Markus 16
16
Fedafod lasenge ien
1Ubou me binig Maria Magdalena, Maria, Jakobus Salome mai tinadin, i tinin dikibinewoi mimin siziun funfun didad. 2Wik nal matulon bomon mon ad itaselag i fedafodlon dile. 3I nug dikibiaimeg dibol, Pat lof auanlon me it pasi penamawoi? 4I meladin ilelag pat get dubuli ileg ienmeg denasi, pat me ujan mok. 5I fedafodlon didulemeg i ai faun ta niman waŋlon jamel melaen kebazandaŋan matalmeg denasig i gauz dizut. 6Eŋel i pidin, Aŋ so azez mon, aŋ Jesus Nasaretwain, jakebazeklak dezailak me abezaniame. I en tea, mug imaislak. Aben i denaulak anasi. 7Ge alap inan meglaum Petrus mai pidinpa, i imugpa Galileanen ilawoi; melak aŋ anasiwoi, i aŋ paiaŋlak egin.#Mar 14:28 8I didug fedafodlonge diau, terere dibolge zigia. I tata azu so dipidin, i dizezlakoi.
Maria Magdalena Jesus nasi
9Jesus i wik nal matulon bomon mon imaismeg i malanmalan Maria Magdalena izinnen itase, get inan buga sladin sewen kudua panilak.#Luk 8:2 10I ileg i me Jesus maig demadelak me gazo teŋeadin alan ditameg mai demadodime me ipidin. 11Ge i azu me diloŋge Jesus bas modoime, Maria Magdalena nasilak me i ladinlon so malik.
Emaus ai azugen zidinnen itase
12Me uzig i tinin kin ibenlon ai azugen panu ujan muzinnen dal duzig ditozmeg me zidinnen itase. 13I dimulge aenta dipidin, ge i ladinlon so malik.
14Alouge elewen dududin anaŋ diani dematalmeg i zidinnen itase. I ladinlon so maliklak, bubudin gegaun mailakoi i bebana, i me Jesus imaislag aenta i denasilak me auadin ladinlon so maliklakoi.#Kor I 15:5 15I ipidin, Aŋ fatufatulon alap totol gamun tamolai dadodado ipidinoi.#Mat 28:18–20; Apos 2:38 16I me ilonlon malik flani mai i so padaloi, i me ilonlon malik tea i padaloi.#Apos 16:18; 2:4, 11; 10:46 17I me ladinlon malik i bagoz e uzoi, inag neaglon i buga sladin kuduawoi, i beladin faunlon azu diboloi, 18i nimadinlon mot deŋalep dibisawoi, naz salan ta dimilimap i so ifuwoi. Maiaigaz tinidinlak nimadin denaup maiai ibinoi.
19Meginge Ujanzen Jesus i meglaum azu pidin binilag i didlak bise ŋaleg Anut niman waŋlon matal.#Kan 110:1; Apos 7:55; Tim I 3:16 20I dimaisge dileg panu daŋanlon azu dibol, Ujanzen i maig uzat denau, bagoz me Jesus inan azu stemanig uzi. Malik.#Heb 2:4
Currently Selected:
Markus 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 16
16
Fedafod lasenge ien
1Ubou me binig Maria Magdalena, Maria, Jakobus Salome mai tinadin, i tinin dikibinewoi mimin siziun funfun didad. 2Wik nal matulon bomon mon ad itaselag i fedafodlon dile. 3I nug dikibiaimeg dibol, Pat lof auanlon me it pasi penamawoi? 4I meladin ilelag pat get dubuli ileg ienmeg denasi, pat me ujan mok. 5I fedafodlon didulemeg i ai faun ta niman waŋlon jamel melaen kebazandaŋan matalmeg denasig i gauz dizut. 6Eŋel i pidin, Aŋ so azez mon, aŋ Jesus Nasaretwain, jakebazeklak dezailak me abezaniame. I en tea, mug imaislak. Aben i denaulak anasi. 7Ge alap inan meglaum Petrus mai pidinpa, i imugpa Galileanen ilawoi; melak aŋ anasiwoi, i aŋ paiaŋlak egin.#Mar 14:28 8I didug fedafodlonge diau, terere dibolge zigia. I tata azu so dipidin, i dizezlakoi.
Maria Magdalena Jesus nasi
9Jesus i wik nal matulon bomon mon imaismeg i malanmalan Maria Magdalena izinnen itase, get inan buga sladin sewen kudua panilak.#Luk 8:2 10I ileg i me Jesus maig demadelak me gazo teŋeadin alan ditameg mai demadodime me ipidin. 11Ge i azu me diloŋge Jesus bas modoime, Maria Magdalena nasilak me i ladinlon so malik.
Emaus ai azugen zidinnen itase
12Me uzig i tinin kin ibenlon ai azugen panu ujan muzinnen dal duzig ditozmeg me zidinnen itase. 13I dimulge aenta dipidin, ge i ladinlon so malik.
14Alouge elewen dududin anaŋ diani dematalmeg i zidinnen itase. I ladinlon so maliklak, bubudin gegaun mailakoi i bebana, i me Jesus imaislag aenta i denasilak me auadin ladinlon so maliklakoi.#Kor I 15:5 15I ipidin, Aŋ fatufatulon alap totol gamun tamolai dadodado ipidinoi.#Mat 28:18–20; Apos 2:38 16I me ilonlon malik flani mai i so padaloi, i me ilonlon malik tea i padaloi.#Apos 16:18; 2:4, 11; 10:46 17I me ladinlon malik i bagoz e uzoi, inag neaglon i buga sladin kuduawoi, i beladin faunlon azu diboloi, 18i nimadinlon mot deŋalep dibisawoi, naz salan ta dimilimap i so ifuwoi. Maiaigaz tinidinlak nimadin denaup maiai ibinoi.
19Meginge Ujanzen Jesus i meglaum azu pidin binilag i didlak bise ŋaleg Anut niman waŋlon matal.#Kan 110:1; Apos 7:55; Tim I 3:16 20I dimaisge dileg panu daŋanlon azu dibol, Ujanzen i maig uzat denau, bagoz me Jesus inan azu stemanig uzi. Malik.#Heb 2:4
New Testament published by the British and Foreign Bible Society in 1960. Genesis published by the Australian Bible Society in 1971.