Markus 14
14
1Gazo nal azugen Pasa naonnen, Sepalaŋ Didek Zagun Tea inan ubou. Waliŋgaten gazekmaŋau mai i kukumlon diabip dufunip imatoi dedalel, 2i dibollakoi, Ubou ujanlon tea, tamolai ilonnen ta so dimaispa iwoi dizoioi.
Pain ta Jesus gaten buzugusi
3I Betanianen Simon pizapizdaŋanlak me inan ablak anaŋ janimeg pain ta ganalnabud gazeŋmoz gauai mok, naon ujan, me ŋaleg iseg nabud auan pasig gaten fonlak wali. 4Ge ta demadodime me ladin bebazeg nug paipaig dibol, Aitoige gazeŋmoz megin se bedanilak? 5Gazeŋmoz me 300 siliŋlon idad ilape me waizgaz pinidinpe. I pain debebani. 6Ge Jesus ibol, Aŋ i kin ibinipe, aitoi pain ilon muzuan paniame? I abaŋ gauai ŋawoi inaulak. 7Waizgaz aŋ ziminen gaid demadodime, aŋ aboltap saen me daŋanlon iwoi lo adunen aloŋ. Ge ŋa aŋ maip gaid so temadowoi.#Deut 15:11 8I inaunen dal ienlak me i inau, i imugseg inag tinig fedafodlon noagnenoi kibinelak.#Apos 3:6 9Malik ŋepaiaŋ, domten tat fatufatulon totol gamun e fun deflalemap melak pain e inaulak me mai dibolpa ladin isouwoi.
Judas Jesus blaniwoi waliŋgatengaz zidinnen ile
10Me uzig Judas Iskariot, twelf menen ta, i Jesus nimadinlon inauwoi i waliŋgatengaz zidinnen ile. 11I diloŋge i ladin gauai, gaŋmalan depaniwoi depai. I ileg blaniwoi dal bezani.
Pasa diani
12Sepalaŋ Didek Zagun Tea inan ubounal matulon, i pasa inan belelek nanun ja denaudimelak, inan meglaum Jesus depai, O dodin ubolume, pasa waniwoi me domten ikibinewoi? 13I inan meglaum azugen inauge ipidin, Aŋ panulon alap tamol naz inan nabuddaŋan aŋ mai naon tazetazewoi, i uzip ala. 14I idusaime melak adusap abfun apai, Peteŋanek ibol, Ŋa ŋainag meglaum mai pasa aninen lotamol nadin galuŋ me ŋan?#Mar 11:3 15I aten latnen galuŋ ujan taeg pezatiudaŋan ta peteŋanaŋoi, melak idoi abaŋ ikibine. 16Meglaum me dimaisge panulon dileg i ibollak egin denasi, i pasa dikibine.
17Juzameg i twelf mai dile. 18I anaŋ dianig dematalmeg Jesus ibol, Malik ŋa aŋ ŋepaiaŋ, aŋ ilonnen ta iblanagoi, ta i ŋa mai tuz imiliame. 19I teŋeadin alange anenanen i depai, Ŋa tat? 20I pidin, I twelf ilonnen ta me ŋa mai tabiz taimonlon sepalaŋ ubuiame ŋan i. 21Tamolai ilaime, iwoi gazelak egin, ge waio tamol me i Tamolai blaniime. Tamol me tinan so inaupe me gauaipe.
Pasa faun fun inau
22I anaŋ dianimeg i sepalaŋ iŋaleg baz panig bufate idug meglaumgaz ipinidinge ibol, Aŋalep ani, e me ŋainag tinig.#Kor I 11:23–25 23I gab ta iŋaleg baz panig ipinidinge i daŋan melon dimili. 24I pidin, i me ŋainag daz temaneknen me kuzumoi wali iduime.#Ekso 24:8; Sak 9:11 25Malik ŋa aŋ ŋepaiaŋ, ŋa faun te wain e inan niŋon so ŋimiliwoi, nal melon ŋa aŋ maip Mam inan kiŋdomlon faun ŋimilimap eginmap. 26I kanam ta diabilag i Gazeŋdidlak dile.#Kan 113—118
Petrus iwoi kakezoi Jesus imugseg ibol
27Jesus i pidin, Aŋ daŋan miz apanagoi, megin gazelakoi, Ŋa tizinek ŋufunip belelek pititiliawoi.#Sak 13:7 28Ge ŋa fuŋunagpa ŋamaismap ŋa aŋ ŋamugpa Galileanen ŋalawoi.#Mar 16:7 29Petrus i ipai, Daŋan o miz depanomap ŋa tea mok. 30Jesus i ipai, Malik ŋa o ŋepao, tidom elon mok kekazek so ibob azumap o ŋawoi kakez tolp unauwoi.#Joh 13:38 31Ge i gik ibolge ibol, Ŋa o maip tamat mokoitap ŋa owoi so ŋekakezoi. I daŋan megin mon dibol.#Joh 11:16
Jesus Getsemanenen
32I aben talon nean Getsemane men dile. I inan meglaum ipidin, Ŋa ŋogodoanimap elak amatal.#Joh 18:1 33I Petrus, Jakobus Johanes mai iŋalge ilon alange jaeŋ funek fun inau. 34I ipidin, Ŋainag nitug gauz alan, ŋamatoi ŋenauŋame, aŋ elak amadop amazaz.#Joh 12:27; Kan 43:5 35I kin ileg i tanlak ibal idug godoani, dal ientap nal muzuan e nenazip ilawoi. 36I ibol, Abba Mam, o abaŋ daŋan unaunen uloŋ, unaup gab e nenazagpa ilawoi, ge ŋa ŋabolŋame me se, o ubolume me mon.#Mar 10:38 37I ileg i dienmeg ilge i Petrus ipai, Simon, o uwenume? Aŋ aur taimon amazaznen so aloŋ? 38Amazazmap ogodoanimap amado, meginpe aŋ kibianeklon so adulawoi; ilon me pasak ibolime, ge tinin uzi paninen me muzuan. 39I faun te ileg azu melon mon godoani. 40I faun te ileg wonoŋ diabimeg il, meladin muzuan, i auan diabinen so diloŋ, 41I ile tolge ipidin, Aŋ aenge jaeŋ aŋaleame? Mug iduse, saen itase, Tamolai blaneklon aupasekwain nimadinlon naulak. 42Amaispa talawoi, blanagnen me isoime.#Joh 14:31
Judas tamol judazukdaŋan iŋalge ise
43Jesus azu ibolmeg buntaimon Judas, twelf menen ta, tamol malanzen mai sebuzi, suaŋtitukdaŋan waliŋgatengaz, gazekmaŋaugaz matugaz mai zidinnen dise. 44Tamol i blaninen i bagoz pinidinlak, ibol, Ŋa musuk ŋepaniŋame ŋan me abi gauai, uduzip ila. 45I iseg i buntaimon izinnen ileg ibol, Rabi, musuk mai ipani. 46I nimadin tininlak denaug diabi. 47Ge ta me izinnen mademeg i inan badiz kurus ibolge waliŋgaten inan biabi funig tiliŋan waŋ me sebazi. 48Jesus ipidin, Aŋ zuaikbibian egin sebuzi suaŋtitukdaŋan mai ibiagoi aselak? 49Nal daŋan ŋa tempellon kagin ŋepeteŋanameg ŋematal, ge aŋ so ibiaglak. Ge gazek niŋon inauwoi. 50I daŋan dibinig diau.#Joh 16:32 51Ai faun ta jamel sukasuk teag jamel taimon mon tabubge uzge itoz. Me i diabig 52i jamel nimadinlon ibini pinidinmeg niŋon mon iau.
Jesus waliŋgaz getadin izinnen
53I Jesus duduzig waliŋgaz nadin getadin izinnen dile. Waliŋgatengaz, matugaz gazekmaŋaugaz mai detemanig demade. 54Petrus kin ibennen uzig waliŋgaz nadin getadin inan panu moklon ile. I opas mai ja piziadinmeg dematal. 55Waliŋgatengaz kaunsilgaz daŋan mai Jesus dufunip imatnen azuoi delaŋaidime. Ge i azu ta so denasi. 56Kuzum iwoi se uf denau, ge inadin azu taimon tea. 57Aenta dimaisge uf denaug dibol, 58I ibolmeg am aloŋ, i ibol, Ŋa tempel me nimanlon isaselak ŋipitiŋiniwoi, ge nal tol binip ŋa ta me nimanlon so naulak me ŋesasewoi.#Joh 2:19; 4:21, 23 59Ge megin dibolmeg mai nadin azu naon taimon tea.
60I leŋadinlon waliŋgaz nadin getadin imaisge Jesus sedaze, O auadin wabinen so uloŋ? 61Ge i auan kati ibol, auadin kin so jabi. Waliŋgaz nadin getadin faun ta sedaze. O Kristus Anut biŋandaŋan inan Ai?#Mar 15:5; Jes 53:7 62Jesus ibol, Au, ŋa ŋan me. Aŋ Tamolai Tiwon waŋlon matalmap didlonpa timtaenlon isemap mai anasiwoi.#Dan 7:13; Kan 110:1 63Waliŋgaz nadin getadin inan jamel tetazig ibol, Aitoi sigianek tawoi taboloi? 64Aŋ inan dizawaik azu aloŋlak. Aŋ dodin abol? I daŋan dibol i imatoi.#Joh 19:7 65Aenta i dimaisge dujusuni, naon dotoanig dufuni, depai, Kiai unaupa! Opas dufunimeg duduzig deŋaleg didu.
Petrus kakez
66Petrus tanlak panu atenlon madeg waliŋgaten nadin getadin inan uzatpain iseg 67Petrus ja pazemeg inasig i ilaleg ibol, O mai Nasaretwain Jesus maig amade. 68Ge i kakezge ibol, Ŋa oina azu so ŋaloŋ, ubolume fun mai so ŋaloŋ. 69Uzatpain ta inasig faun azu biseg tamol men ditiuzdime me ipidin, Tamol e i menen ta. 70Ge i faun kakez. Kitek ta maig tamol men ditiuzdime i faun Petrus depai, Malik o menen ta, o Galileawain. 71Ge i sibenoi meselaneknen azu ibol, stemaneknen azu mai ibol, Ŋa tamol aŋ abolamelak me so ŋaloŋ. 72Buntaimon kekazek ibob azu. Petrus ilon isou, Jesus i ipailak, Kekazek so ibob azumap i ŋawoi kakez tolp unauwoi. I silai idug ita.#Mar 14:30
Currently Selected:
Markus 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 14
14
1Gazo nal azugen Pasa naonnen, Sepalaŋ Didek Zagun Tea inan ubou. Waliŋgaten gazekmaŋau mai i kukumlon diabip dufunip imatoi dedalel, 2i dibollakoi, Ubou ujanlon tea, tamolai ilonnen ta so dimaispa iwoi dizoioi.
Pain ta Jesus gaten buzugusi
3I Betanianen Simon pizapizdaŋanlak me inan ablak anaŋ janimeg pain ta ganalnabud gazeŋmoz gauai mok, naon ujan, me ŋaleg iseg nabud auan pasig gaten fonlak wali. 4Ge ta demadodime me ladin bebazeg nug paipaig dibol, Aitoige gazeŋmoz megin se bedanilak? 5Gazeŋmoz me 300 siliŋlon idad ilape me waizgaz pinidinpe. I pain debebani. 6Ge Jesus ibol, Aŋ i kin ibinipe, aitoi pain ilon muzuan paniame? I abaŋ gauai ŋawoi inaulak. 7Waizgaz aŋ ziminen gaid demadodime, aŋ aboltap saen me daŋanlon iwoi lo adunen aloŋ. Ge ŋa aŋ maip gaid so temadowoi.#Deut 15:11 8I inaunen dal ienlak me i inau, i imugseg inag tinig fedafodlon noagnenoi kibinelak.#Apos 3:6 9Malik ŋepaiaŋ, domten tat fatufatulon totol gamun e fun deflalemap melak pain e inaulak me mai dibolpa ladin isouwoi.
Judas Jesus blaniwoi waliŋgatengaz zidinnen ile
10Me uzig Judas Iskariot, twelf menen ta, i Jesus nimadinlon inauwoi i waliŋgatengaz zidinnen ile. 11I diloŋge i ladin gauai, gaŋmalan depaniwoi depai. I ileg blaniwoi dal bezani.
Pasa diani
12Sepalaŋ Didek Zagun Tea inan ubounal matulon, i pasa inan belelek nanun ja denaudimelak, inan meglaum Jesus depai, O dodin ubolume, pasa waniwoi me domten ikibinewoi? 13I inan meglaum azugen inauge ipidin, Aŋ panulon alap tamol naz inan nabuddaŋan aŋ mai naon tazetazewoi, i uzip ala. 14I idusaime melak adusap abfun apai, Peteŋanek ibol, Ŋa ŋainag meglaum mai pasa aninen lotamol nadin galuŋ me ŋan?#Mar 11:3 15I aten latnen galuŋ ujan taeg pezatiudaŋan ta peteŋanaŋoi, melak idoi abaŋ ikibine. 16Meglaum me dimaisge panulon dileg i ibollak egin denasi, i pasa dikibine.
17Juzameg i twelf mai dile. 18I anaŋ dianig dematalmeg Jesus ibol, Malik ŋa aŋ ŋepaiaŋ, aŋ ilonnen ta iblanagoi, ta i ŋa mai tuz imiliame. 19I teŋeadin alange anenanen i depai, Ŋa tat? 20I pidin, I twelf ilonnen ta me ŋa mai tabiz taimonlon sepalaŋ ubuiame ŋan i. 21Tamolai ilaime, iwoi gazelak egin, ge waio tamol me i Tamolai blaniime. Tamol me tinan so inaupe me gauaipe.
Pasa faun fun inau
22I anaŋ dianimeg i sepalaŋ iŋaleg baz panig bufate idug meglaumgaz ipinidinge ibol, Aŋalep ani, e me ŋainag tinig.#Kor I 11:23–25 23I gab ta iŋaleg baz panig ipinidinge i daŋan melon dimili. 24I pidin, i me ŋainag daz temaneknen me kuzumoi wali iduime.#Ekso 24:8; Sak 9:11 25Malik ŋa aŋ ŋepaiaŋ, ŋa faun te wain e inan niŋon so ŋimiliwoi, nal melon ŋa aŋ maip Mam inan kiŋdomlon faun ŋimilimap eginmap. 26I kanam ta diabilag i Gazeŋdidlak dile.#Kan 113—118
Petrus iwoi kakezoi Jesus imugseg ibol
27Jesus i pidin, Aŋ daŋan miz apanagoi, megin gazelakoi, Ŋa tizinek ŋufunip belelek pititiliawoi.#Sak 13:7 28Ge ŋa fuŋunagpa ŋamaismap ŋa aŋ ŋamugpa Galileanen ŋalawoi.#Mar 16:7 29Petrus i ipai, Daŋan o miz depanomap ŋa tea mok. 30Jesus i ipai, Malik ŋa o ŋepao, tidom elon mok kekazek so ibob azumap o ŋawoi kakez tolp unauwoi.#Joh 13:38 31Ge i gik ibolge ibol, Ŋa o maip tamat mokoitap ŋa owoi so ŋekakezoi. I daŋan megin mon dibol.#Joh 11:16
Jesus Getsemanenen
32I aben talon nean Getsemane men dile. I inan meglaum ipidin, Ŋa ŋogodoanimap elak amatal.#Joh 18:1 33I Petrus, Jakobus Johanes mai iŋalge ilon alange jaeŋ funek fun inau. 34I ipidin, Ŋainag nitug gauz alan, ŋamatoi ŋenauŋame, aŋ elak amadop amazaz.#Joh 12:27; Kan 43:5 35I kin ileg i tanlak ibal idug godoani, dal ientap nal muzuan e nenazip ilawoi. 36I ibol, Abba Mam, o abaŋ daŋan unaunen uloŋ, unaup gab e nenazagpa ilawoi, ge ŋa ŋabolŋame me se, o ubolume me mon.#Mar 10:38 37I ileg i dienmeg ilge i Petrus ipai, Simon, o uwenume? Aŋ aur taimon amazaznen so aloŋ? 38Amazazmap ogodoanimap amado, meginpe aŋ kibianeklon so adulawoi; ilon me pasak ibolime, ge tinin uzi paninen me muzuan. 39I faun te ileg azu melon mon godoani. 40I faun te ileg wonoŋ diabimeg il, meladin muzuan, i auan diabinen so diloŋ, 41I ile tolge ipidin, Aŋ aenge jaeŋ aŋaleame? Mug iduse, saen itase, Tamolai blaneklon aupasekwain nimadinlon naulak. 42Amaispa talawoi, blanagnen me isoime.#Joh 14:31
Judas tamol judazukdaŋan iŋalge ise
43Jesus azu ibolmeg buntaimon Judas, twelf menen ta, tamol malanzen mai sebuzi, suaŋtitukdaŋan waliŋgatengaz, gazekmaŋaugaz matugaz mai zidinnen dise. 44Tamol i blaninen i bagoz pinidinlak, ibol, Ŋa musuk ŋepaniŋame ŋan me abi gauai, uduzip ila. 45I iseg i buntaimon izinnen ileg ibol, Rabi, musuk mai ipani. 46I nimadin tininlak denaug diabi. 47Ge ta me izinnen mademeg i inan badiz kurus ibolge waliŋgaten inan biabi funig tiliŋan waŋ me sebazi. 48Jesus ipidin, Aŋ zuaikbibian egin sebuzi suaŋtitukdaŋan mai ibiagoi aselak? 49Nal daŋan ŋa tempellon kagin ŋepeteŋanameg ŋematal, ge aŋ so ibiaglak. Ge gazek niŋon inauwoi. 50I daŋan dibinig diau.#Joh 16:32 51Ai faun ta jamel sukasuk teag jamel taimon mon tabubge uzge itoz. Me i diabig 52i jamel nimadinlon ibini pinidinmeg niŋon mon iau.
Jesus waliŋgaz getadin izinnen
53I Jesus duduzig waliŋgaz nadin getadin izinnen dile. Waliŋgatengaz, matugaz gazekmaŋaugaz mai detemanig demade. 54Petrus kin ibennen uzig waliŋgaz nadin getadin inan panu moklon ile. I opas mai ja piziadinmeg dematal. 55Waliŋgatengaz kaunsilgaz daŋan mai Jesus dufunip imatnen azuoi delaŋaidime. Ge i azu ta so denasi. 56Kuzum iwoi se uf denau, ge inadin azu taimon tea. 57Aenta dimaisge uf denaug dibol, 58I ibolmeg am aloŋ, i ibol, Ŋa tempel me nimanlon isaselak ŋipitiŋiniwoi, ge nal tol binip ŋa ta me nimanlon so naulak me ŋesasewoi.#Joh 2:19; 4:21, 23 59Ge megin dibolmeg mai nadin azu naon taimon tea.
60I leŋadinlon waliŋgaz nadin getadin imaisge Jesus sedaze, O auadin wabinen so uloŋ? 61Ge i auan kati ibol, auadin kin so jabi. Waliŋgaz nadin getadin faun ta sedaze. O Kristus Anut biŋandaŋan inan Ai?#Mar 15:5; Jes 53:7 62Jesus ibol, Au, ŋa ŋan me. Aŋ Tamolai Tiwon waŋlon matalmap didlonpa timtaenlon isemap mai anasiwoi.#Dan 7:13; Kan 110:1 63Waliŋgaz nadin getadin inan jamel tetazig ibol, Aitoi sigianek tawoi taboloi? 64Aŋ inan dizawaik azu aloŋlak. Aŋ dodin abol? I daŋan dibol i imatoi.#Joh 19:7 65Aenta i dimaisge dujusuni, naon dotoanig dufuni, depai, Kiai unaupa! Opas dufunimeg duduzig deŋaleg didu.
Petrus kakez
66Petrus tanlak panu atenlon madeg waliŋgaten nadin getadin inan uzatpain iseg 67Petrus ja pazemeg inasig i ilaleg ibol, O mai Nasaretwain Jesus maig amade. 68Ge i kakezge ibol, Ŋa oina azu so ŋaloŋ, ubolume fun mai so ŋaloŋ. 69Uzatpain ta inasig faun azu biseg tamol men ditiuzdime me ipidin, Tamol e i menen ta. 70Ge i faun kakez. Kitek ta maig tamol men ditiuzdime i faun Petrus depai, Malik o menen ta, o Galileawain. 71Ge i sibenoi meselaneknen azu ibol, stemaneknen azu mai ibol, Ŋa tamol aŋ abolamelak me so ŋaloŋ. 72Buntaimon kekazek ibob azu. Petrus ilon isou, Jesus i ipailak, Kekazek so ibob azumap i ŋawoi kakez tolp unauwoi. I silai idug ita.#Mar 14:30
New Testament published by the British and Foreign Bible Society in 1960. Genesis published by the Australian Bible Society in 1971.