Markus 15
15
Jesus Pilatus izinnen
1Bomonge buntaimon waliŋgatengaz, matugaz, gazekmaŋau kaunsilgaz daŋan mai dikibiaioi detemani. I Jesus depaug Pilatus izinnen duduzi. 2Pilatus i sedaze, O Juda nadin kiŋ? I auan jabig ibol, O ubollak. 3Waliŋgatengaz i abaŋ kuzumoi tinin desae. 4Pilatus faun sedaze, O azu tea? Nasi, azu funfun owoi diboldime.#Mar 14:61; Jes 53:7 5Ge Jesus azu ta so ibol, meginge Pilatus izut.
Pilatus buben muzuanmeg Jesus meselani
6Ubou ujan elon i kagin ta uzig sebanekai ta iwoi i diboldime me pasi pinidin. 7Sebaneklon wagaitamol ta demade, i dizoimeg tamol ta dufunilak, me ilonlon ta nean Barabas. 8Tamolpain malanzen Pilatus izinnen diseg kagin get iwoi inaulak me faun inauwoi depai. 9I auadin jabig pidin, Ŋa Judagaz nadin kiŋ ŋepasiwoi abol?#Joh 11:48; 12:19; Mat 21:38 10I dab panilak waliŋgatengaz jenain disuige i dibitilak. 11Waliŋgatengaz i tamolpain malanzen disikilag i gik dibolpa Barabasoi diboloi. 12Pilatus faun mug ipidin, Meginpe ŋa i me aŋ Juda nadin kiŋ e ablaniame iwoi dodin ŋenauwoi? 13I faun te dibobge dibol, Jakebazeklak zai. 14Pilatus i pidin, Abaŋte salan ta inaulak? Ge i gik dibolge dibol, Jakebazeklak zai. 15Meginge Pilatus tamolpain ladin gauaip Iduse e dibolnen Barabas pasi pinidin, i Jesus pututilag jakebazeklak dezaiwoi pinidin.
16Opas Jesus betenaekablon duduzig daup daŋan diwigidinge detemani. 17I jamel dazan bas dipila depani, faiaglon talit ta denaug gatenlon dunule. 18I izinnen dipazge tabei depanimeg dibol, Pez o, Juda nadin kiŋ! 19Gaten toklon desaeg, dujusunig dugudinlon tan desaeg digod egin denau. 20I naon dikibiani dibinilag i jamel melaen dazan bas depasig siben inan jamel dipila depani. Meginge i dezaiwoi duduzig dile.
Jesus Golgatanen
21Tamol ta panu talonge dal uzig ise, me Simon Kirenewain, Aleksander Rufus mai temadin, i gegaun depanig jakebazek joaze.#Rom 16:13 22I Jesus duduzig fatu nean Golgata men ditase, me fun, lasen inan aben.#Kan 69:22 23I wain kisipan mai zubulilak depanig i imoi, so mili.#Kan 22:19 24I dezaig inan jamel leŋadinlon nug dewae, gaŋmalan egin dititig ai ait deŋalewoi diloŋnen. 25Admetelaen 9‐lon i dezai. 26Aupasek melon i tinin desaelak inan gazek megin: Juda nadin kiŋ. 27Zoiktamol azugen i maig dizai, ta waŋlon, ta ŋaslon. 28Gazek niŋon inaug me ibol, I zegaikbibiadin mai temanalak. 29I me denenazig dilemeg i dizan dewaig getadin detanimeg dibol, Aha! O tempel pitiŋinip nal tolp faun sasewoi ubollak, 30sibe patu pasip jakebazeklakpa udu!#Mar 14:58; Kan 22:8; 109:25 31Waliŋgatengaz gazekmaŋaugaz mai nug paiklon dizan dewaeg dibol, I aenta putudin pasilak, siben patun pasinen so iloŋ. 32Kristus Isreal nadin kiŋ jakebazeklakpa idup id tenasip ilodlon malikoi. Me i maig dizailak i mai dizan dewai.#Mat 16:1, 4
33Admetelaen 12 idug fatu daŋan mafuz panig ileg admetelaen 3 geg. 34Admetelaen 3‐lon Jesus auan ujanlon iwog, Eloi, Eloi, lama sabaktani, me fun, Ŋainag Anut, ŋainag Anut, dodinge o ŋa binaglak?#Kan 22:2 35Aenta melak demadodime azu me diloŋge dibol, Aloŋ, i Elias wagiime. 36Ta palu ileg masnen mames ta nazlon buig toklon isaeg auanlon inaug imili. I ibol, Mademap, tenasiwoi, Elias isop pasiwoi tat.#Kan 69:22 37Jesus auan ujanlon iwogge uz ibinig ile. 38Meginge jamel ujan tempellon tezepaleg azugen latnenge idug tanlak tapas. 39Opasgaten i daŋeg itiuzmeg Jesus megin imatmeg inasig i ibol, Malik, tamol e Anut inan ai ta.
40Pain ta mai demade, kin ibennen dab depani, i ilonnen Maria Magdalena, Maria Jakobus mizimu, Joses Salome mai tinadin.#Luk 8:2, 3 41Me i Galileanen mademeg duzig bian depalulak. Pain kuzum ta mai i maig Jerusalemnen diselak me mai demade.
Josef Arimatiawain Jesus inau
42Juzameg, nal me kibineknennal ubou naonnen, 43Josef Arimatiawain, kaunsel inan tamol biŋandaŋan, me i siben Anut inan kiŋdomoi malan inaumeg madelak, i segatig Pilatus izinnen ileg Jesus sesanunoi igod. 44Pilatus ilonse ilonle, Jesus mug imat tat ibolge opasgaten wagig mug imat tat mewoi sedaze. 45Opasgaten auanlon Jesus mug imat me iloŋtag i sesanun Josef ipani. 46I jamel melaen ta idadge sesanun pasig jamellon puzig fedafod get patlon pasilak melon inau. I pat ta bulig fedafod auan segemani. 47Maria Magdalena, Maria Joses tinan i denaulak aben denasi.
Currently Selected:
Markus 15: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 15
15
Jesus Pilatus izinnen
1Bomonge buntaimon waliŋgatengaz, matugaz, gazekmaŋau kaunsilgaz daŋan mai dikibiaioi detemani. I Jesus depaug Pilatus izinnen duduzi. 2Pilatus i sedaze, O Juda nadin kiŋ? I auan jabig ibol, O ubollak. 3Waliŋgatengaz i abaŋ kuzumoi tinin desae. 4Pilatus faun sedaze, O azu tea? Nasi, azu funfun owoi diboldime.#Mar 14:61; Jes 53:7 5Ge Jesus azu ta so ibol, meginge Pilatus izut.
Pilatus buben muzuanmeg Jesus meselani
6Ubou ujan elon i kagin ta uzig sebanekai ta iwoi i diboldime me pasi pinidin. 7Sebaneklon wagaitamol ta demade, i dizoimeg tamol ta dufunilak, me ilonlon ta nean Barabas. 8Tamolpain malanzen Pilatus izinnen diseg kagin get iwoi inaulak me faun inauwoi depai. 9I auadin jabig pidin, Ŋa Judagaz nadin kiŋ ŋepasiwoi abol?#Joh 11:48; 12:19; Mat 21:38 10I dab panilak waliŋgatengaz jenain disuige i dibitilak. 11Waliŋgatengaz i tamolpain malanzen disikilag i gik dibolpa Barabasoi diboloi. 12Pilatus faun mug ipidin, Meginpe ŋa i me aŋ Juda nadin kiŋ e ablaniame iwoi dodin ŋenauwoi? 13I faun te dibobge dibol, Jakebazeklak zai. 14Pilatus i pidin, Abaŋte salan ta inaulak? Ge i gik dibolge dibol, Jakebazeklak zai. 15Meginge Pilatus tamolpain ladin gauaip Iduse e dibolnen Barabas pasi pinidin, i Jesus pututilag jakebazeklak dezaiwoi pinidin.
16Opas Jesus betenaekablon duduzig daup daŋan diwigidinge detemani. 17I jamel dazan bas dipila depani, faiaglon talit ta denaug gatenlon dunule. 18I izinnen dipazge tabei depanimeg dibol, Pez o, Juda nadin kiŋ! 19Gaten toklon desaeg, dujusunig dugudinlon tan desaeg digod egin denau. 20I naon dikibiani dibinilag i jamel melaen dazan bas depasig siben inan jamel dipila depani. Meginge i dezaiwoi duduzig dile.
Jesus Golgatanen
21Tamol ta panu talonge dal uzig ise, me Simon Kirenewain, Aleksander Rufus mai temadin, i gegaun depanig jakebazek joaze.#Rom 16:13 22I Jesus duduzig fatu nean Golgata men ditase, me fun, lasen inan aben.#Kan 69:22 23I wain kisipan mai zubulilak depanig i imoi, so mili.#Kan 22:19 24I dezaig inan jamel leŋadinlon nug dewae, gaŋmalan egin dititig ai ait deŋalewoi diloŋnen. 25Admetelaen 9‐lon i dezai. 26Aupasek melon i tinin desaelak inan gazek megin: Juda nadin kiŋ. 27Zoiktamol azugen i maig dizai, ta waŋlon, ta ŋaslon. 28Gazek niŋon inaug me ibol, I zegaikbibiadin mai temanalak. 29I me denenazig dilemeg i dizan dewaig getadin detanimeg dibol, Aha! O tempel pitiŋinip nal tolp faun sasewoi ubollak, 30sibe patu pasip jakebazeklakpa udu!#Mar 14:58; Kan 22:8; 109:25 31Waliŋgatengaz gazekmaŋaugaz mai nug paiklon dizan dewaeg dibol, I aenta putudin pasilak, siben patun pasinen so iloŋ. 32Kristus Isreal nadin kiŋ jakebazeklakpa idup id tenasip ilodlon malikoi. Me i maig dizailak i mai dizan dewai.#Mat 16:1, 4
33Admetelaen 12 idug fatu daŋan mafuz panig ileg admetelaen 3 geg. 34Admetelaen 3‐lon Jesus auan ujanlon iwog, Eloi, Eloi, lama sabaktani, me fun, Ŋainag Anut, ŋainag Anut, dodinge o ŋa binaglak?#Kan 22:2 35Aenta melak demadodime azu me diloŋge dibol, Aloŋ, i Elias wagiime. 36Ta palu ileg masnen mames ta nazlon buig toklon isaeg auanlon inaug imili. I ibol, Mademap, tenasiwoi, Elias isop pasiwoi tat.#Kan 69:22 37Jesus auan ujanlon iwogge uz ibinig ile. 38Meginge jamel ujan tempellon tezepaleg azugen latnenge idug tanlak tapas. 39Opasgaten i daŋeg itiuzmeg Jesus megin imatmeg inasig i ibol, Malik, tamol e Anut inan ai ta.
40Pain ta mai demade, kin ibennen dab depani, i ilonnen Maria Magdalena, Maria Jakobus mizimu, Joses Salome mai tinadin.#Luk 8:2, 3 41Me i Galileanen mademeg duzig bian depalulak. Pain kuzum ta mai i maig Jerusalemnen diselak me mai demade.
Josef Arimatiawain Jesus inau
42Juzameg, nal me kibineknennal ubou naonnen, 43Josef Arimatiawain, kaunsel inan tamol biŋandaŋan, me i siben Anut inan kiŋdomoi malan inaumeg madelak, i segatig Pilatus izinnen ileg Jesus sesanunoi igod. 44Pilatus ilonse ilonle, Jesus mug imat tat ibolge opasgaten wagig mug imat tat mewoi sedaze. 45Opasgaten auanlon Jesus mug imat me iloŋtag i sesanun Josef ipani. 46I jamel melaen ta idadge sesanun pasig jamellon puzig fedafod get patlon pasilak melon inau. I pat ta bulig fedafod auan segemani. 47Maria Magdalena, Maria Joses tinan i denaulak aben denasi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.