Markus 10
10
Jesus pain pasinenoi ibol
1Jesus melak imaisge Judea panupanu Jordan akilon diendime melon ile. Tamolai malanzen faun te lol depasig izinnen dile. Jesus i inan kagin wozen pasig faun mug kagin ipeteŋanaime.#Mar 9:33 2Farisea i dikibianiwoi izinnen dipazge desedaze, Tamol ta i inan iwon pasinen me kagin tat? 3I auadin jabig ibol, Moses dodin kibiai pinidinlak.#Deut 24:1; Mat 5:31, 32 4I dibol, Moses i tamol paseknen gazek ta kibinep pain panimap pasinenoi so pizianiime. 5Ge Jesus ipidin, Nami bubumi gegaunlakoi i kibiai me gaze panaŋlak. 6Ge tan funlonge Anut i tamol pain mai inaulak.#Gen 1:27 7Mewoilakoi tamol inan taman tinan mai ibinpa inan pain sipinip mai ditozoi.#Gen 2:24 8I auzun mug tinin taimon. Meginge i azugen tea, tea, tinin taimon. 9Mewoi abaŋ Anut temanalak me tamol so detezepalewoi.
10Ablon meglaum faun te abaŋ ewoi desedaze. 11Jesus ipidin, Ta i inan iwon pasip ta ŋaleime, me i mai jait diabidime.#Mar 9:28; Luk 16:18 12Ge pain i inan tamol pasip ta ŋaletap i mai jait jabiime.#Kor I 7:13
Jesus ai kamo baz pinidin
13I ai kamo Jesus izinnen didauzig i niman fodinlak inauwoi. Ge inan meglaumgaz i dususua. 14Ge Jesus me nasimeg i baibai inaug ipidin, Ai kamo abinpa i ŋa izignen disowoi, aŋ so abit mon, Anut kagin me inadinlakoi. 15Malik ŋa aŋ ŋepaiaŋ, ta i Anut kagin ai kamo egin so ŋaleime, i melon so idulawoi.#Mat 13:8 16Jesus ai kamo kadoi pinidinge niman fodinlak inaug baz mai ipinidin.#Mar 9:36
Tannen filianlon ibal idunen
17Jesus tapas idug dallak ilemeg ta i palu iseg dagun tan isaeg i sedaze, Peteŋanek gauai, abaŋte ŋenaumap ŋa bas dedeŋaneknen ŋeŋalewoi? 18Jesus ipai, Aitoige ŋa gauai e ŋaboloi? Ta so gauai, Anut i siben taimon. 19O kibiaiŋ uloŋume, O ta so funip imat mon, Jait so wabi mon, Se uf so nau mon, Tina tama mai dagom pinidin.#Ekso 20:12–16; Deut 5:16–20 20Ge i ipai, Peteŋanek, me daŋan ŋa ai faunlonge ŋuzi ŋipinidinlak. 21Ge Jesus i lalemeg ilon ipanig ipai, O abaŋ taimon tealak, ulap oina abaŋ daŋan udad ilap gaŋmalan me waizgaz wae pinidinpa, meginpe oina jes didlon ienoi. Uzip isop sunuzagpa utos.#Mar 8:34; Mat 10:38 22Azu ewoi i naon mimiog teŋaen alange ile, i jes gauzdaŋanlakoi. 23Jesus i malan laŋaige inan meglaum ipidin, I me filiadindaŋan i Anut kaginlon didulanen muzuan mok. 24Meglaum inan azu ewoi tulufuna. Ge Jesus faun mug ipidin. Nanuggaz, Anut kaginlon idulanen muzuan mok.#Kan 62:11; Tim I 6:17 25Kamel titui inan matuklon idulanen me kin pasak, filiantamol Anut kaginlon idulanen me muzuan mok. 26Ge i gauz dizutge depai, Meginmap it mon patun isap madowoi? 27Jesus ilelmeg ibol, Tamolpain me denaunen teabe, ge Anut inaunen iloŋ, Anut abaŋ daŋan inaunen iloŋ pasilakoi.#Gen 18:14; Hiob 42:2
Tan abaŋ inan bineknen naon inan azu
28Petrus imaisge ipai, Nasi, am abaŋ daŋan ibinge o uzolak. 29Jesus ibol, Malik ŋa aŋ ŋepaiaŋ, ta i inan ab tat, taingaz tat, liungaz tat, tinan tat, taman tat, nanungaz tat, um ta ŋawoi totol gamunoi mai ibinime me daŋan 30gazo saen elon hundertpa ŋalewoi, ab, taingaz, liungaz, tinangaz, nanungaz tan mai, ŋalek uzeklon, saen loantapnen bas dedeŋaneknen mai. 31Ge kuzum i dimuglak me wadanlon demadowoi, ge wadanlon demadelak me dimugoi.
Jesus inan alan naukoi ibol tol
32I Jerusalemnen dilemeg dallak demadeg Jesus imugmeg i dizut, duzig ditozdime i dizez. Ai twelf faun iŋalge Jesus abaŋ i tininlak iduwoi me i fun inaug ipidin.#Mar 9:31; Joh 11:16, 55 33I ibol, Nasi, Jerusalemnen tadusatame, i Tamolai waliŋgatengaz, gazekmaŋaugaz nimadinlon denauwoi, i demeselanip imatoi diboloi, gobgaz nimadinlon denauwoi. 34I dizan dewaip dujusunip dupututip dufunip imatoi, nal tollon i imaisoi.
It ujanzen
35Jakobus Johanes mai, me i Sebedeus inan nanunai, i Jesus izinnen dileg depai, Peteŋanek, am lama ibol, am abaŋ tawoi agodmap o penamawoi. 36I ipidin, Ŋa aŋoi abaŋte ŋenauwoi abolame? 37I depai, Me naup penamawoi, saen o oina kubellon mademap am ta o nima waŋlon, ta nima ŋaslon amataloi. 38Ge Jesus ipidin, Aŋ agodame me fun so aloŋ. Gab ŋa ŋimiliŋame me aŋ imilinen aloŋ, flanek melon ŋa flanagime aŋ mai aŋalenen aloŋ tat?#Mar 14:36; Luk 12:50; Rom 6:3 39I dibol, Am aŋalenen aloŋ. Jesus i pidin, Gab ŋa ŋimiliŋame me aŋ mai imiliwoi, flanagime flanek melon aŋ mai flanaŋoi,#Apos 12:2; Bo 1:9 40Ge nimag waŋlon, ŋaslon tat amatalnen me ŋa ŋepanaŋnen so ŋaloŋ, tea, me inadin iwoi me get kibinelak. 41Meglaum ten me diloŋmeg i dimaisge Jakobus Johanes maiwoi baibai denau. 42Ge Jesus wigidinge izinnen diseg pidin, Aŋ aloŋ fatufatuwain nadin getadin i se tenanou kibiai so dipinidindime, tea, tiwodin ipazge peadinlon denaudime, inadin tamolujan i kibiai gegaun dipinidindime. 43Ge aŋ ilonlon megin so ienoi. Tea, i aŋ leŋamilon ujanzen madowoi ibolime i aŋnami begabeg inauwoi.#Mar 9:35 44Ta i aŋ ilonlon matu madowoi ibol, i daŋan nadin begabeg inauwoi. 45Tamolai mai bian depaluwoi so ise, tea, i aenta biadin ipaluwoi, inan tinin tamolpain kuzumoi naon inauwoi ise.
Jeriko izinnen ta malan itaulak ikibine
46I Jerikonen dise. Jesus Jeriko ibinig meglaum tamolpain malanzen mai dilemeg Bartimaius, Timaius inan ai, i malan itauge, i gadiŋ naon anaŋ janiime, i dal giginnen matal. 47I iloŋge me Jesus Nasaretwain i imais ibobge ibol, O Jesus, Dawid inan ai, ilo panagpe. 48Kuzum debebanig to iboloi depai. Ge i gik ibolge iwog, Dawid inan ai, ilo panagpe. 49Jesus ileg aben me daŋeg itiuzge ibol, Awagi. I malan itaulak dewagig depai, Ilo gauaipa, umais, i o wigioime. 50I inan sino pasig tanig bubula imaisge Jesus izinnen ile. 51Jesus i ipai, Dodin ŋunuowoi ilo ibolime? Malan itaulak i ipai, Rabuni, ŋa ŋenasiwoi me. 52Jesus ipai, Ula, oina ilolon maliknen o kibiniolak. I buntaimon malan po ibolge dallak mon Jesus uziime.#Mar 5:34
Currently Selected:
Markus 10: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 10
10
Jesus pain pasinenoi ibol
1Jesus melak imaisge Judea panupanu Jordan akilon diendime melon ile. Tamolai malanzen faun te lol depasig izinnen dile. Jesus i inan kagin wozen pasig faun mug kagin ipeteŋanaime.#Mar 9:33 2Farisea i dikibianiwoi izinnen dipazge desedaze, Tamol ta i inan iwon pasinen me kagin tat? 3I auadin jabig ibol, Moses dodin kibiai pinidinlak.#Deut 24:1; Mat 5:31, 32 4I dibol, Moses i tamol paseknen gazek ta kibinep pain panimap pasinenoi so pizianiime. 5Ge Jesus ipidin, Nami bubumi gegaunlakoi i kibiai me gaze panaŋlak. 6Ge tan funlonge Anut i tamol pain mai inaulak.#Gen 1:27 7Mewoilakoi tamol inan taman tinan mai ibinpa inan pain sipinip mai ditozoi.#Gen 2:24 8I auzun mug tinin taimon. Meginge i azugen tea, tea, tinin taimon. 9Mewoi abaŋ Anut temanalak me tamol so detezepalewoi.
10Ablon meglaum faun te abaŋ ewoi desedaze. 11Jesus ipidin, Ta i inan iwon pasip ta ŋaleime, me i mai jait diabidime.#Mar 9:28; Luk 16:18 12Ge pain i inan tamol pasip ta ŋaletap i mai jait jabiime.#Kor I 7:13
Jesus ai kamo baz pinidin
13I ai kamo Jesus izinnen didauzig i niman fodinlak inauwoi. Ge inan meglaumgaz i dususua. 14Ge Jesus me nasimeg i baibai inaug ipidin, Ai kamo abinpa i ŋa izignen disowoi, aŋ so abit mon, Anut kagin me inadinlakoi. 15Malik ŋa aŋ ŋepaiaŋ, ta i Anut kagin ai kamo egin so ŋaleime, i melon so idulawoi.#Mat 13:8 16Jesus ai kamo kadoi pinidinge niman fodinlak inaug baz mai ipinidin.#Mar 9:36
Tannen filianlon ibal idunen
17Jesus tapas idug dallak ilemeg ta i palu iseg dagun tan isaeg i sedaze, Peteŋanek gauai, abaŋte ŋenaumap ŋa bas dedeŋaneknen ŋeŋalewoi? 18Jesus ipai, Aitoige ŋa gauai e ŋaboloi? Ta so gauai, Anut i siben taimon. 19O kibiaiŋ uloŋume, O ta so funip imat mon, Jait so wabi mon, Se uf so nau mon, Tina tama mai dagom pinidin.#Ekso 20:12–16; Deut 5:16–20 20Ge i ipai, Peteŋanek, me daŋan ŋa ai faunlonge ŋuzi ŋipinidinlak. 21Ge Jesus i lalemeg ilon ipanig ipai, O abaŋ taimon tealak, ulap oina abaŋ daŋan udad ilap gaŋmalan me waizgaz wae pinidinpa, meginpe oina jes didlon ienoi. Uzip isop sunuzagpa utos.#Mar 8:34; Mat 10:38 22Azu ewoi i naon mimiog teŋaen alange ile, i jes gauzdaŋanlakoi. 23Jesus i malan laŋaige inan meglaum ipidin, I me filiadindaŋan i Anut kaginlon didulanen muzuan mok. 24Meglaum inan azu ewoi tulufuna. Ge Jesus faun mug ipidin. Nanuggaz, Anut kaginlon idulanen muzuan mok.#Kan 62:11; Tim I 6:17 25Kamel titui inan matuklon idulanen me kin pasak, filiantamol Anut kaginlon idulanen me muzuan mok. 26Ge i gauz dizutge depai, Meginmap it mon patun isap madowoi? 27Jesus ilelmeg ibol, Tamolpain me denaunen teabe, ge Anut inaunen iloŋ, Anut abaŋ daŋan inaunen iloŋ pasilakoi.#Gen 18:14; Hiob 42:2
Tan abaŋ inan bineknen naon inan azu
28Petrus imaisge ipai, Nasi, am abaŋ daŋan ibinge o uzolak. 29Jesus ibol, Malik ŋa aŋ ŋepaiaŋ, ta i inan ab tat, taingaz tat, liungaz tat, tinan tat, taman tat, nanungaz tat, um ta ŋawoi totol gamunoi mai ibinime me daŋan 30gazo saen elon hundertpa ŋalewoi, ab, taingaz, liungaz, tinangaz, nanungaz tan mai, ŋalek uzeklon, saen loantapnen bas dedeŋaneknen mai. 31Ge kuzum i dimuglak me wadanlon demadowoi, ge wadanlon demadelak me dimugoi.
Jesus inan alan naukoi ibol tol
32I Jerusalemnen dilemeg dallak demadeg Jesus imugmeg i dizut, duzig ditozdime i dizez. Ai twelf faun iŋalge Jesus abaŋ i tininlak iduwoi me i fun inaug ipidin.#Mar 9:31; Joh 11:16, 55 33I ibol, Nasi, Jerusalemnen tadusatame, i Tamolai waliŋgatengaz, gazekmaŋaugaz nimadinlon denauwoi, i demeselanip imatoi diboloi, gobgaz nimadinlon denauwoi. 34I dizan dewaip dujusunip dupututip dufunip imatoi, nal tollon i imaisoi.
It ujanzen
35Jakobus Johanes mai, me i Sebedeus inan nanunai, i Jesus izinnen dileg depai, Peteŋanek, am lama ibol, am abaŋ tawoi agodmap o penamawoi. 36I ipidin, Ŋa aŋoi abaŋte ŋenauwoi abolame? 37I depai, Me naup penamawoi, saen o oina kubellon mademap am ta o nima waŋlon, ta nima ŋaslon amataloi. 38Ge Jesus ipidin, Aŋ agodame me fun so aloŋ. Gab ŋa ŋimiliŋame me aŋ imilinen aloŋ, flanek melon ŋa flanagime aŋ mai aŋalenen aloŋ tat?#Mar 14:36; Luk 12:50; Rom 6:3 39I dibol, Am aŋalenen aloŋ. Jesus i pidin, Gab ŋa ŋimiliŋame me aŋ mai imiliwoi, flanagime flanek melon aŋ mai flanaŋoi,#Apos 12:2; Bo 1:9 40Ge nimag waŋlon, ŋaslon tat amatalnen me ŋa ŋepanaŋnen so ŋaloŋ, tea, me inadin iwoi me get kibinelak. 41Meglaum ten me diloŋmeg i dimaisge Jakobus Johanes maiwoi baibai denau. 42Ge Jesus wigidinge izinnen diseg pidin, Aŋ aloŋ fatufatuwain nadin getadin i se tenanou kibiai so dipinidindime, tea, tiwodin ipazge peadinlon denaudime, inadin tamolujan i kibiai gegaun dipinidindime. 43Ge aŋ ilonlon megin so ienoi. Tea, i aŋ leŋamilon ujanzen madowoi ibolime i aŋnami begabeg inauwoi.#Mar 9:35 44Ta i aŋ ilonlon matu madowoi ibol, i daŋan nadin begabeg inauwoi. 45Tamolai mai bian depaluwoi so ise, tea, i aenta biadin ipaluwoi, inan tinin tamolpain kuzumoi naon inauwoi ise.
Jeriko izinnen ta malan itaulak ikibine
46I Jerikonen dise. Jesus Jeriko ibinig meglaum tamolpain malanzen mai dilemeg Bartimaius, Timaius inan ai, i malan itauge, i gadiŋ naon anaŋ janiime, i dal giginnen matal. 47I iloŋge me Jesus Nasaretwain i imais ibobge ibol, O Jesus, Dawid inan ai, ilo panagpe. 48Kuzum debebanig to iboloi depai. Ge i gik ibolge iwog, Dawid inan ai, ilo panagpe. 49Jesus ileg aben me daŋeg itiuzge ibol, Awagi. I malan itaulak dewagig depai, Ilo gauaipa, umais, i o wigioime. 50I inan sino pasig tanig bubula imaisge Jesus izinnen ile. 51Jesus i ipai, Dodin ŋunuowoi ilo ibolime? Malan itaulak i ipai, Rabuni, ŋa ŋenasiwoi me. 52Jesus ipai, Ula, oina ilolon maliknen o kibiniolak. I buntaimon malan po ibolge dallak mon Jesus uziime.#Mar 5:34
New Testament published by the British and Foreign Bible Society in 1960. Genesis published by the Australian Bible Society in 1971.