Markus 13
13
Tempel padaloi Jesus ibol
1Jesus tempellonge idumeg inan meglaum ta ibol, Peteŋanek, nasipe, pat ujanlon ab gegaun siben isalak egin. 2Jesus i ipai, O ab ujan e nasiume? Pat ta pat aenta fonlak so binip ienoi, daŋan pozogoagip sezanep diduwoi.
Abaŋ loantap diduwoi
3I Gazeŋdidlak tempel daŋeg matalmeg Petrus, Jakobus, Johanes Andreas mai izinnen dileg desedaze, 4Paiamape, saŋeptap me iduwoi? Abaŋ me daŋan diduwoipa bagoz dodinoi? 5Jesus imaisge i pidin, Tata aŋ se so wiziaŋoi. 6Kuzum ŋainag neaglon disop diboloi, Ŋa ŋan i, meginpe kuzum se diwizidinoi. 7Aŋ juoi aloŋoi, ju inan azu biŋ mai itasawoi, aŋ so azut mon, abaŋ me idu mokoi, ge me saen wadan tea. 8Fatu ta inan daup me fatu aenta inan me daŋewoi, kiŋdom ta me kiŋdom aenta daŋewoi. Mim mai aben ibenibenlon diduwoi, pitol mai ienoi. Ge abaŋ e daŋan alan nauknen fun mon.#Jes 19:2; Sai II 15
Ŋalek uzek fatufatulon, sigianeknen mai
9Dab anau, i nadin temaneklon donoaŋoi, ubouablon dugusulaŋoi, ŋawoi kiŋ gowerner mai noadinnen donoaŋpa atiuzmap aŋ i meladinlon ŋa isigianagoi.#Mat 10:17–22; Luk 21:12–17 10Malan totol gamun me fatufatulon fun deflalewoi.#Luk 16:15 11I betenaeklon duduzaŋpa i nimadinlon donoaŋmap aŋ dodin ta aboloi mewoi lami so kankan mon, tea, azu saen melon panaŋmap me aboloi, aŋ so abolame, tea, Uzgun i aŋlon iboloi. 12Tain me inan tain imatnenoi nimadinlon inauwoi, taman inan nanun, samungaz nadin tinadin temadin titij denaup difup dimatoi.#Mika 7:6 13Tamolpain daŋan ŋainag neagoi dezezeŋanaŋoi. Ge me i segatig madoime wadanlonpa i tetazi ŋalewoi.#Joh 15:21
Benenaik inan abaŋ salan
14Ge aŋ benenaik inan abaŋ salan aben gun melon denaup iennen tea, melon ientap — sutiime me iloŋ gauai — meginpe me i Judealon madoime i didlak iauwoi.#Dan 9:27; 12:4, 10 15I me ab latnen madoime i so idup ab ilonnen abaŋ ta ŋalewoi. 16I me umlon madoime me inan jamel ŋalewoi so imul mon. 17Pain gididin, i aidaŋan, tea, ai su depanidime me mai. 18Agodoanipe, nami bezazou jabeknal me saen jizunlon ubounallon mai so iduwoi. 19Saen melon alan nauk ujan iduwoi, me saen funlonge gazo e so idulak, gazop mai so iduwoi.#Dan 12:1; Joel 2:2 20Saen me tituk so inaupe tamolai tata so tetazi ŋalepe, ge pilianekgazoi, me i pilianalak, iwoi saen tituk inaulak. 21Saen melon ta ipaotap, nasi, Kristus i elak! Tea, Nasi i melak! Aŋ lamilon so malik mon. 22Kristus sekauk, profet sekauk mai dimaispa bagoz maŋau kubel mai beŋten denauwoi, denaunen diloŋmap pilianekgaz mai se diwizidinoi.#Deut 13:1 23Mewoi dab anau! Na abaŋ daŋan imugseg ŋepaiaŋlak.
Tamolai inan isonen
24Saen me inan modoanek uzip ad inaup mafuzoi, fulei mai so lelamanoi,#Jes 13:10 25patui mai didlonpa dibal diduwoi, didnen tiwon mai niniwoi.#Jes 34:4 26Meginpe i Tamolai tiwon zen kubel maidaŋan timtaenlon isemap denasiwoi.#Dan 7:13 27Saen melon inan eŋel inaupa inan pilianekgaz tim pal baŋenlonge, tan wadanlonge did wadannenpa detemanawoi.#Mat 13:41; Sak 2:6; Deut 30:4
28Sisiziglon azu faŋan aloŋ, inan zaen damon itubpa zaun mai ilubmap aŋ aloŋ, inan zaun saen siziz. 29Megin mon, aŋ abaŋ e daŋan ailmap aŋ aloŋ i mug panu az dalauan izinnen iseg madoime. 30Malik ŋa aŋ ŋepaiaŋ, daz wozou e tan elon so meladin teaboi, abaŋ e daŋan get diduwoi eginmap. 31Did mai tan mai dibinip dilawoi, ge ŋainag azu so biniwoi.
32Ta i nal aur me mai so iloŋime, didnen eŋel tea, Ai mai tea, Mam i mon. 33Dab anau, amazazpa amado, aŋ so aloŋ saen saŋeptap iduwoilakoi. 34Me tamol kilian i tazeŋ jabip panu talon ilaime, i inan panu binimap i abaŋ begabeg nimadinlon inauime, dadodado inan uzat panip dalauan tizinek kibiai panip i mazazpa madowoi.#Mat 25:14; Luk 19:12 35Mewoi aŋ amazazpa amado, aŋ so aloŋ abfun saŋeptap isowoi, juzalon, tea, tidom loan tat, kekazek alanlon, tea, bomon tat.#Luk 12:38 36Teamap i pasak isemap o uwen padalmap madowoi. 37Ŋa aŋ ŋapaiaŋŋame, e daŋan mai ŋipidinŋame, Amazazpa amado.
Currently Selected:
Markus 13: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 13
13
Tempel padaloi Jesus ibol
1Jesus tempellonge idumeg inan meglaum ta ibol, Peteŋanek, nasipe, pat ujanlon ab gegaun siben isalak egin. 2Jesus i ipai, O ab ujan e nasiume? Pat ta pat aenta fonlak so binip ienoi, daŋan pozogoagip sezanep diduwoi.
Abaŋ loantap diduwoi
3I Gazeŋdidlak tempel daŋeg matalmeg Petrus, Jakobus, Johanes Andreas mai izinnen dileg desedaze, 4Paiamape, saŋeptap me iduwoi? Abaŋ me daŋan diduwoipa bagoz dodinoi? 5Jesus imaisge i pidin, Tata aŋ se so wiziaŋoi. 6Kuzum ŋainag neaglon disop diboloi, Ŋa ŋan i, meginpe kuzum se diwizidinoi. 7Aŋ juoi aloŋoi, ju inan azu biŋ mai itasawoi, aŋ so azut mon, abaŋ me idu mokoi, ge me saen wadan tea. 8Fatu ta inan daup me fatu aenta inan me daŋewoi, kiŋdom ta me kiŋdom aenta daŋewoi. Mim mai aben ibenibenlon diduwoi, pitol mai ienoi. Ge abaŋ e daŋan alan nauknen fun mon.#Jes 19:2; Sai II 15
Ŋalek uzek fatufatulon, sigianeknen mai
9Dab anau, i nadin temaneklon donoaŋoi, ubouablon dugusulaŋoi, ŋawoi kiŋ gowerner mai noadinnen donoaŋpa atiuzmap aŋ i meladinlon ŋa isigianagoi.#Mat 10:17–22; Luk 21:12–17 10Malan totol gamun me fatufatulon fun deflalewoi.#Luk 16:15 11I betenaeklon duduzaŋpa i nimadinlon donoaŋmap aŋ dodin ta aboloi mewoi lami so kankan mon, tea, azu saen melon panaŋmap me aboloi, aŋ so abolame, tea, Uzgun i aŋlon iboloi. 12Tain me inan tain imatnenoi nimadinlon inauwoi, taman inan nanun, samungaz nadin tinadin temadin titij denaup difup dimatoi.#Mika 7:6 13Tamolpain daŋan ŋainag neagoi dezezeŋanaŋoi. Ge me i segatig madoime wadanlonpa i tetazi ŋalewoi.#Joh 15:21
Benenaik inan abaŋ salan
14Ge aŋ benenaik inan abaŋ salan aben gun melon denaup iennen tea, melon ientap — sutiime me iloŋ gauai — meginpe me i Judealon madoime i didlak iauwoi.#Dan 9:27; 12:4, 10 15I me ab latnen madoime i so idup ab ilonnen abaŋ ta ŋalewoi. 16I me umlon madoime me inan jamel ŋalewoi so imul mon. 17Pain gididin, i aidaŋan, tea, ai su depanidime me mai. 18Agodoanipe, nami bezazou jabeknal me saen jizunlon ubounallon mai so iduwoi. 19Saen melon alan nauk ujan iduwoi, me saen funlonge gazo e so idulak, gazop mai so iduwoi.#Dan 12:1; Joel 2:2 20Saen me tituk so inaupe tamolai tata so tetazi ŋalepe, ge pilianekgazoi, me i pilianalak, iwoi saen tituk inaulak. 21Saen melon ta ipaotap, nasi, Kristus i elak! Tea, Nasi i melak! Aŋ lamilon so malik mon. 22Kristus sekauk, profet sekauk mai dimaispa bagoz maŋau kubel mai beŋten denauwoi, denaunen diloŋmap pilianekgaz mai se diwizidinoi.#Deut 13:1 23Mewoi dab anau! Na abaŋ daŋan imugseg ŋepaiaŋlak.
Tamolai inan isonen
24Saen me inan modoanek uzip ad inaup mafuzoi, fulei mai so lelamanoi,#Jes 13:10 25patui mai didlonpa dibal diduwoi, didnen tiwon mai niniwoi.#Jes 34:4 26Meginpe i Tamolai tiwon zen kubel maidaŋan timtaenlon isemap denasiwoi.#Dan 7:13 27Saen melon inan eŋel inaupa inan pilianekgaz tim pal baŋenlonge, tan wadanlonge did wadannenpa detemanawoi.#Mat 13:41; Sak 2:6; Deut 30:4
28Sisiziglon azu faŋan aloŋ, inan zaen damon itubpa zaun mai ilubmap aŋ aloŋ, inan zaun saen siziz. 29Megin mon, aŋ abaŋ e daŋan ailmap aŋ aloŋ i mug panu az dalauan izinnen iseg madoime. 30Malik ŋa aŋ ŋepaiaŋ, daz wozou e tan elon so meladin teaboi, abaŋ e daŋan get diduwoi eginmap. 31Did mai tan mai dibinip dilawoi, ge ŋainag azu so biniwoi.
32Ta i nal aur me mai so iloŋime, didnen eŋel tea, Ai mai tea, Mam i mon. 33Dab anau, amazazpa amado, aŋ so aloŋ saen saŋeptap iduwoilakoi. 34Me tamol kilian i tazeŋ jabip panu talon ilaime, i inan panu binimap i abaŋ begabeg nimadinlon inauime, dadodado inan uzat panip dalauan tizinek kibiai panip i mazazpa madowoi.#Mat 25:14; Luk 19:12 35Mewoi aŋ amazazpa amado, aŋ so aloŋ abfun saŋeptap isowoi, juzalon, tea, tidom loan tat, kekazek alanlon, tea, bomon tat.#Luk 12:38 36Teamap i pasak isemap o uwen padalmap madowoi. 37Ŋa aŋ ŋapaiaŋŋame, e daŋan mai ŋipidinŋame, Amazazpa amado.
New Testament published by the British and Foreign Bible Society in 1960. Genesis published by the Australian Bible Society in 1971.