibol, it aenta nenazag ujanzen mewoi dallak dikibiailakoi. 35Jesus imatalge ai twelf wigidinge pidin, Ta i imugsap madowoi iboltap i daŋan nadin alounen madowoi, i daŋan biadin paluwoi.#Mar 10:43, 44 36Jesus ai kamo ta iŋaleg i leŋadinlon inaug kadoi ipanig ipidin,#Mar 10:16 37Ta i ai kamo enen inag neagoi iŋaleime, i ŋa ŋiliagime. Ge me i ŋa ŋiliagime i ŋa mon so ŋiliagime, tea, i ŋa noagge naselak i ŋaleime.#Mat 10:40; Joh 13:20
Ŋagas so ditozoi
38Johanes ipai, Peteŋanek, am ta anasi i oina nealon buga salan ikudua. Am i ipiziani, i id so sunuzadimelakoi.#Num 11:27, 28 39Ge Jesus ibol, Aŋ i so ipiziani mon. Tata i neaglon abaŋ ujan ta inaumap i pasak ŋawoi azu salan ibolnen tea.#Kor I 12:3 40Ta i so diŋiadime i id maitame.#Mat 12:30 41Malik ŋa aŋ ŋepaiaŋ, ta i aŋ naz gabdaŋan mileknenoi panaŋime, aŋ Kristus inan neandaŋanlakoi, i malik mok naon so teaboi.#Mat 10:42
42Tata i mitingaz enen ta ŋa ilonlon malikime aten isaep auipastap, i pat ujan inan klagunlak sasep nazlon tanip me iwoi gauaipe. 43Oina nima nuop o auupastap gusuti, o laleg baslon udulanen me gauai, nima azuazudaŋan Hades inan ja sufuninen tealak melon ulanen nenazi.#Mat 5:30; Jes 2:1 44Melak kakad imatnen ja sufuninen mai tealak. 45Oina nie nuop auupastap gusuti, o ukoipa baslon adulanen me nie azuazudaŋan Hadeslon ulanen nenazi ja sufuninen tealak melon. 46Melak kakad imatnen ja sufuninen mai tealak.#Mat 5:29 47Oina mala nuop auupastap tuep tani ila, o mala taimondaŋan baslon ulemap me mala azuazudaŋan Hadeslon ulanen nenazi: 48melak kakad imatnen ja sufuninen mai tealakoi.#Jes 66:21 49Daŋan i jalon maslon egin kibiniawoi (janauk daŋan maslon kibiniawoi).#Lew 2:13 50Mas me gauai, ge mas bulip salantap o faun dodin zagun paniwoi? Aŋ masdaŋan amado, ta mai, aŋ nugoi mazozdaŋan amado.#Mat 5:13; Luk 14:34; Kol 4:6
New Testament published by the British and Foreign Bible Society in 1960. Genesis published by the Australian Bible Society in 1971.