Markus 8
8
Jesus tamolpain 4000 futua
1Saen melon tamolai malan ujan detemanig demadeg i janeknen abaŋ ta teameg i meglaum wigidinge ipidin. 2Ŋa tamolai malan ujan ilog ŋipinidinŋame, i mug nal tolgen maig amade, ge abaŋ janeknen ta tea.#Mar 6:34–44 3Ŋa pitol ifumap ŋenaupa nadinnen dilemap i dallak dimiliauwoi. Aenta dal makaiu dise. 4Inan meglaum auan diabig dibol, Tata i tamolai e dodin elak udaulon sepalaŋlon futuawoi? 5I sidizia, Aŋ sepalaŋ pitedaŋan? I dibol, Sewen. 6I tamolai malanzen kibiai pinidin, i tanlak demataloi. I sepalaŋ sewen iŋalge pez pani binig i me bufateg inan meglaum pinidin, i me deŋalep tamolpain dipinidinoi ipidin. 7I ij kinkin taitai maidaŋan, i me baz panilag me mai noadinnen denauwoi ipidin. 8I dianig loadin didi. Nenamun dinonge me sazeg sewen.#Deut 28:5 9Me i demadelak me 4000 egin. Jesus i inauge dile.
Dalmanutanen farisea bagozoi dejapal
10Buntaimon Jesus inan meglaum mai waglak diduse. I Dalmanuta tezepaleklon ditase. 11Fariseagaz diseg i mai azulon betenaek fun denau, i dikibianiwoi didnen bagozoi dejapal.#Joh 6:30 12Jesus i inan uzlon sagaige ibol, Aitoige daz wozou e bagozoi dedaleldime? Malik ŋepaiaŋ, daz wozou e bagoz ta so pinidinoi.
Meglaum sepalaŋ dideknen zagun salanoi dab depaniwoi
13Jesus i ibinge faun mug waglak iduseg dal akilon ile. 14Sepalaŋ faun ta deŋalewoige ladin padal, waglak taimon mon ien. 15Jesus kibiai pinidin ibol, Dab nau, farisea nadin sepalaŋ dideknen zagunoi, Herodes inanoi mai aŋ akukuaipa.#Luk 12:1; Mar 3:6 16Nug dikibiaig dibol, Id sepalaŋ tea. 17Jesus me dab ipanig i pidinge ibol, Aitoige aŋ sepalaŋ tea mewoi ikibiaiame? Aŋ mug dab kin so apani, so aloŋ maiame? Bubumi me gegaun tat?#Mar 6:52 18Melamidaŋange so anasiame, tiliŋamidaŋan ge aŋ azu so aloŋame? Aŋ lami so isouime.#Jer 5:21; Hesek 12:2 19Ŋa 5000‐oi sepalaŋ 5 ŋubufateg aŋ nenamun sazeg pite anonlak? I depai, 12.#Mar 6:41–44; Mar 8:6–9 20Sapalaŋ 7 4000‐oi nenamun sazeg pite anonlak? I depai, 7. 21I ipidin, Aŋ mug kin so aloŋ?
Jesus ta malan itaulak ikibine
22I Betsaidanen dise. Ta malan itaulak me Jesus izinnen duduzig i nimanlon titiwoi.#Mar 6:56 23I malan itaulak me nimanlon jabig panu muzinnen duzi. I inan malanlak fuzeg niman malanlak inaug sedaze, O abaŋ ta nasiume?#Mar 7:32, 33; Joh 9:6 24I itadge ibol, Ŋa tamol ŋailŋame, ge i ja egin ditozdime. 25Meginge Jesus faun te inan niman tamol me inan malanlak inau. I malan ti ibolge abaŋ nasig i mug kibinelak, abaŋ daŋan gauai nasiime. 26I inannen inaug ilawoige Jesus ibol, O panulon so ule mon, ugegpa ula.#Mar 7:36
III JESUS I INAN AZULON ALANNAUKLON MAI SIBEN FUN BOBOLOANIG I KRISTUS, ANUT INAN AI, 8:27—16:8
Petrus Jesus inan fun blani
27Jesus inan meglaum mai panupanu Kaisarea Filipi baŋenlon diendime melon dile. Dallak Jesus i inan meglaum sidiziag ibol, Tamolpain ŋawoi dodin dibol, Ŋa itai? 28I depaig dibol, O Flaneknen Johanes, aenta dibol o Elias, aenta o profet ta dibol.#Mar 6:15 29Jesus i sidizia, ge aŋ ŋawoi dodin abol, ŋa itai? Petrus auan jabig ipai, O Kristus. 30Ge i kibiai pinidin, i iwoi tata so depaiwoi.#Mar 9:9
Jesus alan naup madowoi malanmalan ibol
31Jesus imaisge azu flalemeg ibol, Tamolai i abaŋ kuzumlon alan inauwoi. Matugaz, waliŋgatengaz gazekmaŋaugaz mai i demeselaniwoi, dufunip imatoi, ge i nal tollon faun imaisoi. 32Jesus i azu me beŋten ibol. Petrus i ŋaleg bebani. 33Ge i idaŋseg inan meglaum ilge i Petrus ipaig ibol, Satan, muzignen ula, o Anut inan wozou mai tea, o tamol se maig anauame.
Jesus i sunuzekoi ibol
34Jesus tamolpain malanzen inan meglaumgaz mai wigidinge ipidin, Ta i ŋa sunuzagoi ilon ibolmap i siben dadon zezeŋaniwoi, inan jakebazek joazep ŋa sunuzagoi. 35Ta i tinin bas madoknen bezanig ŋalewoi ibol, i me bedaniwoi, ge i inan tinin bas madoknen ŋawoi, totol gamunoi mai bedaniime, i inasip ŋalewoi.#Mat 10:39 36Ta i tan inan filian daŋan iŋalmap ge siben dadon padaltap me aitnen? 37Tamol ta inan bas madonen aitlon faun idadoi?#Kan 49:8 38Daz wozou e jait aupasek tata maidaŋan me ilonlon aenta ŋawoi, inag azuoi mai mamai funitap, Tamolai iwoi mai mamai funiwoi, i inan Taman inan kubeldaŋan, inan eŋel gun mai disemap melon.#Mat 10:33
Currently Selected:
Markus 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 8
8
Jesus tamolpain 4000 futua
1Saen melon tamolai malan ujan detemanig demadeg i janeknen abaŋ ta teameg i meglaum wigidinge ipidin. 2Ŋa tamolai malan ujan ilog ŋipinidinŋame, i mug nal tolgen maig amade, ge abaŋ janeknen ta tea.#Mar 6:34–44 3Ŋa pitol ifumap ŋenaupa nadinnen dilemap i dallak dimiliauwoi. Aenta dal makaiu dise. 4Inan meglaum auan diabig dibol, Tata i tamolai e dodin elak udaulon sepalaŋlon futuawoi? 5I sidizia, Aŋ sepalaŋ pitedaŋan? I dibol, Sewen. 6I tamolai malanzen kibiai pinidin, i tanlak demataloi. I sepalaŋ sewen iŋalge pez pani binig i me bufateg inan meglaum pinidin, i me deŋalep tamolpain dipinidinoi ipidin. 7I ij kinkin taitai maidaŋan, i me baz panilag me mai noadinnen denauwoi ipidin. 8I dianig loadin didi. Nenamun dinonge me sazeg sewen.#Deut 28:5 9Me i demadelak me 4000 egin. Jesus i inauge dile.
Dalmanutanen farisea bagozoi dejapal
10Buntaimon Jesus inan meglaum mai waglak diduse. I Dalmanuta tezepaleklon ditase. 11Fariseagaz diseg i mai azulon betenaek fun denau, i dikibianiwoi didnen bagozoi dejapal.#Joh 6:30 12Jesus i inan uzlon sagaige ibol, Aitoige daz wozou e bagozoi dedaleldime? Malik ŋepaiaŋ, daz wozou e bagoz ta so pinidinoi.
Meglaum sepalaŋ dideknen zagun salanoi dab depaniwoi
13Jesus i ibinge faun mug waglak iduseg dal akilon ile. 14Sepalaŋ faun ta deŋalewoige ladin padal, waglak taimon mon ien. 15Jesus kibiai pinidin ibol, Dab nau, farisea nadin sepalaŋ dideknen zagunoi, Herodes inanoi mai aŋ akukuaipa.#Luk 12:1; Mar 3:6 16Nug dikibiaig dibol, Id sepalaŋ tea. 17Jesus me dab ipanig i pidinge ibol, Aitoige aŋ sepalaŋ tea mewoi ikibiaiame? Aŋ mug dab kin so apani, so aloŋ maiame? Bubumi me gegaun tat?#Mar 6:52 18Melamidaŋange so anasiame, tiliŋamidaŋan ge aŋ azu so aloŋame? Aŋ lami so isouime.#Jer 5:21; Hesek 12:2 19Ŋa 5000‐oi sepalaŋ 5 ŋubufateg aŋ nenamun sazeg pite anonlak? I depai, 12.#Mar 6:41–44; Mar 8:6–9 20Sapalaŋ 7 4000‐oi nenamun sazeg pite anonlak? I depai, 7. 21I ipidin, Aŋ mug kin so aloŋ?
Jesus ta malan itaulak ikibine
22I Betsaidanen dise. Ta malan itaulak me Jesus izinnen duduzig i nimanlon titiwoi.#Mar 6:56 23I malan itaulak me nimanlon jabig panu muzinnen duzi. I inan malanlak fuzeg niman malanlak inaug sedaze, O abaŋ ta nasiume?#Mar 7:32, 33; Joh 9:6 24I itadge ibol, Ŋa tamol ŋailŋame, ge i ja egin ditozdime. 25Meginge Jesus faun te inan niman tamol me inan malanlak inau. I malan ti ibolge abaŋ nasig i mug kibinelak, abaŋ daŋan gauai nasiime. 26I inannen inaug ilawoige Jesus ibol, O panulon so ule mon, ugegpa ula.#Mar 7:36
III JESUS I INAN AZULON ALANNAUKLON MAI SIBEN FUN BOBOLOANIG I KRISTUS, ANUT INAN AI, 8:27—16:8
Petrus Jesus inan fun blani
27Jesus inan meglaum mai panupanu Kaisarea Filipi baŋenlon diendime melon dile. Dallak Jesus i inan meglaum sidiziag ibol, Tamolpain ŋawoi dodin dibol, Ŋa itai? 28I depaig dibol, O Flaneknen Johanes, aenta dibol o Elias, aenta o profet ta dibol.#Mar 6:15 29Jesus i sidizia, ge aŋ ŋawoi dodin abol, ŋa itai? Petrus auan jabig ipai, O Kristus. 30Ge i kibiai pinidin, i iwoi tata so depaiwoi.#Mar 9:9
Jesus alan naup madowoi malanmalan ibol
31Jesus imaisge azu flalemeg ibol, Tamolai i abaŋ kuzumlon alan inauwoi. Matugaz, waliŋgatengaz gazekmaŋaugaz mai i demeselaniwoi, dufunip imatoi, ge i nal tollon faun imaisoi. 32Jesus i azu me beŋten ibol. Petrus i ŋaleg bebani. 33Ge i idaŋseg inan meglaum ilge i Petrus ipaig ibol, Satan, muzignen ula, o Anut inan wozou mai tea, o tamol se maig anauame.
Jesus i sunuzekoi ibol
34Jesus tamolpain malanzen inan meglaumgaz mai wigidinge ipidin, Ta i ŋa sunuzagoi ilon ibolmap i siben dadon zezeŋaniwoi, inan jakebazek joazep ŋa sunuzagoi. 35Ta i tinin bas madoknen bezanig ŋalewoi ibol, i me bedaniwoi, ge i inan tinin bas madoknen ŋawoi, totol gamunoi mai bedaniime, i inasip ŋalewoi.#Mat 10:39 36Ta i tan inan filian daŋan iŋalmap ge siben dadon padaltap me aitnen? 37Tamol ta inan bas madonen aitlon faun idadoi?#Kan 49:8 38Daz wozou e jait aupasek tata maidaŋan me ilonlon aenta ŋawoi, inag azuoi mai mamai funitap, Tamolai iwoi mai mamai funiwoi, i inan Taman inan kubeldaŋan, inan eŋel gun mai disemap melon.#Mat 10:33
New Testament published by the British and Foreign Bible Society in 1960. Genesis published by the Australian Bible Society in 1971.